Rífast um laun og vinsældir

Leikararnir Matthew Fox og Josh Holloway eru íslenskum sjónvarpsáhorfendum að góðu kunnir fyrir leik sinn í hinum geysivinsælu Lost þáttum sem Ríkisjónvarpið sýnir á mánudagskvöldum. Þeir voru miklir félagar þegar þættirnir hófust en talast varla við að undanförnu.

Ástæðan mun vera sú að Matthew Fox fékk tveggja milljóna krónu bónus á meðan Holloway fékk ekkert. Þegar þetta komst upp var Holloway brjálaður og segir blaðið InTouch að stutt hefði verið í að slagsmál brytust út á. Þá heldur blaðið því einnig fram að Fox sé fúll yfir því að Holloway sé vinsælasti leikari þáttanna að mati áhorfenda.