Pirraður á meiðslunum

Jóhannes Harðarson, leikmaður Start í Noregi, er enn ekki góður af meiðslunum sem hafa hrjáð hann síðan í byrjun árs. Jóhannes meiddist aftur um leið og hann hafði náð sér og á enn nokkuð í land með að ná fullum bata.

"Ég er orðinn mjög pirraður á þessu. Það styttist í annan endann á tímabilinu og ég verð líklega ekki til í slaginn fyrr en eftir sex vikur. Ég hef ekki spilað síðan í byrjun árs og er því ekki í neinu leikformi, það óraði ekki fyrir mér að þetta tæki svona langan tíma," sagði Jóhannes við norska fjölmiðla í gær.