1-0 fyrir Ítalíu í hálfleik

Það er hálfleikur í leik Ítalíu og Gana á HM. það var Andrea Pirlo sem það skoraði á 40. mínútu með þrumuskoti fyrir utan vítateig eftir sendingu frá Francesco Totti. Ítalir hafa verið sterkara liðið á vellinum.

Á 12. mínútu skaut Gilardino framhjá Richard Kingston markverði Gana en boltinn hafnaði í stönginni og á 27. mínútu átti Luca Toni hörkuskot sem small í þverslánni. Ganamenn hafa skotið átta sinnum og tvisvar hitt markið. Ítalir hafa tekið 12 skot og fjórum sinnum hitt.