Aaron Lennon segist geta orðið leynivopn Englendinga

Aaron Lennon segir að hann geti orðið leynivopn Englendinga á HM í Þýskalandi, með því að umturna leiknum er hann kemur inná sem varamaður.

Lennon var mjög sannfærandi í leik b liðs Englands á móti Hvítrússum, sem England tapaði 1-2, en leikmaðurinn segir að hann sé fullur af sjálfsöryggi nú er HM nálgast óðfluga.

"Ég held að ég geti haft mikil áhrif á leikinn ef ég fæ að koma inná sem varamaður, það er minn styrkur að komast fljótt inn í leikinn , skapa hluti og láta að mér kveða. Að vera óþekktur er mér til framdráttar á HM. Margir mótherjar okkar þekkja ekkert til mín, ef þeir þekkja mótherjann þá geta þeir unnið sína heimavinnu, annars ekki. Ef þeir ekki þekkja mig þá kemur það mér til góða, ég sé styrk minn einnig í því að rekja boltann, hraðann og reyna að búa til og skora mörk. Ég held að HM trufli mig ekki, ég mun geta spilað minn bolta," sagði Lennon.