Reyndar er það sýndarkeppni sem er búin og hún átti sér stað í leikjatölvu. Electronic Arts sem eru framleiðendur tölvuleiksins „FIFA World Cup 2006" létu keppnina fara fram í sýndarheimi leiksins. Það voru Tékkar sem báru sigur úr bítum, unnu Brasilíumenn 2-1 í spennandi úrslitaleik.
Eins og flestir vita þá eru slíkir tölvuleikir unnir hávísindalega. Hæfileikar hvers leikmanns eru vandvirknislega skráðir inn í gagnabanka leiksins til að útkoman verði sem raunverulegust. Því gætu þau hjá Electronic Arts reynst sannspá og þá búin að segja til um Heimsmeistarana. Ef svo er verður HM svona:
Heimsmeistari í knattspyrnu: Tékkland
Úrslitaleikurinn: Tékkland - Brasilía, 2-1
Fyrsta liðið sem verður slegið út: Ekvador
Markahæstur: Milan Baros, Tékklandi (6 mörk)
Leikmaður mótsins: Pavel Nedved, Tékkland
