Danskar konur gagnrýnni á Íraksstríðið en karlar

Danskar konur eru mun gagnrýnni á veru dansks herliðs í Írak en karlar samkvæmt nýrri könnun sem rannsóknarstofnin Catinét hefur gert fyrir Ritzau-fréttastofuna. Tæplega 57 prósent danskra kvenna telur að aldrei hefði átt að senda hermenn til Írak en 27 prósent eru á öndverðri skoðun.

Hins vegar skiptast karlar nánast í jafnstóra hópa þegar þeir taka afstöðu til sömu spurningar. Þá telja aðeins tæp 17 prósent kvenna að danskir hermenn eigi að vera í Írak þar til öryggi hefur verið tryggt í landinu en tvöfalt fleiri konur eru á því að kalla beri herinn heim nú. Þriðjungur karla telur hins vegar að Danir eigi að standa sína pligt til enda en fjórðungur vill kalla herinn heim hið snarasta.