Flugslys í Kentucky

Flugvél frá Delta flugfélaginu með 50 manns innanborðs hrapaði í Kentucy í Bandaríkjunum fyrr í dag. Óstaðfestar fréttir herma að minnsta kosti einn maður hafi komist lífs af í slysinu og er hann sagður mikið slasaður. Flugvélin var á leið frá Blue Grass flugvelli í Lexington til Atlanta og hrapaði skömmu eftir flugtak á flugvellinum í Lexington. Flugvélin var af gerðinni Bombardier CRJ200. Fregnir herma að flugvélin hafi verið nokkuð heilleg eftir hrapið en þá hafi eldur kviknað í henni. 47 farþegar og þriggja manna áhöfn var um borð.