Á von á erfiðum leik í kvöld

Arsene Wenger, stjóri Arsenal, á von á mjög erfiðum leik í kvöld þegar hans menn heimsækja Wigan í undanúrslitum enska deildarbikarsins í kvöld og býr sig mikla baráttu inni á vellinum. Leikurinn verður í beinni útsendingu á Sýn og hefst útsending klukkan 19:30 í kvöld.

"Þetta verður stríð, svo við munum tefla fram mönnum eins og Gilberto. Við erum tveimur leikjum frá úrslitunum og þá er eins gott að tjalda öllu til. Ég mun hvíla nokkra leikmenn í kvöld, svo við mætum væntanlega til leiks með nokkuð ungt lið," sagði Wenger, en hans menn unnu 3-2 sigur á Wigan á JJB vellinum í nóvember.