Shiloh verður fyrirsæta

Shiloh Nouvel Jolie-Pitt hefur fengið fyrirsætutilboðin í hrönnum enda ekki skrýtið þar sem foreldrar hennar eru eitt fallegasta par í heimi, Angelina Jolie og Brad Pitt. Það freistar Angelinu Jolie að taka þessum tilboðum og láta allt féð ganga til góðgerðamála en pabbinn er ekkert of hrifinn af hugmyndinni enda hefur barninu verið haldið fyrir utan fjölmiðla af bestu getu.

Þau Angelina og Brad virðast reyndar ekki geta komið sér saman um nokkurn skapaðan hlut þessa dagana. Fyrir skemmstu var það upplýst að Brad vildi ólmur eignast fleiri börn. Hann vill gera það á hefðbundinn hátt en Angelina heimtar að þau ættleiði að minnsta kosti eitt barn til.