Geimhænsni Kentucky Fried

Kjúklingaveitingastaðurinn Kentucky Fried Chicken hefur breytt aðeins vörumerki sínu og í tilefni af því hefur verið gerð risastór mynd af Sanders ofursta á jörðinni, í Nevada fylki. Það er sagt fyrsta vörumerkið sem sést utan úr geimnum.

Breytingin er ekki stórvægilegt, á nýju myndinni er ofurstinn kominn með, svuntu. Það þótti hinsvegar nógu mikið fyrir góða auglýsingabrellu. Því var risamyndin gerð í Nevada, rétt hjá Svæði 51, þar sem sagan segir að Bandaríkjastjórn feli geimverur sem hún hefur fangað í gegnum tíðina.

Myndin er átta þúsund fermetrar og fyrirtækið gerir mikið úr því að þetta sé fyrsta vörumerkið sem sést utan úr geimnum. Það verður þó að draga í efa, þar sem gervihnettir í dag hafa svo öflugar aðdráttarlinsur að það er hægt að lesa bílnúmer með þeim.