Barcelona ætla að bjóða í Frank Lampard

Barcelona eru tilbúnir að bjóða í Frank Lampard og ætla að láta Deco ganga upp í kaupin, en Deco lék einmitt undir stjórn Jose Mourinho hjá Porto þegar þeir urðu Evrópumeistarar fyrir 2 árum.

Frank Rijkaard telur að það sé möguleiki á að krækja í Frank Lampard eftir að Michael Ballack gekk til liðs við Chelsea og eiinig er vitað af dálæti Jose Mourinho á hinum snjalla portúgalska leikstjórnanda Deco.

Hins vegar hefur Jose Mourinho sagst ætla að láta Ballack og Lampard spila saman á miðjunni á næsta tímabili og það gæti þýtt að Lampard sé hvergi á förum. Umboðsmaður Deco sem svo skemmtilega vill til að er líka umboðsmaður Mourinho flaug til London á miðvikudaginn til að ræða við Peter Kenyon um hugsanleg kaup á Lampard og skipti á Deco.

Chelsea eru sagðir vilja í það minnsta 10 milljónir punda og Deco ef þeir eiga svo mikið sem að íhuga að fallast á að selja hinn knáa Lampard.