„Nistelrooy er að hugsa um HM núna“

Arjen Robben, landsliðsmaður Hollands og leikmaður Chelsea segir að félagi sinn hjá landsliðinu Ruud van Nistelrooy sé aðeins núna að hugsa um HM en ekki hvar hann mun leika næstu leiktíð.

Líklegt þykir að framherjinn sterki muni yfirgefa Manchester United í sumar en hann var tekinn úr liðinu í vetur og sat löngum tímum á bekknum hjá liðinu. Svo virðist sem hann sé ekki lengur inn í myndinni hjá Sir Alex Ferguson stjóra United.

Arjen Robben hafði þetta að segja um félaga sinn hjá hollenska landsliðinu.

„Hann er atvinnumaður af bestu gerð. Eins og staðan er núna er hann með hollenska landsliðinu og er hann að einbeitta sér að því. Saman sem eitt lið vitum við hvað á að gera og hvernig á að gera það. Ég á von á því að hann eigi eftir að standa sig vel. Hann ætti að koma til Chelsea og það mundi gleðja mig enda er hann topp leikmaður sem hvaða lið mundi vilja hafa," sagði Robben.

Sagt hefur verið frá því að lið á Spáni og Ítalíu hafa áhuga að fá hann og ólíklegt þykir að hann verði áfram hjá Manchester United miða við það sem undan er gengið.