Bónus frá Reykjavík!

Félagar í hljómsveitinni Reykjavík! efna til tónleika á barnum Barnum á Laugavegi 22 í kvöld og fagna frumburði sínum, Glacial Landscapes, Religion, Oppression and Alcohol, sem nýlega kom út hjá 12 Tónum. Þessi fyrsta plata þeirra hefur hlotið hlýjar viðtökur hjá hlustendum, sem án efa bíða spenntir eftir því að sjá piltana á sviði enda eru þeir þekktir fyrir allt annað en ládeyðu og linku.

Þeim til fulltingis verða rapparinn raupsami Bent og hljómsveitin Jeff Who? sem án efa munu ljá þessari kvöldskemmtun enn fágaðra yfirbragð.

Tónleikarnir hefjast kl. 22 og aðgangur er ókeypis.- khh