Vetrarsólstöðuhátíð Ásatrúarfólks haldin í Öskjuhlíð

Vetrarsólstöðuhátíð Ásatrúarfélagsins var haldin í Öskjuhlíðinni í kvöld . Hátíðin er ein helsta hátíð Ásatrúarfólks og að venju var fjöldi fólks samankominn til að fagna því að nú fer daginn að lengja á ný.

Hátíðin hófst með blysför frá Kaffi Nauthól í Nauthólsvík. Það voru svo Hilmar Örn Hilmarsson alsherjagoði og Jóhanna Harðardóttir Kjalnesingagoði sem settu hátíðina. Tilefni vetrarsólstöðuhátíðarinnar er að fagna endurfæðingu sólar en 21. desember er stysti dagur ársins.