Fuglaflensan komin til Bretlands

Fuglaflensuveiran er komin til Bretlands en hún greindist í dauðum páfagauki þar í landi í vikunni. Heilbirigðisráðherrann þar í landi segir þó ekkert að óttast. Páfagaukurinn var fluttur inn frá Suður Ameríku í síðasta mánuði og var í einangrun með öðrum fuglum sem fluttir voru inn frá Taívan en öllum fuglunum hefur nú verið fargað. Ekki er enn vitað hvort veiran sé hin sama og getur borist í menn en verið er að rannsaka fuglinn og er niðurstöður að vænta innan tveggja daga. Embættismaður í Súrinam, þaðan sem fuglinn kom frá, segir að yfirvöld þar hafi ekki gefið út nein leyfi til útflutnings á páfagaukum til Englands það sem af er árinu. Þá hefur fuglaflensuveira greinst í svönum sem fundust dauðir í vatni í Króatíu í vikunni. Sýni hafa verið send til Bretlands til að kanna hvort um sé að ræða veiruna sem getur borist í menn. Stjórnvöld í Króatíu hafa bannað allar fuglaveiðar og flutninga á fuglum. Heilbrigðisráðherrann segir þó ólíklegt að veiran verði að faraldri í Evrópu. Vandamálið sé aðallega í Asíu. Mikilvægt sé þó að gera varúðarráðstafanir og að minnsta kosti tveir skammar af inflúensulyfi verði til á hvern og einn Breta í landinu.