Írak: Hundruð milljóna horfin

Endurskoðandi sem fylgist með því fjármagni sem stjórnvöld í Bandaríkjunum hafa veitt til uppbyggingarstarfs í Írak segir milljónir dala, eða hundruð milljónir króna, hafi horfið. Er talið að bandarískir embættismenn og fyrirtæki hafi stolið peningunum. Dómsmálaráðuneyti Bandaríkjanna hefur hafið rannsókn á málinu en ekki hefur tekist að gera grein fyrir um sjö milljónum dollara, tæplega 450 milljónum króna, sem nota átti til byggingar lögreglustöðvar og bókasafns í suðurhluta Bagdad, höfuðborgar Íraks. Skýrsla um málið er væntanleg á laugardag.