Öryrkjar ósáttir

Úttekt Greiðslustofu lífeyrissjóðanna leiddi í ljós að misbrestur var á því að öryrkjar sem fengu greiddar bætur úr lífeyrissjóðunum hefðu orðið fyrir tekjutapi, eftir örorku. Það var ástæða þess að ákveðið var að kalla eftir skattframtölum öryrkja allt að tuttugu ár aftur í tímann. Samkvæmt samþykktum Lífeyrissjóðanna mega samanlagðar bætur frá Tryggingastofnun og Lífeyrissjóði ekki vera hærri en nemur mánaðarlaunum fólks, fyrir örorku. Eins og kom fram í fréttum okkar í gær hefur vegna þessa verið kallað eftir allt að tuttugu til þrjátíu ára gömlum gögnum  og sagt að ef þeim verði ekki skilað fyrir miðjan júlí falli lífeyrisgreiðslur viðkomandi niður fyrsta október. Sum þessara gagna eru varðveitt á þjóðskjalasafni. Gerðar voru stikkprufur í hópi öryrkja og kom fram vísbending um að misbrestur hefði orðið á varðveislu. Örn Arnþórsson skrifstofustjóri hjá Lífeyrissjóðnum Gildi segir að ekki sé unnt að greina frá neinum niðurstöðum að svo stöddu. Beðið verði eftir niðurstöðum heildarúttektarinnar. Það sé þó ljóst að bætur verði felldar niður hjá þeim sem eru tekjuhærri sem öryrkjar, heldur en þeir voru á vinnumarkaði. Kristín Erla Guðmundsdóttir, öryrki í Borgarnesi, segir að henni hafi verið verulega brugið við erindi greiðslustofunnar. Hún hafi beðið um skýringar en ekki fengið. í bréfinu stanid að verði skattskýrlsum ekki skilað inn þá falli grieðslurnar niður 1. októrber. Henni finnst bréfið vera hótun. Hún er segist vera búin að berjast við Tryggingastofnun en nú taki Lífeyrisjóðir við. Hún segist aldrei hafa verið beðin um þessi gögn en þau gætu vissulega leitt til tekjumissis. Hún segir líka að engu sé líkara en að alltaf sé verið að reyna að beygja öryrkja og bendir á að þeir hafi nóg með sinn sjúkdóm svo að þetta bætist ekki við.