Gæði og mýkt í fyrirrúmi

Verslunin Fat Face var opnuð með látum fimmtudaginn 17. mars í Kringlunni og föstudagskvöldið 18. mars var haldið veglegt opnunarhóf. Þar var plötusnúður og gátu gestir og gangandi kynnt sér vöruúrvalið hjá þessari nýju verslun á Íslandi.

Enn fremur mættu ansi margir hjólreiðakappar í herlegheitin og sýndu listir sínar og þol á hjóli fyrir utan verslunina.

Verslunin selur svokallaðar lífssstílsvörur fyrir þá sem hafa gaman að útivist og á örugglega eftir að falla vel í kramið hér á landi. Verslunarkeðjan leggur mikið upp úr vönduðum varningi og leggur ríka áherslu á að allt sé mjög mjúkt og þægilegt, sem er ekki verra þegar allra veðra er von.