Stjórnarandstaðan vill kalla saman þing til að fresta launahækkun Kjaradóms

Leiðtogar stjórnarandstöðuflokkanna gengu á fund forystumanna stjórnarflokkanna klukkan ellefu í morgun, þar sem Halldór Ásgrímsson forsætisráðherra reynir að höggva á þann hnút sem kominn er upp vegna ákvörðunar Kjaradóms um kjör þjóðkjörinna fulltrúa. Ingibjörg Sólrún Gísladóttir formaður Samfylkingarinnar, Guðjón Arnar Kristjánsson formaður Frjálslynda flokksins og Steingrímur J. Sigfússon formaður Vinstri-grænna, voru öll sammála um að nauðsynlegt sé að kalla saman þing til að fresta launahækkun Kjaradóms. Þau höfðu annars þetta að segja skömmu áður en þau gengu til fundar.