Ótrúleg endurkoma Henry

Leikjum kvöldsins í Meistaradeildinni er lokið og óhætt að segja að Thierry Henry hjá Arsenal hafi verið maður kvöldsins, en hann tryggði liði sínu 2-0 sigur í Prag með tveimur mörkum, eftir að hafa komið inná sem varamaður eftir aðeins fimmtán mínútna leik. Manchester United náði aðeins markalausu jafnteflil gegn franska liðinu Lille á heimavelli sínum, en Paul Scholes fékk að líta rauða spjaldið í síðari hálfleik. Bayern Munchen vann góðan sigur á Juventus frá Ítalíu, Demichelis og Deisler skoruðu mörk Þjóðverjanna, en Zlatan Ibrahimovic minnkaði muninn fyrir Juventus. Club Brugge lagði Rapid Vín á útivelli 1-0, Ajax sigraði Thun 2-0 á heimavelli, Panathinaikos og Barcelona skyldu jöfn 0-0, Udinese og Werder Bremen gerðu jafntefli 1-1 eins og Villareal og Benfica á Spáni.