Verður elst Íslendinga á sunnudag 18. mars 2005 00:01 Elsti núlifandi Íslendingurinn, Guðfinna Einarsdóttir, jafnar á morgun aldursmet Halldóru Bjarnadóttur. Ef Guð lofar nær Guðfinna þeim áfanga á sunnudag að vera sá Íslendingur sem lengst hefur lifað fyrr og síðar. Guðfinna er vel ern og vonar að hún þurfi ekki að fara á elliheimili en segist hætt að nenna að prjóna. Elsti Íslendingurinn býr í heimahúsi hjá dóttur sinni í Fossvogshverfi í Reykjavík. Því fer þó fjarri að Guðfinna sé lögst í kör. Hún hefur fótavist og gengur um heimili sitt með því að styðjast við göngugrind. Hún segir að göngugrindin sé nauðsynleg, annars ylti hún um koll því hún hafi misst svo mikið þrek. Spurð um sjónina segir Guðfinna að hún sé blind á vinstra auga og sjónin á því hægra sé farin að daprast. Guðfinna fæddist þann 2. febrúar árið 1897 í Ásgarði í Dalasýslu en ólst upp og bjó á Leysingsstöðum í Hvammssveit. Árið 1970 flutti hún til Reykjavíkur til að eyða ævikvöldinu á heimili dóttur sinnar og tengdasonar. Aðspurð hvort ekki hafi komið til tals að hún færi á elliheimili neitar Guðfinna því. Hún hafi lítinn áhuga á því og voni að hún þurfi þess ekki. Annars hafi hún heyrt að þar fari vel um fólk. Halldóra Bjarnadóttir er sá Íslendingur sem hæstum aldri hefur náð en Halldóra varð 108 ára og 45 daga gömul. Sérstök Halldórustofa er helguð henni á Heimilisiðnaðarsafninu á Blönduósi. Halldóra lifði 39.491 dag samkvæmt útreikningi Þorsteins Sæmundssonar hjá Almanaki Háskólans, en þeim dagafjölda nær Guðfinna Einarsdóttir á morgun. Og hún er ótrúlega ern. Hún segist enn getað prjónað en hún nenni því ekki. Hún hlusti hins vegar mikið á útvarp. Minni hennar er gott eins og heyrist þegar hún rifjar upp kynni sín af þjóðþekktum skáldum af æskuslóðum í Dölunum. Hún segist muna vel eftir Stefáni frá Hvítadal og þá hafi hún kynnst Jóhannesi úr Kötlum. Hún muni hins vegar minna eftir Steini Steinarr. Þegar hún er spurð hver sé lykillinn að langlífi segist hún ætíð hafa verið heilsuhraust en nefnir einnig skapferli. Hún hafi alltaf verið róleg og ekki verið með frekju eða argaskap. Alla sína ævi hafi hún verið rólynd. Þess má geta að að Guðfinna fékk fyrir þremur árum, þegar hún varð 105 ára, boð um að koma með foreldrum sínum í umferðarskólann Ungir vegfarendur til að læra fyrstu skrefin í umferðinni. Tilveran Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Endurtekið hvött til að hvíla bláa litinn Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Inga Lind selur íbúð við Valshlíð Lífið Óvænt að „gáfumannarapparar“ herji stríð af þessu tagi Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Elsti núlifandi Íslendingurinn, Guðfinna Einarsdóttir, jafnar á morgun aldursmet Halldóru Bjarnadóttur. Ef Guð lofar nær Guðfinna þeim áfanga á sunnudag að vera sá Íslendingur sem lengst hefur lifað fyrr og síðar. Guðfinna er vel ern og vonar að hún þurfi ekki að fara á elliheimili en segist hætt að nenna að prjóna. Elsti Íslendingurinn býr í heimahúsi hjá dóttur sinni í Fossvogshverfi í Reykjavík. Því fer þó fjarri að Guðfinna sé lögst í kör. Hún hefur fótavist og gengur um heimili sitt með því að styðjast við göngugrind. Hún segir að göngugrindin sé nauðsynleg, annars ylti hún um koll því hún hafi misst svo mikið þrek. Spurð um sjónina segir Guðfinna að hún sé blind á vinstra auga og sjónin á því hægra sé farin að daprast. Guðfinna fæddist þann 2. febrúar árið 1897 í Ásgarði í Dalasýslu en ólst upp og bjó á Leysingsstöðum í Hvammssveit. Árið 1970 flutti hún til Reykjavíkur til að eyða ævikvöldinu á heimili dóttur sinnar og tengdasonar. Aðspurð hvort ekki hafi komið til tals að hún færi á elliheimili neitar Guðfinna því. Hún hafi lítinn áhuga á því og voni að hún þurfi þess ekki. Annars hafi hún heyrt að þar fari vel um fólk. Halldóra Bjarnadóttir er sá Íslendingur sem hæstum aldri hefur náð en Halldóra varð 108 ára og 45 daga gömul. Sérstök Halldórustofa er helguð henni á Heimilisiðnaðarsafninu á Blönduósi. Halldóra lifði 39.491 dag samkvæmt útreikningi Þorsteins Sæmundssonar hjá Almanaki Háskólans, en þeim dagafjölda nær Guðfinna Einarsdóttir á morgun. Og hún er ótrúlega ern. Hún segist enn getað prjónað en hún nenni því ekki. Hún hlusti hins vegar mikið á útvarp. Minni hennar er gott eins og heyrist þegar hún rifjar upp kynni sín af þjóðþekktum skáldum af æskuslóðum í Dölunum. Hún segist muna vel eftir Stefáni frá Hvítadal og þá hafi hún kynnst Jóhannesi úr Kötlum. Hún muni hins vegar minna eftir Steini Steinarr. Þegar hún er spurð hver sé lykillinn að langlífi segist hún ætíð hafa verið heilsuhraust en nefnir einnig skapferli. Hún hafi alltaf verið róleg og ekki verið með frekju eða argaskap. Alla sína ævi hafi hún verið rólynd. Þess má geta að að Guðfinna fékk fyrir þremur árum, þegar hún varð 105 ára, boð um að koma með foreldrum sínum í umferðarskólann Ungir vegfarendur til að læra fyrstu skrefin í umferðinni.
Tilveran Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Endurtekið hvött til að hvíla bláa litinn Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Inga Lind selur íbúð við Valshlíð Lífið Óvænt að „gáfumannarapparar“ herji stríð af þessu tagi Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira