Risaleikur í spænska boltanum

Mestu erkifjendur knattspyrnusögunnar, Barcelona og Real Madrid, eigast við á Camp Nou, heimavelli Barcelona, í kvöld. Barcelona er í efsta sæti spænsku deildarinnar og Madrídingar eru í öðru sæti, fjórum stigum á eftir. Leikurinn er í beinni útsendingu á Sýn og hefst upphitun klukkan 20.20 og leikurinn fjörutíu mínútum síðar. Aðrir erkifjendur, Glasgow-risarnir Rangers og Celtic, etja kappi saman í dag og hefst leikurinn klukkan 12.30 í beinni útsendingu á Sýn.