Aveda-vörur fyrir bæði kynin

"Það sérstæða við vörurnar okkar er að þær eru lífrænar og innihalda lítil sem engin rotvarnarefni. Engin kemísk efni eru í vörunum og því eru þær mjög hollar og afskaplega heilbrigðar," segir Elma Dögg Gonzales, verslunarstjóri Aveda-verslunarinnar í Kringlunni.

Aveda-verslunin í Kringlunni hefur verið stafrækt hér á landi í um átta ár. Aveda selur eingöngu Aveda-vörur sem koma beint frá Minneapolis í Bandaríkjunum. Er þetta eina verslunin á Norðurlöndunum en það stendur til bóta þar sem Aveda-fyrirtækið er alltaf að stækka og færa út kvíarnar. Sami grunnur er í vörunum þó að stundum detti ein út og önnur komi í staðinn. Mesta endurnýjunin er í förðunarvörunum þar sem litir og stefnur breytast í takt við tískuna.

"Það er mikil vinna á bak við hverja vörutegund og því er vöruverðið frekar lágt. Við seljum vörur fyrir bæði kynin og eru þetta algjörar hágæðavörur enda höfum við fengið mjög góðar viðtökur á Íslandi," segir Elma Dögg en umbúðirnar utan um vörurnar eru einnig lífrænar. Kosturinn við Aveda-vörurnar er einnig sá að þær eru mjög drjúgar og hægt er að eiga til dæmis sama sjampóið í marga mánuði. "Þessar vörur eru ekki seldar hvar sem er enda eru þær gerðar úr jurtum og blómum. Þær eru mjög hollar og sem dæmi má taka að hægt er að borða varalitinn okkar án þess að hljóta skaða af," segir Elma Dögg að lokum.