Lífið

Ísland í dag: Kona missti helming líkamsþyngdar sinnar

Í þætti kvöldsins kynnumst við ungri konu sem þjáðist af offitu en þrátt fyrir að vera undir 160 á hæð var hún 120 kg þegar hún ákvað að gera eitthvað í sínum málum. Hún byrjaði að æfa, fór í hjáveituaðgerð, hélt áfram að æfa og er í dag aðeins 60 kg. Við heyrum sögu hennar og tölum við Þórdísi Kjartansdóttur lýtalækni sem hleypti okkur jafnframt inn á skurðstofu til sín þar sem hún framkvæmdi svokallaða svuntuaðgerð á konu, en sú aðgerð er oft framkvæmd í framhaldi af hjáveituaðgerð. Fylgist því með Íslandi í dag hér eftir smá stund.

Lífið

Barnastjarna barnsfaðir Michael Jackson

Talið er að raunverulegur faðir sonar Michael Jacksons, Blankett (e. teppi) sé barnastjarnan Macaulay Culkin. Þessu heldur The Sun fram og hefur eftir nafnlausum heimildarmanni. Þá á Jackson einnig dótturina Paris og svo soninn Michael.

Lífið

Ásdís Rán meikar það með Apple

„Þetta er mitt stærsta verkefni hingað til og hefur verið í þróun síðustu mánuði, segir Ásdís Rán sem heldur nú úti sérstöku VIP bloggi í samvinnu við Apple. „Verkefnið er nú orðið að veruleika og er komið í loftið world wide," segir Ásdís og heldur áfram: „Ég vann þetta í samvinnu við Apps N' Ads í Danmörku og Apple Int. App-ið er dagatal með um 30 af mínum bestu myndum frá sirca síðustu 2 árum með því fylgir svo sérstakt VIP blog með daglegum færslum, þ.e.a.s í hvert skipti sem þú opnar dagatalið færðu nýja mynd og twitter blog færslu frá mér," útskýrir Ásdís. „The IceQueen Official app kostar 4.99 dollara og er hægt að downlóda úr ITune búðinni," segir Ásdís en hér er linkurinn. „Ég er semsagt fyrsta modelið sem nýti mér þessa tækni frá Apple og er reiknað með að þetta sé bara fyrsta IceQueen applicationið sem fer í loftið af mörgum. Það er bara vonandi að það gangi upp til enda og að fólk downlódi þessu! Þetta er rosalega stór dagur í lífi mínu og vonandi getið þið nú öll glaðst með mér," segir hún ánægð. „Það er að vísu einn galli í þessu og það er að íslendingar eiga erfitt með að versla þetta á netinu nema þá með erlendum kortum því að ITunes búðin er víst ekki kominn ennþá á Íslandi."

Lífið

Sjónvarpskokkur stýrir þrautakóngi í Argentínu

„Mér líst vel á þetta, hef horft á þættina með öðru auganu en krakkarnir mínir hafa skemmt sér konunglega yfir þessu," segir Friðrika Hjördís Geirsdóttir sem verður kynnir í íslensku útgáfunni af Wipeout eða Þrautakóngi. Wipeout eru að verða eitt helsta æðið í sjónvarpsbransanum um allan heim en sjónvarpsstöðvar frá yfir tuttugu löndum hafa gert slíka þætti.

Lífið

Fyrrverandi Iceland andlitið getur ekki hætt fíkniefnaneyslu

Kerry Katona, fyrrverandi andlit Iceland verslunarkeðjunnar, segist alls ekki geta hætt vímuefnanotkun þrátt fyrir að fíknin sé að gera út af við líf hennar. „Ég bara get ekki hætt,“ hefur News of the World eftir Kerry. Mikið hefur gengið á í lífi Katona að undanförnu en hún sást opinberlega neyta fíkniefna og var myndskeið birt af neyslunni. Þrátt fyrir þrýsting frá ástvinum sínum neitar hún að fara í meðferð.

Lífið

Geta sturtað í sig ís í Hveragerði

Blómstrandi dagar fara fram í Hveragerði um helgina. Af því tilefni er árlegur Ísdagur Kjörís haldinn en fyrirtækið heldur upp á 40 ára afmæli sitt í ár og því hefur verið lagt enn meira í dagskrá Ísdagsins en venja hefur verið.

Lífið

Æfa Húmanimal á ensku

„Ég og vinir mínir sem settum upp sýninguna Húmanimal í Hafnafjarðarleikhúsinu síðasta vor stöndum nú í ströngu við að æfa sýninguna upp á ensku,“ segir Álfrún Helga Örnólfsdóttir leikkona. Tilefni þess að hópurinn ræðst í að æfa sýninguna á ensku er þátttaka þeirra á LÓKAL-leiklistarhátíðinni sem fer fram dagana 3. til 6.september næstkomandi, en Húmanimal hlaut einróma lof gagnrýnenda og níu tilnefningar til Grímunnar 2009.

Lífið

Ljósið vekur mikla athygli

Nýtt myndband við lag tónlistarmannsins Ólafs Arnalds, Ljósið, hefur vakið gríðarlega athygli víða um heim, sérstaklega á meðal grafískra hönnuða.

Lífið

Íslensk stelpa opnar Lomo-verslun í London

Hadda Hreiðarsdóttir mun opna sérstaka Lomography-verslun í miðborg London ásamt sambýlismanni sínum, Adam Scott. Verslunin, sem verður opnuð 10. september og heitir Lomography Gallery Store, London, verður fyrsta sérhæfða Lomography-verslunin í London.

Lífið

Afslappað par

Leikarinn Orlando Bloom og kærasta hans, ástralska fyrirsætan Miranda Kerr, skemmtu sér saman á tónleikum hljómsveitarinnar Kings of Leon á dögunum.

Lífið

Áhöfnin á Halastjörnunni snýr aftur eftir 25 ára hlé

Áhöfnin á Halastjörnunni, sem er skipuð þeim Gylfa Ægissyni, Hemma Gunn og Ara Jónssyni, hélt sjaldgæfa tónleika á Kringlukránni í gærkvöldi og ætla þeir félagar að endurtaka leikinn í kvöld. Á efnisskránni eru slagarar á borð við Stolt siglir fleyið mitt og Ég hvísla yfir hafið.

Lífið

Gordon hættir ekki að tala um lundann

Breski sjónvarpskokkurinn Gordon Ramsay virðist hafa orðið hugfanginn af dvöl sinni í Vestmanneyjum og ekkert síður af hinum íslenska lunda. Hann getur hreinlega ekki hætt að tala um fuglinn og eyjarnar í erlendum fjölmiðlum. Ramsay var þannig í viðtali við spjallþáttastjórnandann Jimmy Kimmel og ræddi þar um hvernig hann hefði veitt lundann, rifið úr honum hjartað og borðað það hrátt. Fuglinn hefði síðan verið grillaður og borinn fram með fersku gúrkusalati.

Lífið

Föðurland vort hafið

Í gær var ný samsýning opnuð í Hafnarborg helguð hafinu í myndlist. Sýningin nýtur stuðnings Hafnarfjarðarhafnar sem nú fagnar 100 ára afmæli sínu.

Lífið

Sonur Rúnars Júl spilar með GCD á Ljósanótt

„Þetta væri ekki hægt nema vegna þess að partur af Rúnari er með okkur,“ segir Bubbi Morthens. Rokksveitin GCD ætlar að koma saman á Ljósanótt í Keflavík 4. september til að heiðra minningu fyrrum félaga síns Rúnars Júlíussonar sem lést á síðasta ári. Yfirskrift viðburðarins verður „Óður til Rúnars“.

Lífið

Loksins skilin

Leikarinn Eddie Cibrian er nú endanlega skilinn við eiginkonu sína til sjö ára, Brandi Glanville. Upp komst um ástarsamband Cibrians og mótleikkonu hans, söngkonunnar LeAnn Rimes, fyrir stuttu en þau léku saman í sjónvarpsmyndinni Northern Lights.

Lífið

Hnefaleikar hjálpuðu til

Leikarinn Mickey Rourke kennir sjálfum sér um að hafa verið fjarri sviðsljósinu í rúman áratug. „Það er betra að vinna ekki heldur en að vinna og vera á sama tíma öllum gleymdur. Ég var núll og nix í tólf til þrettán ár.

Lífið

Túnfiskís í boði

Árleg íshátíð á vegum Kjöríss í Hveragerði verður haldin í dag. Hátíðin er haldin í tengslum við Blómstrandi daga í Hveragerði en verður stærri í sniðum en venjulega vegna fjörutíu ára afmælis Kjöríss.

Lífið

Sinfónískir áhugamenn

Þær eru ekki margar sinfóníuhljómsveitirnar sem starfa í landinu. Tvær þeirra eru skipaðar atvinnumönnum, tvær áhugafólki, önnur ungum hljóðfæraleikurum og hin fullnuma tónlistarfólki sem starfar sem áhugamenn. Sinfóníuhljómsveit áhugamanna var stofnuð 1990 og hefur starfað óslitið síðan. Hljómsveitina skipa að jafnaði fjörutíu til sextíu manns. Hún starfar frá september og fram í maí ár hvert.

Lífið

Hreinskilin á nýrri plötu

Næsta plata söngkonunnar Avril Lavigne, sem kemur út í nóvember, verður nokkuð öðruvísi en hennar síðustu verk. Lavigne leitaði inn á við til að finna rétta hljóminn, hrátt rokk verður í fyrir­rúmi, knúið áfram af kassa­gítarspili.

Lífið

Thurman í Girl Soldier

Uma Thurman hefur tekið að sér aðalhlutverkið í myndinni Girl Soldier sem Will Raee mun leikstýra. Myndin er byggð á sannsögulegum atburðum og fjallar um alræmda uppreisnarmenn í Úganda sem námu á brott yfir eitt hundrað skólastúlkur.

Lífið

Raquela tilnefnd

Kvikmyndin The Amazing Truth About Queen Raquela hefur hlotið tilnefningu í ár til Kvikmyndaverðlauna Norðurlandaráðs. Leikstjóri og handritshöfundur er Ólafur Jóhannesson, meðhöfundur er Stefan Schaefer og framleiðendur eru þeir Ólafur og Stefan ásamt Helga Sverrissyni og Arleen Cuevas. Alls eru fimm myndir tilnefndar, ein frá hverju Norðurlandi, og eru sigurverðlaunin 350.000 danskar krónur (um 8,7 milljónir íslenskra króna), sem skiptast á milli leikstjóra, handritshöfunda og framleiðenda.

Lífið

Eiki feiti slær í gegn í miðbænum

„Við bjóðum upp á stóran salatbar, súpur og brauð, kaffi, deserta, ávaxtabar, ýmsar tegundir pastasalata og heitan mat í hádeginu. Í sumar höfum við líka verið með sérstakt tilboð þar sem við bjóðum upp á svokallað „all you can eat“-hlaðborð fyrir þúsund krónur,“ segir kokkurinn Eiríkur Friðriksson, betur þekktur sem Eiki feiti, en hann opnaði veitingastaðinn Feita tómatinn í kjallara Iðuhússins í júlí.

Lífið

Kirsten Dunst dottin í það

Tímaritið National Enquirer greindi nýlega frá því að sést hefði til leikkonunnar Kirsten Dunst ofurölvi á skemmtistaðnum Tropicana Bar í Los Angeles.

Lífið

Börnin og dauðinn mætast

Myndir af látnum börnum eru daglegur viðburður í vestrænum fjölmiðlum. Hungur, stríð, og slys tortíma þeim langt fyrir aldur fram. Nú stendur yfir í Þjóðleikhúsinu í samstarfi við ASSITEJ, samtök barnaleikhúsa, námskeið þar sem tekist er á við hvernig leikhúsið megni að ræða dauðann við börnin okkar.

Lífið

Kínverji með fyrirlestur

Kínverjinn Ni Bing, sem hefur mikið látið að sér kveða í tónleikahaldi og klúbbasenunni í Kína, hefur bæst í hóp þeirra sem halda fyrirlestur á ráðstefnunni You Are In Control sem fer fram í Reykjavík í september.

Lífið

Mest lesið