Handbolti

HM 2013: Stemningin magnast fyrir leikinn gegn Katar

Lokaleikur íslenska handboltalandsliðsins í B-riðli heimsmeistaramótsins í Sevilla fer fram síðdegis. Talsverður fjöldi Íslendinga er á Spáni til þess að styðja við bakið á liðinu – og þar eru handboltaleikmenn úr ÍBV áberandi. Félagarnir eru í æfingaferð í Sevilla og nýta frítímann í að styðja Ísland.

Handbolti

Ísland! Ekki Danmörk

Það er stórleikur í dag. Ísland þarf að vinna Katar og Danir þurfa líka að vinna Makedóníu. Burtséð frá því eru íslensku aðdáendurnir í Sevilla með formsatriðin á hreinu.

Handbolti

Róbert | Ég verð tilbúinn á bekknum

Róbert Gunnarsson kom ekkert við sögu í leiknum gegn Dönum en hann hefur ekki alveg jafna sig eftir meiðsli sem hann varð fyrir í leiknum gegn Rússum. Fyrsta leiknum hjá íslenska handboltalandsliðinu á HM á Spáni s.l. laugardag. Línumaðurinn lék ekkert með gegn Síle en hann lék í nokkrar mínútur í sigurleiknum gegn Makedóníu. Róbert á ekki von á því að leika mikið gegn liði Katar í dag.

Handbolti

Kári: Mætum með allar vélar fullar af bensíni gegn Katar

Kári Kristján Kristjánsson, línumaður íslenska landsliðsins í handbolta, fullyrðir að íslenska liðið verði með allar vélar fullar af bensíni þegar liðið mætir Katar í dag í lokaumferð B-riðilsins á heimsmeistaramótinu á Spáni. Kári er ánægður með stuðningsmenn Íslands á mótinu og það er óvíst hvort skeggið fái að lifa út keppnina hjá Eyjamanninum.

Handbolti

Leik lokið: Ísland - Katar 39-29 | Öruggir í 16 liða úrslitin

Íslendingar áttu ekki í vandræðum með að landa tíu marka sigri, 39-29, gegn Katar í lokaleik Íslands í B-riðli heimsmeistaramótsins í handbolta í Sevilla í kvöld. Staðan var 20-15 í hálfleik og sigurinn var aldrei í hættu. Guðjón Valur Sigurðsson var markahæsti leikmaður Íslands með 10 mörk og Þórir Ólafsson skoraði 9.

Handbolti

Aron K: Enginn leikmaður frá Katar í liðinu

Aron Kristjánsson þjálfari íslenska landsliðsins í handbolta á von á erfiðum leik gegn Katar í dag þegar liðin eigast við í lokaumferð B-riðilsins á heimsmeistaramótinu í Sevilla á Spáni. Það vekur athygli lið Katar er eingöngu skipað leikmönnum sem eru fæddir í öðrum löndum en Katar

Handbolti

Góð mæting á leiki í Sevilla

Mótshaldarar í Sevilla eru hæstánægðir með aðsóknina á leikina í B-riðli heimsmeistaramótsins sem fram fara í San Paplo-höllinni. Það er pláss fyrir um 9.500 áhorfendur og á fjórða keppnisdegi var metfjöldi þegar um 6.400 áhorfendur mættu á leikina.

Handbolti

Snorri Steinn kominn upp fyrir Sigga Sveins

Snorri Steinn Guðjónsson er kominn upp í fimmta sætið á listanum yfir markahæstu leikmenn íslenska landsliðsins í handbolta frá upphafi. Snorri Steinn er langhæstur í hópi leikstjórnenda landsliðsins.

Handbolti

Króatar með fjórða sigurinn í röð

Króatía hélt áfram sigurgöngu sinni á HM í handbolta á Spáni í kvöld þegar liðið vann fjögurra marka sigur á Egyptalandi, 24-20. Króatíska liðið þurfti engan glansleik til þess að landa þessum tveimur stigum en framundan hjá liðinu er úrslitaleikur við Spánverja um sigurinn í D-riðlinum.

Handbolti

Pólverjar með sigurmark á síðustu sekúndunni

Robert Orzechowski tryggði Pólverjum 25-24 sigur á Serbum á HM í handbolta í kvöld þegar hann skoraði sigurmarkið sekúndu fyrir leikslok. Pólverjar voru fjórum mörkum undir þegar aðeins 17 mínútur voru eftir af leiknum en áttu frábæran endasprett.

Handbolti

Spánverjarnir sterkari á lokakaflanum

Gestgjafar Spánverja eru áfram á sigurbraut á HM í handbolta á Spáni en þeir unnu sex marka sigur á Ungverjum, 28-22, í fjórða leik sínum í dag. Spánverjar unnu síðustu tíu mínútur leiksins 7-2 og hafa fullt hús eftir fjórar umferðir af fimm.

Handbolti

Suður-Kóreumenn töpuðu fyrir Sádum og eru úr leik

Það gengur ekkert hjá Suður-Kóreu á HM í handbolta á Spáni en liðið hefur tapað fjórum fyrstu leikjum sínum og þar á meðal með tveimur mörkum á móti Sádi-Aarbíu í dag, 24-22. Sádi-Aarbar tryggðu sér með þessum sigri úrslitaleik um sæti í sextán liða úrslitunum á móti Hvíta-Rússlandi á laugardag.

Handbolti

Enn eitt stórtapið hjá Ástralíu

Alsír átti ekki í miklum vandræðum með Ástralíu í fyrsta leik dagsins í D-riðli á HM í handbolta á Spáni. Alsíringar unnu leikinn með 24 mörkum, 39-15, en þetta var fyrsti sigur liðsins á mótinu á Spáni.

Handbolti

Slóvenar með fjórða sigurinn í röð

Slóvenar eru áfram með fullt hús í C-riðli á HM í handbolta eftir eins marks sigur á Hvít-Rússum, 27-26, í dag. Þetta var annar eins marks sigur slóvenska liðsins í röð því liðið vann Pólland 25-24 á þriðjudagskvöldið.

Handbolti

Danir ætla að vinna Makedóníu

Ulrik Wilbek, landsliðsþjálfari Dana, hefur staðfest að liðið muni gera allt til þess að leggja Makedóníu af velli þó svo leikurinn skipti Dani engu máli.

Handbolti

Hansen vill spila gegn Makedóníu

Íslendingar þurfa á því að halda að Danir standi sig gegn Makedóníu á morgun. Klúðri Danir þeim leik lenda Íslendingar líklega í fjórða sæti og spila þá gegn Frökkum í 16-liða úrslitum keppninnar.

Handbolti

Vignir: Verðum klárir gegn Katar

"Við áttum að vera löngu búnir að bregðast við sóknarleik Dana þegar við vorum að skipta úr sókn í vörn. Ég veit ekki hvað þeir gerðu mörg mörk úr slíkum færum en þetta gekk ekki upp. Það er eflaust hægt að týna til ýmsa hluti sem voru þeim í hag – þeir hafa hvílt lykilmenn á meðan við vorum í erfiðum leik í gær. Það skiptir engu máli. Þegar á hólminn er komið voru þeir bara betri," sagði Vignir Svavarsson sem náði ekki að komast á blað gegn Dönum í markaskorun.

Handbolti

Mest lesið