Erlent

Stór lögregluaðgerð gegn mansali og vændi í Noregi

140 norskir lögreglumenn réðust í dag gegn skipulagðri vændisstarfsemi í Osló og Björgvin. 51s árs gamall Norðmaður er grunaður um að hafa stjórnað vændishringnum. Portkonurnar komu flestar frá Taílandi og frá Nígeríu.

Herinn hugsanlega sendur til Napólí

Stjórnvöld á Ítalíu ræða nú þann mögleika að senda herlið til Napólí til þess stilla til friðar í borginni. Ofbeldisglæpum hefur fjölgað þar á síðastliðnum dögum og vilja ráðamenn grípa í taumana fyrr en síðar.

Botha, fyrrum forseti Suður-Afríku, látinn

P.W. Botha sem var forsætisráðherra Suður-Afríku 1978-1984 og forseti landsins 1984-1989 lést á heimili sínu í dag. Botha var harður stuðningsmaður aðskilnaðarstefnunnar þó svo að undir lok forsetatíðar sinnar hafi hann slakað lítillega á henni. Botha var 90 ára.

Bjargað með gervifrjóvgun

Kóalabirnir, sem urðu til með gervifrjóvgun, voru kynntir í dýragarði í Queensland í Ástralíu í gær. Birnirnir eru átta en þrír þeirra voru sýndir almenningi. Þeir eru á bilinu 10 til 12 mánaða. Vísindamenn vilja fara þessa leið til að tryggja viðhald stofnsins.

Blair slapp við rannsókn á Íraksstríðinu

Breska ríkisstjórnin hafði betur þegar atkvæði voru greidd um kröfu stjórnarandstöðunnar um nýja rannsókn á Íraksstríðinu. 298 þingmenn greiddu atkvæði á móti tillögunni en 273 greiddu tillögunni atkvæði sitt. Stjórnarandstaðan krafðist þess að þáttur Breta í aðdraganda Íraksstríðsins og eftirmála þess yrði rannsakaður.

Aftur að samningaborðinu

Stjórnvöld í Norður-Kóreu hafa ákveðið að setjast aftur að samningaborðinu og reyna að finna lausn á kjarnorkudeilu sinni við nágrannaríki sín og Vesturveldin. Þetta var ákveðið á óformlegum fundi embættismanna frá Bandaríkjunum, Kína og Norður-Kóreu í dag. Viðræðurnar sigldu í strand fyrir um ári.

Ræktuðu lifrarfrumur úr stofnfrumum

Breskir vísindamenn við háskólann í Newcastle segjast hafa ræktað agnarsmáa búta af mennskum lifrarvef. Lifrarfrumurnar ræktuðu þeir úr stofnfrumum sem fengnar voru úr naflastrengjum. "Smálifrarnar" verða notaðar til lyfjatilrauna, þannig má koma í veg fyrir tilraunaslys eins og þegar sex sjúklingar urðu alvarlega veikir við lyfjatilraunir í Northwich Park.

Bretar vilja samkomulag til framtíðar

Bresk stjórnvöld leggja áherslu á að nýr samningur um losun gróðurhúsalofttegunda verði tilbúinn eigi síðar en árið 2008. Kyoto-bókunin um að draga úr losun gróðurhúsalofttegunda gildi aðeins til ársins 2012.

Bush ætlar að beita sér í málefnum Darfur

George W. Bush, forseti Bandaríkjanna, sagðist í dag myndu vinna að áætlun til að takast á við neyðarástand og mannréttindabrot í Darfur í Súdan, þar sem 200 þúsund manns hafa fallið og áætlað er að tvær og hálf milljón manna hafi flúið heimili sín. Hann tilkynnti þetta eftir fund með nýskipuðum Darfur-fulltrúa sínum um skýrslu þess síðarnefnda.

Hart sótt að Færeyingum í Norðurlandaráði

Hart verður sótt að Færeyingum í Norðurlandaráði, á morgun, vegna þess að þar í landi eru engin lög sem banna að níðst sé á samkynhneigðum, og þeir niðurlægðir. Það verður Rannveig Guðmundsdóttir, þingmaður Samfylkingarinnar, sem tekur Færeyinga til bæna, í fyrirspurnartíma.

Bush tekur lokasprettinn

Íraksstríðið hefur verið helsta vopn demókrata í kosningabaráttunni og það er að virka vel ef marka má skoðanakannanir. George W. Bush forseti veit hins vegar sem er að vika er langur tími í pólitík og reynir nú að snúa vopninu í höndum þeirra.

Gæsluvarðhald framlengt yfir múslimum í Danmörku

Gæsluvarðhald var í dag framlengt um fjórar vikir, yfir fimm múslimum sem voru handteknir í Óðinsvéum, í Danmörku, í byrjun september.

Danskt herlið eins lengi og Írakar vilja

Danskt herlið verður eins lengi í Írak og ríkisstjórn Íraka fer fram á og Sameinuðu þjóðirnar samþykkja. Andres Fogh Rasmussen, forsætisráðherra Danmerkru sagði þetta á blaðamannafundi í gær í Kaupmannahöfn. Írakar hafa óskað eftir því að vera herliðsbandamanna í landinu verði framlengd um ár.

Daniel Ortega líklegur til sigurs í Níkvaragva

Hyldýpi örvæntingarinnar blasti við forsætisráðherranum

40 Írökum rænt

Meira en 40 Írökum hefur verið rænt í árás á strætisvagna sem voru á leið til Bagdad um hádegisbil í dag samkvæmt fregnum frá lögreglunni í Tíkrít.

Stjórnarandstaðan í Kasakstan sammála Borat

Stjórnarandstöðuleiðtoginn í Kasakstan sagði í morgun að Sacha Baron Cohen, sá sem leikur vitleysinginn Borat, hefði ekki valið Kasakstan sem bakgrunn fyrir brandara sína í nýrri bíómynd ef ástand mála þar í landi væri betra.

Spánverjar reyna að stemma stigu við flóttamönnum frá Afríku

Dómsmálaráðherra Spánar, Lopez Aguilar, sagði í morgun eftir fundahald í Senegal, að Afríkuríki yrðu að reyna að stemma stigu við fjölda flóttamanna sem reyna að komast til Evrópu.

Smygla fólki yfir Eyrarsundsbrúna

Lögregla í Svíþjóð hefur handtekið sjö manns í tengslum við það sem talið er umfangsmikið smygl á fólki til landsins. Fram kemur á vef Nyhedsavisen að lögregla hafi stöðvað fjórar smygltilraunir frá því á föstudag en í öll skiptin var reynt að smygla fólki frá Danmörku og yfir Eyrarsundsbrúna.

Norður-Kórea að samningaborðinu á ný

Norður-Kórea hefur samþykkt að setjast aftur að samningaborðinu til viðræðna við hinn svokallaða Sexveldnahóp samkvæmt fréttum frá Suður-Kóreu og Kína.

Lögreglan í Marseille handtekur fimm ungmenni

Lögreglan í Marseille í Frakklandi handtók í morgun fimm ungmenni vegna gruns um að þau hafi tekið þátt í árás á strætisvagn fyrr í vikunni, en ung kona hlaut brunasár á 70% líkama síns í árásinni.

Írakar þurfa 100 milljarða dollara vegna uppbyggingarstarfs

Alls er talið að Írakar eigi eftir að þurfa á um 100 milljarða dollara, sem samsvarar um 6.840 milljörðum íslenskra króna, að halda næstu fjögur til fimm árin til þess að endurbyggja innviði stjórnkerfisins.

35 kínverskir námuverkamenn verða innlyksa

35 kínverskir námuverkamenn urðu innlyksa í morgun eftir gassprengingu í kolanámu í norðvesturhluta Kína samkvæmt fregnum frá kínversku fréttastofunni Xinhua.

Mótmæli halda áfram í Oaxaca í Mexíkó

Þúsundir andstæðinga ríkisstjórans í Oaxaca í Mexíkó söfnuðust saman í miðborginni í gærkvöldi og urðu átök milli þeirra og alríkislögreglunnar.

Rússar nálgast inngöngu í Alþjóðaviðskiptastofnunina

Viðræður Rússa og Bandaríkjamanna um inngöngu þeirra fyrrnefndu í Alþjóðaviðskiptastofnunina hafa gengið vel og búist er við að viðræðunum ljúki á næstu dögum.

Kentucky Fried Chicken verður betri fyrir heilsuna

Skyndibitakeðjan Kentucky Fried Chicken tilkynnti í gær að þeir myndu skipta um steikingarolíu í steikingarpottum sínum.

Ástralir neita að breyta stefnu í umhverfismálum

Ástralska ríkisstjórnin hafnaði því í morgun að gera breytingar á umhverfisstefnu sinni þrátt fyrir ákall Tony Blair til ríkja heimsins að draga úr mengun.

Þrjár milljónir hafa flúið heimili sín í Írak

Flóttamannahjálp Sameinuðu þjóðanna áætlar að um þrjár milljónir flóttamanna hafi flúið heimili sín í Írak til þess að reyna að komast burt frá átakasvæðum.

Bandaríska varnarmálaráðuneytið stofnar áróðursdeild

Donald Rumsfeld, varnarmálaráðherra Bandaríkjanna, sagði nýlega að Bandaríkin væru að tapa áróðursstríðinu gegn óvinum sínum og ákvað bandaríska varnarmálaráðuneytið því að stofna nýja deild sem á að vinna gegn áróðri frá óvinum þeirra.

Þrjú kíló af silfurpeningum

Tveir bræður fundu stóran fjársjóð frá víkingatímum á Suður-Gautlandi, nærri Sundre-kirkju, í síðustu viku, kom fram á fréttavef Dagens Nyheter í gær. Að sögn sérfræðinga er um að ræða þrjú kíló af silfurpeningum, líklega frá tíundu öld.