Erlent

Átökin á Nørrebro

Óeirðaástand hefur verið á Nørre-bro í fjóra daga eftir að lögregla rýmdi Ungdomshuset 1. mars.

Erlent

Gagnrýnir umdeilda heimild

Bresk þingnefnd telur valdheimild sem gerir yfirvöldum kleift að halda grunuðum hryðjuverkamönnum án ákæru stríða gegn mannréttindalögum í Evrópu.

Erlent

Stendur við afsökunarbeiðni

Forsætisráðherra Japans, Shinzo Abe, mun standa við afsökunarbeiðni japanskra stjórnvalda á að asískar konur hafi verið þvingaðar til kynlífs með japönskum hermönnum fyrir áratugum síðan.

Erlent

Reyna að finna Ungdomshuset nýjan stað

Styrktarsjóður Ungdomshuset hefur fjárráð til að kaupa nýtt hús fyrir þá starfsemi sem fram hefur farið á Jagtvej 69, í húsinu sem nú á samkvæmt heimildum Politiken að rífa. Þetta segir Knud Foldschack lögmaður styrktarsjóðsins. Lögmaðurinn áréttar hins vegar í samtali við Politiken að ungmennin sjálf hafi fyrirgert rétti sínum til að koma að þeirri ákvörðun hvar skuli kaupa nýtt hús, það sé sjóðsins og stjórnmálamanna að ákveða það. Hann segir að sjóðurinn sé hins vegar tilbúinn að láta unga fólkinu eftir að reka starfsemina eftir sem áður.

Erlent

Stórt vopnabúr í Kaliforníu

Slökkviliðsmenn í Kaliforníu í Bandaríkjunum komu niður á milljón skothylki í göngum á einkalóð fyrir helgi. Eldur brenndi hluta þaks af húsinu fyrir ofan og var slökkvilið kallað til. Einhver skotfæri sprungu meðan eldur logaði í húsinu og hitnaði í göngunum. Þar voru, auk skotfæranna, rúm 30 kíló af svörtu byssupúðri, fjölmargar skammbyssur, haglabyssur og árásarrifflar.

Erlent

Morðingi í leyfi drap aftur

Norskur karlmaður, Quang Minh Pham hefur verið handtekinn grunaður um að hafa myrt 31 árs gamlan mann sem saknað hafði verið í viku en fannst í skottinu á bíl Pham í gær. Pham, sem er 34 ára var dæmdur fyrir manndráp fyrir átta árum en var í leyfi frá fangelsinu þar sem hann afplánar 21 árs dóm. Verdens Gang í Noregi greinir frá þessu.

Erlent

Arababandalagið vill skýr svör

Arababandalagið vill að Bandaríkjamenn gefi afsvar með það hversu lengi þeir ætla að hafa herafla í Írak. Aðalritari bandarlagsins Amr Moussa segir þetta helsta baráttumál bandalagsins sem nú fundar í Kaíró.

Erlent

Enn nóg pláss í fangelsum

Fangelsismálastjóri Kaupmannahafnar óttast ekki plássleysi í fangelsum, jafnvel þó svo að til frekari átaka komi á Norðurbrú. Hann segir að enn sé pláss fyrir fleiri. Af þeim rúmlega 600 sem samtals hafa verið handteknir undanfarna sólarhringa sitja 218 enn í gæsluvarðhaldi.

Erlent

Skutu átta óbreytta borgara til bana

Bandarískir hermenn skutu átta óbreytta borgara til bana og særðu meira en 30 til viðbótar fyrir utan Jalalabad í austurhluta Afganistan í dag. Þetta segir lögregla í Afganistan. Hermennirnir hófu skothríð eftir að sjálfsmorðssprengjumaður gerði á þá árás. Sprengjumaðurinn var sá eini sem lést í sprengingunni en ekki er ljóst hvort hermenn hafi slasast í henni. Ekki hafa enn borist fréttir af því af hverju hermennirnir hófu skothríð á borgarana.

Erlent

Friður á Fílabeinsströndinni

Laurent Gbagbo forseti Fílabeinsstrandarinnar og Guillaume Soro foringi skæruliðasveita í landinu skrifuðu í dag undir friðarsamkomulag sem bindur enda á borgarastríð sem staðið hefur í fimm ár í landinu. Samningurinn er árangur mánaðrlangra viðræðna sem fram hafa farið í nágrannalandinu Burkina Faso með stuðningi Sameinuðu þjóðanna.

Erlent

Þingkosningar í Eistlandi

Búist er við að sitjandi ríkisstjórn mið- og hægriflokkar í Eistlandi haldi velli í þingkosningum í landinu í dag. Kosningarnar eru þær elleftu frá því landið fékk sjálfstæði árið 1991. Kjörstaðir voru opnaðir klukkan sjö í morgun að íslenskum tíma og verður lokað klukkan sex. Búist er við að úrslit liggi fyrir klukkan tíu í kvöld.

Erlent

Risabarn fæddist í Kína

Kínversk kona ól á föstudag barn sem er það þyngsta sem komið hefur í heiminn í þessu fjölmennasta landi heims síðan 1949. Drengurinn sem enn hefur ekki fengið nafn fæddist 6,25 kíló eða 25 merkur. Móður og barni heilsast vel. Móðirin er strætóbílstjóri og gamall íþróttamaður og er engin smásmíð sjálf, hún vegur 120 kíló.

Erlent

Ungdomshuset verður jafnað við jörðu

Danska blaðið Politiken fullyrðir að Ungdomshuset verði jafnað við jörðu á tveimur dögum. Trúarsöfnuðurinn Faderhuset sem á húsið hefur boðað blaðamannafund í fyrramálið þar sem þeir ætla að greina frá ákvörðun sinni um framtíð hússins.

Erlent

Aðgerðir gegn uppreisnarmönnum á A-Tímor

Ástralskar friðargæslusveitir gerðu í morgun árás á búðir uppreisnarmanna á Austur-Tímor og skutu fjóra þeirra til bana, en foringinn Alfredo Reinado slapp. Reinado leiddi valdaránstilraun í her landsins í vor. Þá var hann handtekinn en hann braust út úr fangelsinu í haust og hefur síðan haldið úti skærum með uppreisnarhóp sínum. Mikill óstöðugleiki hefur verið í landinu undanfarin ár, en það lýsti yfir sjálfstæði frá Indónesíu fyrir rúmum fimm árum. Xanana Gusmao forseti landsins hefur hvatt Reinado til að gefast upp til að friðvænlegt geti orðið í landinu.

Erlent

Tunglmyrkvi sást víða um heim

Tunglmyrkva varð vart víða um heim í gærkvöldi og nótt. Tunglið varð þá almyrkvað í fyrsta sinn í tæp þrjú ár. Tunglmyrkvinn sást illa í höfuðborginni í gærkvöldi þar sem var skýjað en sást vel á Norðurlandi. Almyrkvinn hófst um stundarfjórðungi í ellefu í gærkvöldi og lauk rétt um miðnætti.

Erlent

Kosið í Eistlandi í dag

Kjörstaðir í Eistlandi voru opnaðir í morgun en þarlendir kjósa sér þing í dag. Búist er við að mið- og hægriflokkarnir haldi velli og myndi aftur stjórn. Eistland er eitt fátækasta land Evrópusambandsins en um leið það tæknivæddasta.

Erlent

Minni harka í mótmælunum

Til nokkurra átaka kom milli mótmælenda og lögreglu á Norðurbrú í Kaupmannahöfn í nótt en ekki jafn alvarlegra og liðnar nætur. Lögregla var fjölmenn á götum borgarinnar og talið að það hafi komið í veg fyrir hörð átök líkt og í fyrrinótt þegar eldar loguðu víða. Deilt er um rýmingu Ungdómshússins svokallaða, æskulýðsmiðstöðvar á Norðurbrú.

Erlent

Nørrebro leit út eins og vígvöllur

Hörður Sveinsson ljósmyndari á Fréttablaðinu stundar ljósmyndanám í Danmörku og var staddur í Kaupmannahöfn í gær og fyrradag á leið sinni hingað til lands.

Erlent

Þjófarnir stálu milljón á striga

Peningaseðlar límdir á striga, verk norska listamannsins Jan Christensen, vakti ekki bara athygli listunnenda á landsvísu heldur einnig þjófa sem brutust inn í sýningarsalinn og höfðu verkið með sér á brott seinnipart sunnudags.

Erlent

Smyglaði fiski í pilsfaldinum

Áströlsk kona á fimmtugsaldri var nýverið dæmd í níu mánaða samfélagsþjónustu fyrir að smygla fiskum frá Asíu til Ástralíu. Fiskarnir, sem konan faldi í pilsfaldi sínum, eru bæði friðaðir og verðmætir. Grunsemdir tollvarða vöknuðu þegar þeir heyrðu skvamp í fötum konunnar og við nánari athugun komu fimmtán pokar af vatni og fiski í ljós. Áströlsk tollyfirvöld líta athæfið alvarlegum augum, sérstaklega vegna smithættu í áströlskum fiskiðnaði.

Erlent

Rútan steyptist fram af afrein

Sex manns létust í gærmorgun í Atlanta þegar rúta með körfuboltalið háskólanema frá Ohio í Bandaríkjunum innanborðs fór í gegnum vegrið á afrein, steyptist fram af og lenti á fjölfarinni hraðbraut fyrir neðan.

Erlent

Mikið ber á milli í Kosovo

Martti Ahtisaari, fyrrverandi Finnlandsforseti, segir að serbnesku og albönsku samningafulltrúarnir frá Kosovo séu algerlega á öndverðum meiði um tillögur Sameinuðu þjóðanna um framtíð héraðsins. Ahtisaari, sem samdi tillögurnar, hefur átt fundi með fulltrúum beggja þjóðarbrotanna og sagðist nú ætla að skoða athugasemdirnar og „sjá til hvers konar breytingar við gætum gert“.

Erlent

Kvikmynd um Mannerheim

Finnar og Rússar ráðgera að gera í sameiningu kvikmynd um Carl Gustaf Emil Mannerheim, þjóðhetju og yfirmann finnska hersins í heimsstyrjöldinni síðari. Gert er ráð fyrir að myndin kosti tólf til fjórtán milljónir evra og verður hún þá dýrasta myndin í sögu finnskra kvikmynda. Myndinni verður leikstýrt af leikstjóranum Renny Harlin, að sögn.

Erlent

Kviðdómur settur í málið

Auðkýfingurinn Mohammed al Fayed, eigandi Harrods-verslananna í Bretlandi, vann í gær sigur þegar dómstóll úrskurðaði að kviðdómur yrði kallaður saman fyrir réttarrannsókn á dauða Dodi Fayed, sonar hans og Díönu prinsessu.

Erlent

Enn allt með kyrrum kjörum í Kaupmannahöfn

Enn er allt með kyrrum kjörum á Norðurbrú í Kaupmannahöfn og svo virðist sem ekki muni koma til álíka átaka og undanfarna tvo daga. Mótmælendur komu sínum skilaboðum á framfæri með yfirveguðum hætti í dag en mótmælagöngu lauk í Norrebroparken undir kvöld án þess að til ryskinga kæmi. Lögregla hefur þó enn hámarksviðbúnað, skyldi sverfa til stáls.

Erlent

Týndir ferðamenn komnir í leitirnar

Hópur ferðamanna sem hefur verið týndur síðan á fimmtudag í Eþíópíu er kominn í leitirnar. Hópurinn hafði samband við ferðaskrifstofu sína nú í kvöld. Búist er við því að hópurinn komi til höfuðborgarinnar Addis Ababa á morgun. Ekki er vitað enn hvað fólkið hefur verið að bardúsa en óttast var að uppreisnarmenn frá Erítreu hefðu rænt þeim.

Erlent

Friðsamleg mótmæli í dag

Mótmæli hafa farið friðsamlega fram í Kaupmannahöfn í dag eftir hörð átök lögreglu og mótmælenda síðustu nótt. Deilt er um rýmingu æskulýðsstöðvar á Norðurbrú. Lögregla óttast að þar verði frekari átök í nótt. Íslenskur ljósmyndari segir mótmælendur hafa misst samúð hins venjulega Dana.

Erlent

Mest lesið