Erlent

Hitnar undir menningarmálaráðherra Dana

Stjórnarandstaðan á danska þinginu krefst þess að menningarmálaráðherra landsins segi af sér. Hann hafi logið að þinginu um yfirvofandi uppsagnir hjá Danska ríkisútvarpinu og reynt að hafa áhrif á ritstjórnarstefnu þess. Fjármál útvarpsins eru í molum vegna framkvæmda við nýjar höfuðstöðvar.

Erlent

Lögðu hald á 13 milljarða íslenskra króna

Lögreglan í Mexíkó lagði í dag hald á 13 milljarða íslenskra króna við leit í höfuðstöðum eiturlyfjahrings í Mexíkóborg. Upphæðin er tvisvar sinnum hærri en lagt var hald á allt árið í fyrra. Þetta er mesta magn peninga sem nokkru sinni hefur verið gert upptækt í Mexíkó.

Erlent

Castro tilbúinn í næstu forsetakosningar

Forseti kúbverska þjóðþingsins segir að Fidel Castro sé hinn hressasti og verði tilbúinn til þess að bjóða sig enn einusinni fram til embættis forseta í mars á næsta ári. Ricardo Alarcon segir að Castro taki fullan þátt í stjórn landsins og að leitað sé til hans með meiriháttar ákvarðanir.

Erlent

Táragasi beitt á sjónvarpsstöð

Pakistanskir óeirðalögreglumenn réðust í dag inn í einkarekna sjónvarpsstöð og úðuðu þar táragasi, eftir að fréttastjórinn neitaði að hætta beinum útsendingum af óeirðum í höfuðborginni Islamabad. Mótmælin voru vegna þess að forseta hæstaréttar landsins var vikið úr embætti síðastliðinn föstudag.

Erlent

Best fyrir þig að flýja úr bænum

Þótt New York búar séu ýmsu vanir virðist alveg hafa soðið upp úr hjá þeim við að sjá og heyra á myndbandi þegar ráðist var á 101 árs gamla konu sem var á leið til kirkju sinnar. Árásarmaðurinn barði hana svo hrottalega að hún kinnbeinsbrotnaði, og rændi svo 32 dollurum úr tösku hennar.

Erlent

Miklar efasemdir um palestinska þjóðstjórn

Nýrri þjóðstjórn Palestínumanna hefur verið tekið með miklum fyrirvara á Vesturlöndum og nokkuð ljóst að ekki verður nein stefnubreyting þar fyrr en í ljós kemur hver verða stefnumál hinnar nýju stjórnar. Lykilatriði er að hún verði við kröfum Miðausturlanda-kvartettsins svokallaða um að viðurkenna tilverurétt Ísraelsríkis og hafna ofbeldi.

Erlent

Rússar vilja nema land í Afríku

Rússar hafa hug á að endurheimta stöðu sína í Afríku, en á árum kalda stríðsins jusu þeir milljörðum dollara í ríki sem talin voru marxisk, eða vinsamleg Moskvu. Vesturlönd studdu á móti önnur ríki sem þeir töldu sér hliðholl. Allt þetta gufaði upp þegar Sovétríkin liðuðust í sundur, en nú vilja Rússar nema land að nýju.

Erlent

Sluppu úr bresku fangelsi í Írak

Ellefu fangar hafa sloppið úr fangelsum sem Bretar reka í íröksku borginni Basra. Tíu þeirra skiptu um föt við gesti sína í fangelsinu í vikunni og gengu út í þeirra stað. Ekki var tekið eftir því að þeir væru sloppnir fyrr en í dag. Allir þessir fangar hafa setið í herfangelsinu í tvö ár. Þúsundum Íraka er haldið í breskum og bandarískum fangelsum víðsvegar um Írak.

Erlent

Óeirðir í Ungverjalandi

Til átaka kom milli lögreglu og öfgasinnaðra hægrimanna á götum Búdapest í Ungverjalandi í gærkvöldi. Lögregla beitti táragasi og vatnsdælum til að dreifa mannfjöldanum og óeirðir mögnuðust.

Erlent

R2D2-póstkassar í Bandaríkjunum

Bandaríska póstþjónustan hefur ákveðið að skreyta póstkassa um gjörvöll Bandaríkin í líki geðþekka vélmennisins R2D2 úr Stjörnustríðsmyndunum. Brátt eru 30 ár liðin frá því að fyrsta mynd þessa víðfræga sagnabálks kom út.

Erlent

G8 funda um gróðurhúsaáhrif

Umhverfisráðherrar G8, átta stærstu iðnríkja heims funda nú í Potsdam í Þýskalandi. Helstu umræðuefni fundarins eru fjölbreytni lífríkisins og hættur sem að henni steðja og loftslagsbreytingar af manna völdum. Þýskaland situr nú í forsæti bæði G8 og Evrópusambandsins, en ESB ákvað í síðustu viku að ráðast í aðgerðir til að hefta hlýnun loftslags. Þjóðverjar vonast nú til þess að því fordæmi muni löndin í G8 fylgja. Þá hefur ráðherrum frá Kína, Indlandi, Brasilíu, Mexíkó og Suður-Afríku verið boðið að sitja fundinn en þessi lönd gegna lykilhlutverki í baráttunni gegn gróðurhúsaáhrifum.

Erlent

Tsvangirai útskrifaður

Morgan Tsvangirai leiðtogi stjórnarandstöðunnar í Simbabve var útskrifaður af sjúkrahúsi í morgun. Hann sagði að því tilefni að hann finndi enn til eftir barsmíðar lögreglunnar en væri þrátt fyrir það staðfastari en nokkru sinni að berjast gegn stjórn Roberts Mugabe forseta.

Erlent

Kátt í kistunni

Mörgum til ama eru naktar eða fáklæddar konur notaðar til þess að auglýsa nánast hvað sem er. Ímyndunarafli auglýsenda virðast lítil takmörk sett þegar þeir reu að finna flöt á því að setja berar konur í auglýsingar sínar. Toppnum.....eða botninum hefur þó líklega verið náð á Ítalíu. Þar auglýsa fáklæddar fegurðardísir líkkistur.

Erlent

Krefjast afsagnar menntamálaráðherrans

Danskir stjórnarandstæðingar krefjast afsagnar Brian Mikkelsen menntamálaráðherra vegna afskipta hans af ristjórnarstefnu Danska ríkisútvarpsins (DR). Bæði þingmenn Sósíalíska þjóðarflokksins og Jafnaðarmannaflokksins segja að ráðherranum sé ekki sætt. Þeir segja Mikkelsen hafa svikið þingið.

Erlent

Miklu hættulegra að fara á skíði

Ein afleiðing hlýnunar jarðar er sú að slysum á skíðasvæðum hefur fjölgað gríðarlega, vegna minni snjókomu. Í frönsku Ölpunum hefur slysum fjölgað um 163 prósent á síðustu tveimur árum. Ein ástæðan er sú að fólk gefst upp á að skíða í snjólitlum troðnum brekkum og fer útfyrir þær. Það er ávísun á slys, nema skíðamennirnir séu þeim mun betri.

Erlent

Henda um þriðjungi af öllum mat

Bretar henda 6,7 milljónum tonna af mat á ári hverju sem er um þriðjungur þess matar sem þeir kaupa. Meirihluti ruslsins sem af þessu hlýst er urðaður og brotnar niður á urðunarsvæðum með tilheyrandi losun gróurhúsalofttegunda.

Erlent

Hjartahnoð mikilvægara en „munn við munn“

Sjúkraliðar mæla nú með því að fólk sleppi því að beita „munn við munn" aðferðinni við fyrstu hjálp, hún geri lítið gagn sé henni ekki beitt fullkomlega rétt. Þeir segja að hjartahnoð sé alltaf jafn góð leið og oftast betri. Rannsóknir sýna að minna en þriðjungi þeirra sem þurfa aðstoð sé hjálpað af vegfarendum. Rannsakendur segja líklegt að það sé vegna þess að mörgum býður við því að beita „munn við munn" aðferðinni á ókunnuga. Þá segja þeir að þegar vegfarendur hjálpi taki „munn við munn" aðferðin oft mikilvægan tíma frá lífsnauðsynlegu hjartahnoði.

Erlent

Menntamálaráðherra í vanda vegna DR

Átökin um Danska ríkisútvarpið teygja nú anga sína inn í stjórnarráðið. Þá eru starfsmenn ósáttir við meinta óráðsíu í meðförum fjármuna útvarpsins. Það á að segja 300 starfsmönnum Danska ríkisútvarpsins upp en á sama tíma eru 120 stjórnendur útvarpsins á leið á námskeið í Sílíkondal í Kaliforníu og kostar það útvarpið samtals 3,6 milljónir danskra króna.

Erlent

Framboðsfrestur í Frakklandi að renna út

Í dag rennur út framboðsfrestur fyrir forsetakosningarnar í Frakklandi. Þau sem helst berjast um hnossið eru Nicolas Sarkozy, Segolene Royal frambjóðandi sósíalista og Francois Bayrou. Minni frambjóðendur gætu haft óvænt áhrif á úrslitin.

Erlent

Elsti maður heims á afmæli í dag

Elsti maður heims er Úkraínumaður sem í dag heldur upp á 116 ára afmæli sitt. Stjórnvöld í heimalandi mannsins, sem heitir Hryhoriy Nestur segjast geta sannað að hann hafi komið í heiminn þann 15. mars árið 1891. Sá gamli þakkar langlífið því að hann hafi aldrei verið giftur - að einlífið hafi haldið honum hressum. Þá mælir hann með mataræði sem stendur saman af mjólk, osti, kartöflum og stöku vodkaskoti. Hann vann sem landbúnaðarverkamaður allt þar til hann varð 100 ára. Í tilefni dagsins ætlar hann að halda litla veislu með vinum og fjölskyldu.

Erlent

Auðjöfur fangelsaður

Japanski auðjöfurinn Takafumi Horie hefur verið fundinn sekur um fjársvik, eftir ein lengstu réttarhöld af því tagi í Japan. Horie var áður forstjóri veffyrirtækisins Livedoor en hann var fundinn sekur um að falsa reikninga fyrirtækisins og veita fjárfestum villandi upplýsingar. Horie hélt stöðugt fram sakleysi sínu og hélt því fram að einhver hefði komið á hann sök. Horie var dæmdur í tveggja og hálfs árs fangelsi en lögmenn hans sögðu að dómnum yrði áfrýjað.

Erlent

Átök milli lögreglu og mótmælenda í Búdapest

Til átaka kom á milli lögreglu og öfgasinnaðra hægrimanna á götum Búdapest í Ungverjalandi í gærkvöldi. Vandræðin hófust þegar leiðtogi þjóðernissinna, Gyorgy Budahazy var handtekinn á útifundi. Lögregla beitti táragasi og vatnsdælum til að dreifa mannfjöldanum þegar óeiðrirnar mögnuðust. Fram að handtökunni hafði útifundurinn verið friðsamlegur. Meðal ræðumanna á fundinum var David Irving, breskur sagnfræðingur sem hefur setið í fanglesi fyrir að afneita helför gyðinga. Fundarmenn flögguðu fasistafánum og hrópuðu slagorð en fundurinn var haldinn til að minnast skammvinns sjálfstæðis Ungverjalands árið 1848.

Erlent

Hlýjasti vetur sögunnar

Veturinn sem nú er að líða er sá hlýjasti á norðurhveli jarðar síðan reglulegar veðurfarsmælingar hófust fyrir 125 árum. Samanlagður land- og sjóhiti frá desember fram í febrúar var 0,72 gráðum yfir meðaltali. Loftslagsstofnun Bandaríkjastjórnar kennir hafstraumnum El Nino um hlýnunina en segist ekki geta kennt gróðurhúsaáhrifum og almennri hlýnun jarðar um.

Erlent

Skipulagði hryðjuverkin 11. september

Khalid Sheikh Mohammed játaði á laugardag að hafa skipulagt 31 hryðjuverk frá 1990, þar á meðal árásina 11. september árið 2001 þar sem tæplega 3.000 manns létust. Einnig stóð til að myrða nokkra fyrrverandi forseta Bandaríkjanna.

Erlent

Dómarinn neitar að víkja

Iftikhar Mohammed Chaudhry, yfirdómari hæstaréttar í Pakistan, neitar að taka mark á valdboði Pervez Musharraf forseta, sem gerði sér lítið fyrir og rak Chaudry úr embætti í lok síðustu viku.

Erlent

Rússar njósna enn jafn mikið

Rússnesk njósnastarfsemi í Bretlandi er jafn mikil í dag og hún var þegar kalda stríðið var í hámarki að því er háttsettur embættismaður hjá breskum stjórnvöldum greindi fréttavef BBC frá.

Erlent

Dóp og kynlíf í Kattholti Emils

Svíar eru í sjokki. Meðan Svíar fagna því að barnabókahöfundurinn Astrid Lindgren hefði orðið tíræð sýnir norska sjónvarpið stuttmyndaseríu um Emil í Kattholti eftir Astrid Lindgren þar sem blandað er grófu kynlífi, áfengi og eiturlyfjum í þættina, að sögn sænskra og norskra blaða.

Erlent

Finnar vilja lækka skatta

Finnar ganga til þingkosninga á sunnudaginn. Kosningabaráttan snýst einkum um skattalækkanir því almenningur vill nota tekjurnar í neyslu. Nokkur hneykslismál hafa komið upp.

Erlent

Írar drekka langmest Evrópubúa

Írar eru mestu drykkjurútarnir í Evrópu samkvæmt könnun Evrópusambandsins um viðhorf til áfengra drykkja. Óhófsdrykkja, eða „binge-drinking“, orðatiltæki notað yfir þá athöfn að fá sér fimm eða fleiri áfenga drykki í einni setu, er algengust hjá Írum. Á það við um einn af hverjum þremur.

Erlent

Rússar þurfa ekkert að óttast

Henry A. Obering, yfirmaður flugskeytavarnadeildar Bandaríkjahers, segir að Rússar þurfi ekkert að óttast þótt Bandaríkjamenn komi sér upp kerfi flugskeytavarna í Evrópuríkjum.

Erlent

Mest lesið