Erlent

Sprengin veldur ótta í New York

Mikill ótti greip um sig meðal íbúa New York borgar þegar rafmagnsspennir sprakk í loft upp á Manhattaneyju í kvöld. Í fyrstu var óttast að um hryðjuverkaárás væri að ræða en seinna kom í ljós að spennirinn sprakk eftir að gufuleiðsla í námunda við hann rofnaði.

Erlent

Bretar senda orrustuþotur gegn rússneskum sprengjuflugvélum

Breski flugherinn þurfti í gær að beita orrustuþotum til að koma í veg fyrir að tvær rússneskar sprengjuflugvélar myndu fljúga inn í breska lofthelgi. Er þetta í fyrsta skipti í langan tíma sem breski flugherinn þarf að grípa til aðgerða af þessu tagi gegn rússneskum herflugvélum.

Erlent

Hvetja Rússa til að framselja Lugovoi

Evrópusambandið hvetur Rússa til að framselja Andrei Lugovoi, meintan morðingja Alexander Litvinenko, til Bretalands. Þetta kom fram í yfirlýsingu sem ríkisstjórn Portúgals sendi frá sér í dag en Portúgalar eru nú með forsæti í Evrópusambandinu.

Erlent

Forseti Palestínu boðar til kosninga

Mahmoud Abbas, forseti Palestínu tilkynnti í dag að stjórn hans myndi boða til aukakosninga vegna yfirtöku Hamassamtakanna á Gaza svæðinu. Ingibjörg Sólrún Gísladóttir utanríkisráðherra hittir Abbas í Ramallah á Vesturbakkanum á morgun.

Erlent

Í eldhúsið með ykkur

Eina leiðin til þess að jafna launamun kynjanna er að karlmenn taki meiri þátt í heimilisstörfunum. Þetta segir atvinnumálastjóri Evrópusambandsins í ákalli til allra karlmanna í aðildarríkjunum. Launamunur kynjanna er þar um 15 prósent.

Erlent

Hamas samtökin í tengslum við al-Kæda

Utanríkisráðherra Frakklands segir að Hamas samtökin hafi þegar tengsl við al-Kæda og þau tengsl séu ekki til komin vegna þrýstings vestrænna ríkisstjórna á Hamas. Utanríkisráðherra Ítalíu sagði fyrr í vikunni að vesturlönd hefðu rekið Hamas í fangið á al-Kæda.

Erlent

Öldungadeildin felldi heimflutning frá Írak

Tillaga um að kalla bandaríska hermenn heim frá Írak fyrir apríllok á næsta ári, náði ekki fram að ganga í öldungadeild bandaríska þingsins í dag. Meirihluti þingmanna greiddi að vísu atkvæði með tillögunni en það var ekki nóg. Í öldungadeildinni eru 100 þingsæti og það þurfti 60 atkvæði til að fá tillöguna samþykkta.

Erlent

Von í Darfur: Risastórt neðanjarðar stöðuvatn

Bandarískir jarðfræðingar hafa fundið risastórt neðanjarðar stöðuvatn í Darfur héraði í Súdan. Þessi fundur gæti orðið mikilvægt skref til friðar í héraðinu, þar sem vatnsskortur og hungursneyð er stór þáttur í átökunum. Þegar hefur náðst samkomulag um að grafa eittþúsund brunna á þessu svæði.

Erlent

Kínverjar ráðast á himininn

Kínverjar leggja ofuráherslu á að allt fari sem best fram þegar Ólympíuleikarnir verða haldnir þar á næsta ári. Þeir hafa meðal annars áhyggjur af veðrinu því tölur sýna að það eru helmingslíkur á því að það rigni á setningardegi leikanna áttunda ágúst.

Erlent

Kanntu að reikna eins og 8 ára barn ?

Ný könnun í Bretlandi virðist sýna að stærðfræðikunnáttu fólks fari hrakandi. Stærðfræðispurning sem lögð var fyrir átta ára börn var einnig lögð fyrir 2000 fullorðna. Spurningin var: Hvað er einn áttundi af 32. Nokkrir svarmöguleikar voru gefnir.

Erlent

Greipávöxtur getur valdið brjóstakrabbameini

Með því að borða einn greipávöxt á dag aukast líkurnar á brjóstakrabbameini um næstum þriðjung samkvæmt nýrri rannsókn sem unnin var í Bandaríkjunum við háskólann í Suður-Kaliforníu og Hawaii. Rannsóknin náði til 50 þúsund kvenna á breytingaraldrinum og sýnir að aðeins einn fjórði af greipávextinum jók líkurnar um allt að 30 prósent.

Erlent

Fullt af leyndarmálum í Washington

Meira en tuttugu milljón opinber skjöl voru stimpluð leyndarmál í bandarísku stjórnsýslunni á síðasta ári. Úrskurðarnefnd um upplýsingamál hefur skoðað vinnubrögðin og segir menn alltof gjarna á að veifa trúnaðarstimplinum.

Erlent

Grænland var eins og Suður-Svíþjóð

Fyrir um hálfri milljón ára ríkti milt veðurfar á Grænlandi og gróður var þar svipaður og í suðurhluta Kanada eða í Smálöndunum í Svíþjóð. Þar voru grænir skógar og býsnin öll af skordýrum og öðru lífi. Þetta kemur fram í grein í vísindaritinu Science sem hefur vakið mikla athygli í allri umræðunni um loftslagsbreytingar.

Erlent

Boris Berezovsky segir að Rússar hafi reynt að myrða sig

Rússneski auðjöfurinn Boris Berezovsky segir að breska lögreglan hafi komið í veg fyrir morðtilræði gegn sér í síðasta mánuði. Hann segir að lögreglan hafi varað hann við því að rússneskur leigumorðingi hafi ætlað að drepa hann á Hilton hótelinu á London Park Lane.

Erlent

Norður Kóreumenn loka kjarnorkuverum

Norður Kórea hefur lokað öllum kjarnorkuverum í Yongbyon, samkvæmt upplýsingum Alþjóðakjarnorkustofnunarinnar. Þetta er fyrsta skref þeirra til að uppfylla skilyrði samkomulags sem gert var í febrúar síðastliðnum en samkvæmt því fær Norður Kórea umtalsvert orkumagn gefins gegn því að þeir hverfi frá kjarnorkuáætlun sinni.

Erlent

Dani týndur í Tasmaníu

Mikil leit er hafin af 21 árs dönskum manni, Kasper Sörensen, sem hefur verið týndur í Tasmaníu undanfarnar tvær vikur. Hann var þar við klifur en bakpoki hans og klifurgræjur fundust á tindi fjalls á eyjunni þann 10 júlí. Enginn hafði heyrt frá honum í viku fyrir þann tíma.

Erlent

Um 200 manns fórust í flugslysi

Talið er að um 200 manns hafi farist í gærkvöld þegar farþegaflugvél TAM flugfélagsins hafnaði á olíutanki á Congonhas flugvellinum, sem er inni í borginni Sao Paulo í Brasilíu. Hundrað sjötíu og sex voru um borð í vélinni. Auk þeirra fórst fjöldi fólks sem var í nálægð við flugbrautina.

Erlent

Samvinna Rússa og Breta í hættu

Alexander Grushko vara-utanríkisráðherra Rússlands segir að deilur Rússa við Breta kunni að stefna í hættu samvinnu ríkjanna í baráttunni gegn hryðjuverkum.

Erlent

Lítill vilji fyrir friðarráðstefnu

Hugmyndir George Bush Bandaríkjaforseta um fyrirhugaða friðarráðstefnu um málefni Mið-Austurlanda hafa fengið dræmar undirtektir. Talsmaður Olmerts, forsætisráðherra Ísraela sagði í gær að ísraelsk stjórnvöld væru ekki tilbúin í viðræður um mikilvæg málefni, eins og landamæradeilur, Jerúsalem og flóttamenn.

Erlent

Fimmtán manns létust í Islamabad

Fimmtán manns létust og að minnsta kosti 40 særðust þegar sjálfsmorðssprengja sprakk í Íslamabad í Pakistan í gærkvöld. Talið er árásinni hafi verið beint að stuðningsmönnum, Iftikhar Chaudhry fyrrum dómsmálaráðherra landins.

Erlent

Líkt við slysið í Tsjernóbyl

Fjórtán þorp í vesturhluta Úkraínu urðu í fyrrakvöld fyrir mengun eftir að eldur kviknaði í flutningalest með gulum fosfór þegar hún fór út af sporinu. Aðstoðarforsætisráðherra Úkraínu, Oleksandr Kuzmuk, líkti slysinu við kjarnorkuslysið í Tsjernóbyl og sagði ómögulegt að spá fyrir um afleiðingarnar.

Erlent

Siglir yfir haf á íspinnaskipi

Hollenskur skipasmiður hefur smíðað víkingaskip úr endurunnum íspinnum einum saman. Verkið tók fjögur ár. Fimm þúsund skólabörn hjálpuðu til og í haust hyggst hann sigla yfir Atlantshafið á fleyinu.

Erlent

Umsóknin yrði afgreidd hratt

Olli Rehn, sem sér um stækkunarmálin í framkvæmdastjórn Evrópusambandsins, segir að tekið yrði vel á móti aðildarumsókn frá Íslandi.

Erlent

Segir ákveðin tækifæri í stöðunni

Eftir viðræður við Shimon Peres, forseta Ísraels, og Tzipi Livni, utanríkisráðherra og varaforsætisráðherra Ísraels, í Jerúsalem í gær segir Ingibjörg Sólrún Gísladóttir utanríkisráðherra að það séu „ákveðin tækifæri“ í stöðunni í deilu Ísraela og Palestínumanna „þótt það kannski líti ekki þannig út“.

Erlent

Höfundurinn gagnrýndur

Svissneski Evrópuþingmaðurinn Dick Marty, sem hefur rannsakað í hálft annað ár leynileg fangelsi og leynilegt fangaflug á vegum CIA í Evrópulöndum, var í gær gagnrýndur á Evrópuþinginu fyrir að nota nafnlausar heimildir fyrir ásakanir sínar á hendur nafngreindum stjórnmálamönnum í Rúmeníu og Póllandi.

Erlent

Hugðist selja eitraðan fisk

Lögreglan í Taílandi handtók á dögunum mann sem hugðist selja meira en tonn af eitruðum kúlufiski til veitingastaða þar sem gera átti fiskibollur úr kúlufisknum. Árið 2002 létust sex Taílendingar eftir að hafa borðað kúlufisk og var þá sala á honum bönnuð í landinu.

Erlent

Mest lesið