Erlent

Páfar hittust í Vatíkaninu

Benedikt páfi emeritus sneri aftur í Vatíkanið í dag, tveimur mánuðum eftir að hann sagði af sér embætti páfa. Honum var flogið í Vatíkanið með þyrlu, en hann hefur verið fjarverandi að undanförnu. Þrátt fyrir að hafa látið af embætti páfa mun hann búa í Vatíkaninu til frambúðar, að því er segir á fréttavef BBC.

Erlent

Best að stunda kynlíf inni á baði

Einn af hverjum fimm Þjóðverjum segir að best sé að stunda kynlíf inni á baðherbergi. Þetta eru niðurstöður óformlegrar könnunar sem stjórnendur sjónvarpsþáttar gerðu í landinu á dögunum.

Erlent

Blindum vinum vísað úr flugi

Flugfélagið Thomson í Bretlandi vísaði tveimur blindum vinum úr flugi vegna þess að þeir gátu ekki farið eftir öryggisreglum félaganna. Vinirnir tveir, sem heita Lauren Wigglesworth og Stephen Sherwood ætluðu að fljúga til Mallorca. Áður en flugið fór í loftið óskuðu þeir eftir hjálp við að setja björgunarvesti á sig en þá var þeim sagt að þau gætu ekki fengið far hjá flugfélaginu.

Erlent

Birtist aftur eftir 11 ár

Brenda Heist, 54 ára gömu kona, sem hvarf í Pennsylvaníu fyrir ellefu árum síðan birtist allt í einu í Flórída fyrir síðust helgi. Hennar nánustu vinir og ættingjar töldu allir að hún væri fallin frá. Brenda leit reyndar skelfilega út þegar hún birtist að nýju. Þegar hún gaf sig fram á föstudaginn sagði hún að hún hefði grun um að hún væri eftirlýst í annarri sýslu. Talið er að ástæðan fyrir því að Heist hvarf hafi verið streita vegna skilnaðar við eiginmann sinn.

Erlent

Fékk hiksta í beinni

Veðurfréttamaðurinn David Paul á sjónvarpsstöðinni KHOU í Houston í Bandaríkjunum lenti í frekar óþægilegri stöðu á dögunum þegar hann fór yfir veðurspána.

Erlent

Kris Kross rappari lést langt fyrir aldur fram

Tónlistarmaðurinn Chris Kelly fannst látinn á heimili sínu í Atlanta í Bandaríkjunum í gærdag. Margir Íslendingar muna helst eftir Chris þegar hann var í rappsveitinni Kris kross ásamt félaga sínum Chris Smith.

Erlent

Lögðu sér lík til munns í hungursneyð

Beinafundur við Jamestown í Virginíu í Bandaríkjunum er talinn sönnun þess að breskir landnemar neyddust til að leggja sér mannakjöt til munns í mikilli hungursneyð veturinn 1609 til 1610.

Erlent

Gægjubræður fá makleg málagjöld

Ekki fór vel fyrir tveimur bræðrum þegar þeir reyndu að svala gægjufíkn sinni, en þeir hrundu niður um loft á kvennaklósetti þar sem þeir voru búnir að koma sér fyrir.

Erlent

Þrír menn handteknir vegna hryðjuverkanna í Boston

Lögreglan í Boston hefur handtekið þrjá menn sem grunaðir eru um aðild að hryðjuverkaárásinni í Boston maraþoninu þann 15. apríl síðastliðinn. Engar upplýsingar hafa verið gefnar um hina handteknu, en lögreglan segir þó að engin almannaógn steðji að.

Erlent

Talið að 400 hafi farist í Bangladesh

Nú er talið að 400 manns hafi farist þegar bygging hrundi í Daka, höfuðborg Bangladesh á miðvikudag í síðustu viku. Tala látinna heldur áfram að hækka. Enn er 149 manns saknað. Hiti er í íbúum höfuðborgarinnar sem komu saman úti á götum í dag, í tilefni verkalýðsins, Byggingin hýsti verksmiðju og krefst almenningur þess að eigendur verksmiðjunnar verði látnir svara til saka. Sumir krefjast þess jafnvel að þeir verði hengdir.

Erlent

Baulað á Thorning-Schmidt

Baulað var á Helle Thorning-Schmidt, forsætisráðherra Danmerkur, þegar hún hugðist halda ræðu í Árósum í dag, í tilefni af 1. maí. Að minnsta kosti einn maður var handtekinn fyrir að sprauta vatni á forsætisráðherra, að því er fram kemur á vef Jyllands-Posten. Svo mikil varð truflunin að forsætisráðherran gat varla komið upp orði. Hún hóf þó upp raust sína á endanum og hélt ræðuna. Hún endaði hana á því að óska þeim sem væru komnir til að hlusta og eiga rökræður gleðilegs verkalýðsdags.

Erlent

Sviptur kjörgengi ævilangt

Pervez Musharraf, fyrrverandi leiðtogi herforingjastjórnarinnar í Pakistan, er ekki lengur kjörgengur í landinu. Þetta er niðurstaða dómstóla og gildir til frambúðar, en hann hafði hugað á endurkomu í stjórnmálin.

Erlent

Obama vill loka Guantanamo

Barack Obama, forseti Bandaríkjanna, telur nauðsynlegt að sannfæra fulltrúadeild Bandaríkjaþings um að loka fangabúðunum í Guantanamo Bay. Hann segir að fangabúðirnar séu til þess fallnar að sannfæra öfgamenn í andúð sinni gegn Bandaríkjunum og að þær ógni öryggi Bandaríkjanna.

Erlent

Efnavopnum hugsanlega beitt í Sýrlandi

Barack Obama, forseti Bandaríkjanna, segir vísbendingar um að efnavopnum hafi verið beitt í Sýrlandi. Þetta sagði hann á blaðamannafundi í Hvíta húsinu í dag. Á blaðamannafundinum ræddi Obama líka um rannsóknina á hryðjuverkunum í Boston og stöðu ríkisfjármála í Bandaríkjunum.

Erlent

Ekkjan grunuð um græsku

FBI gerði húsleit á Rhode Island þar sem fjölskylda ekkju Tamerlain Tsarnaev býr og hafði þaðan með sér poka sem innihéldu DNA-erfðaefni.

Erlent

Mest lesið