Albert Guðmundsson skoraði bæði mörk Jong PSV þegar liðið vann 2-0 sigur á Breda í hollensku B-deildinni í kvöld.
Þetta var fjórði sigur Jong PSV í röð en liðið er í 5. sæti deildarinnar.
Albert, sem spilaði sinn fyrsta A-landsleik í síðasta mánuði, kom Jong PSV yfir á 22. mínútu. Hann bætti svo öðru marki við á 58. mínútu.
Albert er nú kominn með sex mörk í 22 deildarleikjum í vetur.
Albert með bæði mörk Jong PSV í sigri
