Englandsmeistarar Leicester City náðu ekki að fylgja eftir frábærum sigri á Man. City í kvöld.
Þá varð liðið að sætta sig við tap, 1-0, gegn Bournemouth. Marc Pugh skoraði eina mark leiksins á 34. mínútu.
Þeir sem héldu að Leicester væri loksins komið í gang eftir sigurinn á City þurfa að endurskoða það á nýjan leik.
Leicester er því áfram í fjórtánda sæti deildarinnar en Bournemouth stekkur með sigrinum úr tólfta sætinu í það sjöunda.
Enski boltinn
