Umfjöllun, viðtöl og einkunnir: FH - Víkingur Ó. 1-1 | Sjötta mark Tokic í sumar tryggði Ólsurum stig Ingvi Þór Sæmundsson í Kaplakrika skrifar 30. maí 2016 22:00 Þórarinn Ingi Valdimarsson átti fínan leik í kvöld. vísir/anton Hrvoje Tokic tryggði Víkingi Ó. mikilvægt stig gegn Íslandsmeisturum FH þegar hann jafnaði metin fjórum mínútum fyrir leikslok í leik liðanna í 6. umferð Pepsi-deildar karla í kvöld. FH-ingar voru mun sterkari aðilinn í leiknum en hefndist fyrir að nýta ekki færin sem þeir sköpuðu. Steven Lennon kom FH yfir á 28. mínútum en Fimleikafélaginu tókst ekki að bæta við mörkum þrátt fyrir góð færi. Það var svo Tokic sem jafnaði metin í 1-1 á 86. mínútu með sínu sjötta marki í sumar en Króatinn er markahæstur í Pepsi-deildinni. Liðin eru enn jöfn að stigum (11) en FH-ingar eru ofar í töflunni sökum betri markatölu.Af hverju varð jafntefli? FH-ingar geta sjálfum sér um kennt og engum öðrum að hafa ekki klárað leikinn. Þetta var ekki besti leikur Fimleikafélagsins en það fékk nóg af færum til að klára leikinn. Lennon skoraði mark FH en fór illa með nokkur góð færi. Ólsarar misstu aldrei trúna og þrátt fyrir að lenda í erfiðleikum á köflum náðu þeir að tryggja sér afar dýrmætt stig á heimavelli meistarana. Víkingar steinlágu fyrir Fjölni fyrir rúmri viku en hafa svarað með tveimur fínum leikjum gegn Stjörnunni og FH. Þeir geta verið himinlifandi með uppskeruna hingað til á tímabilinu.Þessir stóðu upp úr Bergsveinn Ólafsson og Kassim Doumbia voru mjög sterkir í vörn FH og ná vel saman. Þórarinn Ingi Valdimarsson átti fínan leik og hefði að ósekju mátt klára leikinn. Lennon var duglegur að hlaupa í svæðin inn fyrir vörn Víkinga en fór illa með færin sín. Víkingar gáfu allt í leikinn þrátt fyrir að hafa spilað 120 mínútur gegn Stjörnunni í Borgunarbikarnum á fimmtudaginn. Skipulagið hélt ágætlega og þá átti Cristian Martinez Liberato góðan leik í markinu og varði m.a. frábærlega skalla frá Bjarna Þór Viðarssyni í seinni hálfleik.Hvað gekk illa? FH-ingar voru ekki nógu duglegir að sparka boltanum yfir línuna og það vantaði meiri einbeitingu og yfirvegun til að ganga frá leiknum. Varnarleikurinn var í góðu lagi en Jonathan Hendrickx klikkaði illa í jöfnunarmarkinu. Þetta er annar leikurinn í röð sem FH missir unnin leik niður í jafntefli og meistararnir verða að sýna meira drápseðli til að klára leikina. Ólsarar voru veikir fyrir þegar FH-ingar settu boltann aftur fyrir vörn þeirra. Aleix Egea Acame er ágætis leikmaður en er full gjarn á að æða út úr vörninni og skilur mikið pláss eftir sig. Sóknarleikur Víkings var lengst af bitlaus en markið var laglegt og kom eftir gott spil upp vinstri kantinn.Hvað gerist næst? FH á erfiðan leik fyrir höndum gegn toppliði Breiðabliks á sunnudaginn og þremur dögum síðar mæta FH-ingar Leikni R. í Borgunarbikarnum. Víkingar fá Fylki í heimsókn í næstu umferð og hugsa sér eflaust gott til glóðarinnar að koma sér upp í 14 stig.Heimir: Mættum ekki á svæðið í seinni hálfleik Heimir Guðjónsson, þjálfari FH, var ekki sáttur með að fá aðeins eitt stig út úr leiknum gegn nýliðum Víkings Ó. í kvöld. „Yfirleitt er engum nema þér sjálfum um að kenna ef leikir eða stig tapast. Við vorum ágætir í fyrri hálfleik og létum boltann ganga, sköpuðum færi og skoruðum mark,“ sagði Heimir eftir leik. „En í seinni hálfleik mættum við ekki á svæðið. Við sættum okkur við 1-0 stöðuna í staðinn fyrir að sýna alvöru drápseðli. Þegar staðan er 1-0 getur allt gerst og varnarleikurinn í markinu var barnalegur. „Þeir gáfust aldrei upp og gerðu sig breiða í seinni hálfleik,“ bætti Heimir við. FH er með 11 stig eftir fyrstu sex umferðirnar. Heimir er ekki sáttur með uppskeruna. „Nei, alls ekki. Það eru vonbrigði. Við þurfum að stíga upp og spila í 90 mínútur. Það er ekki hægt að spila bara í 45 mínútur. Það þarf að mæta á svæðið og klára leikina þegar það eru forsendur fyrir því,“ sagði Heimir að lokum.Ejub: Leikjaálagið vinnur gegn leikmönnunum Ejub Purisevic, þjálfari Víkings Ó., var að vonum hæstánægður með stigið sem hans menn náðu í gegn FH í kvöld. „Fyrirfram hefði ég alltaf tekið stig hér og mér fannst við vinna fyrir því,“ sagði þjálfarinn sem fannst Ólsarar spila vel í seinni hálfleik. „Við héldum skipulagi og spiluðum taktískt mjög vel. Og við vissum að ef FH kláraði ekki leikinn myndum við fá einhver færi til að skora. „Ég sagði við mína menn að FH er með betra lið og verður alltaf með betra lið en ef við höldum skipulagi og FH leyfir okkur að koma inn í leikinn eigum við möguleika.“ Ejub er skiljanlega sáttur með framlag Hrvoje Tokic sem skoraði jöfnunarmarkið í kvöld. Króatinn er kominn með sex mörk í sumar og er markahæstur í Pepsi-deildinni. „Það er alltaf gott að hafa mann sem skorar mörk og hann gerði það í dag. En mér fannst við spila sem lið í dag og vorum skynsamir,“ sagði Ejub sem er ósáttur með leikjaálagið sem er á liðunum í Pepsi-deildinni þessa dagana. „Ég botna ekki í þessu. Við erum að spila sjö leiki á 30 dögum og þetta var fimmta ferðalagið okkar. Ég fatta ekki tilganginn, þetta vinnur nánast á móti leikmönnunum,“ sagði Ejub en hans menn spiluðu í 120 mínútur gegn Stjörnunni á fimmtudaginn. „Það liggur við að maður þurfi að hafa 25 manna hóp til að klára mótið. Í gær gat ég varla stillt upp liði. „Við erum rosalega sáttir með uppskeruna og ég er búinn að segja það, og fer ekki ofan af því, að það er meira en kraftaverk ef við náum að halda Víkingi í efstu deild,“ sagði Ejub að endingu. Pepsi Max-deild karla Mest lesið Usyk fyrstur til að vinna Fury Sport Var spáð falli en eru á leið í Meistaradeildina Fótbolti Telur að Usyk hafi unnið vegna stríðsins í Úkraínu Sport Tapið í gær þýðir að Kane missir af enn einum titlinum Fótbolti Klopp segir að Liverpool verði í góðum höndum hjá Slot Enski boltinn „Eins og að spila við landslið Þýskalands nasismans“ Sport Í beinni: Lokaumferðin í enska | Hvaða lið verður meistari? Enski boltinn Daníel stórbætti þrjátíu ára Íslandsmet Jóns Arnars Sport Guðni Valur Norðurlandameistari Sport Ten Hag segir United í betri stöðu en fyrir ári Enski boltinn Fleiri fréttir Leiknir vann Breiðholtsslaginn og Njarðvík með fullt hús stiga Sandra María lagði upp bæði mörk Þórs/KA í bikarsigri á Dalvík Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjá meira
Hrvoje Tokic tryggði Víkingi Ó. mikilvægt stig gegn Íslandsmeisturum FH þegar hann jafnaði metin fjórum mínútum fyrir leikslok í leik liðanna í 6. umferð Pepsi-deildar karla í kvöld. FH-ingar voru mun sterkari aðilinn í leiknum en hefndist fyrir að nýta ekki færin sem þeir sköpuðu. Steven Lennon kom FH yfir á 28. mínútum en Fimleikafélaginu tókst ekki að bæta við mörkum þrátt fyrir góð færi. Það var svo Tokic sem jafnaði metin í 1-1 á 86. mínútu með sínu sjötta marki í sumar en Króatinn er markahæstur í Pepsi-deildinni. Liðin eru enn jöfn að stigum (11) en FH-ingar eru ofar í töflunni sökum betri markatölu.Af hverju varð jafntefli? FH-ingar geta sjálfum sér um kennt og engum öðrum að hafa ekki klárað leikinn. Þetta var ekki besti leikur Fimleikafélagsins en það fékk nóg af færum til að klára leikinn. Lennon skoraði mark FH en fór illa með nokkur góð færi. Ólsarar misstu aldrei trúna og þrátt fyrir að lenda í erfiðleikum á köflum náðu þeir að tryggja sér afar dýrmætt stig á heimavelli meistarana. Víkingar steinlágu fyrir Fjölni fyrir rúmri viku en hafa svarað með tveimur fínum leikjum gegn Stjörnunni og FH. Þeir geta verið himinlifandi með uppskeruna hingað til á tímabilinu.Þessir stóðu upp úr Bergsveinn Ólafsson og Kassim Doumbia voru mjög sterkir í vörn FH og ná vel saman. Þórarinn Ingi Valdimarsson átti fínan leik og hefði að ósekju mátt klára leikinn. Lennon var duglegur að hlaupa í svæðin inn fyrir vörn Víkinga en fór illa með færin sín. Víkingar gáfu allt í leikinn þrátt fyrir að hafa spilað 120 mínútur gegn Stjörnunni í Borgunarbikarnum á fimmtudaginn. Skipulagið hélt ágætlega og þá átti Cristian Martinez Liberato góðan leik í markinu og varði m.a. frábærlega skalla frá Bjarna Þór Viðarssyni í seinni hálfleik.Hvað gekk illa? FH-ingar voru ekki nógu duglegir að sparka boltanum yfir línuna og það vantaði meiri einbeitingu og yfirvegun til að ganga frá leiknum. Varnarleikurinn var í góðu lagi en Jonathan Hendrickx klikkaði illa í jöfnunarmarkinu. Þetta er annar leikurinn í röð sem FH missir unnin leik niður í jafntefli og meistararnir verða að sýna meira drápseðli til að klára leikina. Ólsarar voru veikir fyrir þegar FH-ingar settu boltann aftur fyrir vörn þeirra. Aleix Egea Acame er ágætis leikmaður en er full gjarn á að æða út úr vörninni og skilur mikið pláss eftir sig. Sóknarleikur Víkings var lengst af bitlaus en markið var laglegt og kom eftir gott spil upp vinstri kantinn.Hvað gerist næst? FH á erfiðan leik fyrir höndum gegn toppliði Breiðabliks á sunnudaginn og þremur dögum síðar mæta FH-ingar Leikni R. í Borgunarbikarnum. Víkingar fá Fylki í heimsókn í næstu umferð og hugsa sér eflaust gott til glóðarinnar að koma sér upp í 14 stig.Heimir: Mættum ekki á svæðið í seinni hálfleik Heimir Guðjónsson, þjálfari FH, var ekki sáttur með að fá aðeins eitt stig út úr leiknum gegn nýliðum Víkings Ó. í kvöld. „Yfirleitt er engum nema þér sjálfum um að kenna ef leikir eða stig tapast. Við vorum ágætir í fyrri hálfleik og létum boltann ganga, sköpuðum færi og skoruðum mark,“ sagði Heimir eftir leik. „En í seinni hálfleik mættum við ekki á svæðið. Við sættum okkur við 1-0 stöðuna í staðinn fyrir að sýna alvöru drápseðli. Þegar staðan er 1-0 getur allt gerst og varnarleikurinn í markinu var barnalegur. „Þeir gáfust aldrei upp og gerðu sig breiða í seinni hálfleik,“ bætti Heimir við. FH er með 11 stig eftir fyrstu sex umferðirnar. Heimir er ekki sáttur með uppskeruna. „Nei, alls ekki. Það eru vonbrigði. Við þurfum að stíga upp og spila í 90 mínútur. Það er ekki hægt að spila bara í 45 mínútur. Það þarf að mæta á svæðið og klára leikina þegar það eru forsendur fyrir því,“ sagði Heimir að lokum.Ejub: Leikjaálagið vinnur gegn leikmönnunum Ejub Purisevic, þjálfari Víkings Ó., var að vonum hæstánægður með stigið sem hans menn náðu í gegn FH í kvöld. „Fyrirfram hefði ég alltaf tekið stig hér og mér fannst við vinna fyrir því,“ sagði þjálfarinn sem fannst Ólsarar spila vel í seinni hálfleik. „Við héldum skipulagi og spiluðum taktískt mjög vel. Og við vissum að ef FH kláraði ekki leikinn myndum við fá einhver færi til að skora. „Ég sagði við mína menn að FH er með betra lið og verður alltaf með betra lið en ef við höldum skipulagi og FH leyfir okkur að koma inn í leikinn eigum við möguleika.“ Ejub er skiljanlega sáttur með framlag Hrvoje Tokic sem skoraði jöfnunarmarkið í kvöld. Króatinn er kominn með sex mörk í sumar og er markahæstur í Pepsi-deildinni. „Það er alltaf gott að hafa mann sem skorar mörk og hann gerði það í dag. En mér fannst við spila sem lið í dag og vorum skynsamir,“ sagði Ejub sem er ósáttur með leikjaálagið sem er á liðunum í Pepsi-deildinni þessa dagana. „Ég botna ekki í þessu. Við erum að spila sjö leiki á 30 dögum og þetta var fimmta ferðalagið okkar. Ég fatta ekki tilganginn, þetta vinnur nánast á móti leikmönnunum,“ sagði Ejub en hans menn spiluðu í 120 mínútur gegn Stjörnunni á fimmtudaginn. „Það liggur við að maður þurfi að hafa 25 manna hóp til að klára mótið. Í gær gat ég varla stillt upp liði. „Við erum rosalega sáttir með uppskeruna og ég er búinn að segja það, og fer ekki ofan af því, að það er meira en kraftaverk ef við náum að halda Víkingi í efstu deild,“ sagði Ejub að endingu.
Pepsi Max-deild karla Mest lesið Usyk fyrstur til að vinna Fury Sport Var spáð falli en eru á leið í Meistaradeildina Fótbolti Telur að Usyk hafi unnið vegna stríðsins í Úkraínu Sport Tapið í gær þýðir að Kane missir af enn einum titlinum Fótbolti Klopp segir að Liverpool verði í góðum höndum hjá Slot Enski boltinn „Eins og að spila við landslið Þýskalands nasismans“ Sport Í beinni: Lokaumferðin í enska | Hvaða lið verður meistari? Enski boltinn Daníel stórbætti þrjátíu ára Íslandsmet Jóns Arnars Sport Guðni Valur Norðurlandameistari Sport Ten Hag segir United í betri stöðu en fyrir ári Enski boltinn Fleiri fréttir Leiknir vann Breiðholtsslaginn og Njarðvík með fullt hús stiga Sandra María lagði upp bæði mörk Þórs/KA í bikarsigri á Dalvík Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjá meira