Jürgen Klopp verður ekki á hliðarlínunni þegar Liverpool tekur á móti Sunderland í ensku úrvalsdeildinni klukkan 15:00 í dag.
Þjóðverjinn er með botnlangabólgu og það verður því í höndum aðstoðarmanna hans að stýra Liverpool-liðinu í dag. Þetta kemur fram í frétt BBC.
Liverpool er með 34 stig í 8. sæti úrvalsdeildarinnar en liðið tapaði 0-2 fyrir Leicester City í síðustu umferð.
Fái Liverpool stig gegn Sunderland fer liðið upp í 7. sæti, allavega um stundarsakir en Southampton, liðið í 7. sætinu, mætir West Ham í síðdegisleiknum í dag.
Leikur Liverpool og Sunderland hefst klukkan 15:00 og verður í beinni útsendingu á Stöð 2 Sport 2. Þá verður hægt að fylgjast með leiknum í beinni textalýsingu á Vísi.
Klopp stýrir Liverpool ekki í dag vegna botnlangabólgu
Tengdar fréttir
Stuðningsmenn Liverpool gætu labbað út í miðjum leik á laugardag
Stuðningsmannafélög Liverpool eru að skipuleggja mótmæli í næsta heimaleik liðsins í ensku úrvalsdeildinni sem er á móti Sunderland á laugardaginn.
Sturridge byrjaður að æfa
Eftir enn ein meiðslin er Daniel Sturridge aftur mættur á æfingar hjá Liverpool.
Klopp segir fréttaflutning um Sturridge rangan
Jürgen Klopp segir það rangt að Daniel Sturridge vilji fara frá Liverpool í sumar.
