Innlent

Annar ekki eftirspurn

"Umsóknir um skólavist í Menntaskólanum Hraðbraut voru á annað hundrað, en við getum ekki tekið við nema rétt rúmlega 80 nemendum. Ljóst er því að við getum ekki tekið við nema rúmlega helmingi umsækjenda," segir Ólafur Haukur Johnson, skólastjóri Menntaskólans Hraðbraut.

Innlent 13.10.2005 19:27

Vissu ekki um fréttatilkynningu

Fulltrúar þýska bankans Hauck & Aufhäuser heyrðu fyrst af opinberri umræðu um bankann á Íslandi síðastliðinn miðvikudag. Tilkynning frá þýska bankanum var send fjölmiðlum síðasta mánudag.

Innlent 13.10.2005 19:27

Nýr talsmaður neytenda

Gísli Tryggvason hefur verið skipaður talsmaður neytenda. Viðskiptaráðherra skipar í embættið sem er tilkomið vegna breytinga á lagaramma um samkeppnismál. Frá árinu 1998 hefur Gísli verið framkvæmdastjóri Bandalags háskólamanna en hann er lögfræðingur ásamt því að hafa lokið meistaraprófi í viðskiptafræði og stjórnun frá Háskólanum í Reykjavík.

Innlent 13.10.2005 19:27

Brú milli fátækra og ríkra

Formaður og varaformenn BSRB afhentu utanríkisráðherra yfirlýsingu í gær á baráttudegi sem kenndur er við hvíta bandið. Þar hvetur stjórn BSRB stjórnvöld og almenning til þess að taka virkan þátt í því að brúa þá gjá sem er milli ríkra og snauðra í heiminum.

Innlent 13.10.2005 19:27

Nýtt lyf á markað í Þýskalandi

Actavis hefur sett nýtt samheitalyf á markað í Þýskalandi í gegnum dótturfélag sitt, Medis. Er það blóðþrýstingslyfið Benazepril Hydrochlorothiazide sem framleitt er í töfluformi. Er búist við að lyfið verði mikilvæg viðbót við lyfjasafn Actavis.

Viðskipti innlent 17.10.2005 23:41

Höfða mál gegn ríkinu

Hópur manna sem eiga og starfa á fasteignasölum undirbúa málshöfðun á hendur ríkinu. Mennirnir telja sig hafa orðið fyrir hundruða milljóna króna tjóni þegar ríkið setti ný lög um fasteignasala sem tóku gildi í haust. Hlutabréf mannanna í fasteignasölunum eru verðlítil því aðeins löggiltir fasteignasalar mega kaupa meirihluta í fasteignasölunum. </font /></b />

Innlent 13.10.2005 19:27

Tveggja mánaða gæsluvarðhald

Litháarnir sem teknir voru með rúmlega fjögur kíló af hvítu dufti við komu ferjunnar Norrænu í gærmorgun hafa verið úrskurðaðir í tveggja mánaða gæsluvarðhald. Tollverðir á Seyðisfirði fundu efnið en grunur leikur á að það sé amfetamín. Efninu hafði verið komið haganlega fyrir í leynihólfi fólksbifreiðar mannanna.

Innlent 13.10.2005 19:27

Ákæra birt

Ríkissaksóknari birti í gær karlmanni á þrítugsaldri ákæru fyrir stórfellda líkamsárás aðfaranótt 12. desember síðastliðinn. Karlmaður á sextugsaldri beið bana í árásinni sem átti sér stað á veitingahúsinu Ásláki í Mosfellsbæ.

Innlent 13.10.2005 19:27

Beinbrotinn eftir bílveltu

Farþegi beinbrotnaði þegar ökumaður um tvítugt missti stjórn á fólksbifreið norðan Akrafjalls á Vesturlandsvegi við Borgarnes. Bifreiðin valt. Lögreglan grunar ökumanninn og farþegann um að hafa verið undir áhrifum áfengis.

Innlent 13.10.2005 19:27

Sumarhúsalóðir Landgræðslunnar

Landgræðslan leigir út lóðir í sinni eigu til sumarbústaðabyggðar. Um er að ræða í kring um 45 lóðir sem hver er fimm til tíu hektarar að stærð.

Innlent 13.10.2005 19:27

BNA komin niður í 4.-5. sætI

Bandaríkin eru komin niður í fjórða til fimmta sæti yfir þýðingarmestu útflutningsmarkaði Íslendinga, samkvæmt samantekt Hagstofunnar. Bretland er þýðingarmesti markaður okkar með 18 prósent, Þýskaland næst með 16 prósent, Holland í þriðja sæti með 13 prósent og svo koma Norðurlönd og Bandaríkin næst með níu prósent hvort svæði.

Viðskipti innlent 13.10.2005 19:27

Fjármálaeftirlitið gerir opinbert

Fjármálaeftirlitið mun framvegis birta opinberlega niðurstöður mála sem eftirlitið hefur tekið til skoðunar og greina frá hvort tiltekin mál, sem eru í opinberri umræðu, séu til athugunar eða ekki.

Innlent 13.10.2005 19:27

Fimm á slysadeild eftir árekstur

Maður á miðjum aldri liggur mikið slasaður á slysadeild Landspítalans í Fossvogi eftir árekstur jeppa og fólksbíls í Hverárdölum seinni partinn í gær. Fimm voru fluttir á slysadeild eftir áreksturinn, fjórir farþegar úr jeppanum auk mannsins.

Innlent 13.10.2005 19:27

Olíugjaldið eykur kostnað

Fyrirtæki í fólks- og vöruflutningum búast flest við að breytingar á innheimtu skatta af dísilolíu muni auka rekstrarkostnað þeirra. Reynt verður að hagræða en hækkanir á gjaldskrá eru þó í einhverjum tilvikum óumflýjanlegar.

Innlent 13.10.2005 19:27

Glannaskapur í rekstri FL Group

Glannaskapur í rekstri fyrirtækisins er ástæða þess að þrír stjórnarmenn FL Group sögðu sig úr stjórninni í gær. Deilt hefur verið um hvernig haga skuli rekstrinum en hluthafafundur hefur verið boðaður þann 9. júlí næstkomandi.

Viðskipti innlent 13.10.2005 19:27

Gill fékk 2 mánuði skilorðsbundið

Héraðsdómur Reykjavíkur kvað upp dóm um hádegisbil í máli ákæruvaldsins gegn Paul Gill sem, ásamt tveimur Íslendingum, var ákærður fyrir að sletta grænu skyri á ráðstefnugesti á Nordica-hóteli. Gill var dæmdur í tveggja mánaða skilorðsbundið fangelsi en skaðabótakröfu Flugleiðahótela upp á rúmar tvær milljónir króna var vísað frá.

Innlent 13.10.2005 19:27

Missti bílinn út af og slasaðist

Kona slasaðist, en þó ekki alvarlega, þegar hún missti hægra hjól bíls síns út af bundnu slitlagi á Vesturlandsvegi í grennd við Langá á Mýrum í gærkvöld. Konan reyndi að snöggbeygja inn á veginn aftur en við það missti hún stjórn á bílnum sem reif sig upp á veginn og fór öfugu megin út af. 

Innlent 13.10.2005 19:27

Flytja lax upp fyrir Elliðavatn

Til stendur að flytja 20 hrygningarpör úr Elliðaám upp fyrir Elliðavatn í Suðurá og Hólmsá. Ástæðan er sú að sífellt hrygna færri laxar á þessum slóðum og þykir fiskifræðingum það áhyggjuefni.

Innlent 13.10.2005 19:27

Duran Duran tryllti lýðinn

Um ellefu þúsund manns mættu á tónleika Duran Duran í Egilshöll í gærkvöldi og gekk allt vel nema hvað umferð var nokkuð hæg í Grafarvogi bæði fyrir og eftir tónleikana. Hljómsveitin lék ný lög og ekki síður gamla smelli sem hrifu hjörtu íslenskra ungmeyja fyrir tuttugu árum.

Lífið 13.10.2005 19:27

Aukinn viðbúnaður hjá lögreglu

Fyrsta helgin í júlí hefur verið önnur stærsta ferðahelgi sumarsins og safnast fólk saman á víða á landinu. Lögreglan er með auka viðbúnað á nokkrum stöðum þar sem búist er við mannmergð, auk herts umferðareftirlits í tengslum við umferðarátak Umferðarstofu.

Innlent 13.10.2005 19:27

Kannabisræktun í haughúsi

Þrír karlmenn og ein kona á fimmtugsaldri voru í gær í Héraðsdómi Reykjavíkur dæmd í skilorðsbundið fangelsi fyrir að eiga og rækta kannabisplöntur í haughúsi undir fjósi á sveitabæ í Ölfusi.

Innlent 13.10.2005 19:27

Áminning er ekki nóg

"Biskupsstofa hefur fyrirgert öllu trausti af hálfu sóknarprests til að taka á þessu viðkvæma máli," segir í yfirlýsingu sem Sveinn Andri Sveinsson, lögmaður Hans Markúsar Péturssonar, sóknarprests í Garðasókn, sendi út fyrir helgi.

Innlent 13.10.2005 19:27

Fimm slasaðir eftir bílslys

Fimm slösuðust, þar af einn alvarlega, þegar fólksbíll og jeppabifreið rákust saman í brekkunni við Hveradali um fimmleytið í dag. Beita þurfti klippum til að ná einum hinna slösuðu út en allir voru fluttir á Landspítalann í Fossvogi. Að svo stöddu hafa ekki fengist upplýsingar um líðan fólksins.

Innlent 13.10.2005 19:27

Árs fangelsi fyrir kynferðisbrot

Maður var dæmdur í 12 mánaða fangelsisvist fyrir kynferðisbrot gagnvart ungu stúlkubarni í Héraðsdómi Reykjavíkur í dag. Barnið leit á manninn sem afa sinn og sjálfur bar hann fyrir dómi að hafa litið á stúlkuna sem barnabarn sitt.

Innlent 13.10.2005 19:27

Talsmaður neytenda skipaður

Gísli Tryggvason var skipaður talsmaður neytenda frá og með deginum í dag til næstu fimm ára. Gísli lauk embættisprófi í lögum frá Háskóla Íslands 1997 og meistaraprófi í viðskiptafræðum og stjórnun frá Háskólanum í Reykjavík árið 2004.

Innlent 13.10.2005 19:27

Tvær kærur felldar niður

Ríkissaksóknari úrskurðar innan mánaðar hvort kærur á Sandgerðisbæ verði teknar til greina eftir að Sýslumaðurinn í Keflavík vísaði þeim frá.

Innlent 13.10.2005 19:27

Gill unir skyrslettudómi

Paul Gill, einn þremenningana sem slettu skyri á álráðstefnu á Hótel Nordica, var í dag dæmdur í tveggja mánaða skilorðsbundið fangelsi. Bótakröfu flugleiðahótela var vísað frá dómi. Gill ætlar ekki að áfrýja dómnum.

Innlent 13.10.2005 19:27

Efast um hæfi saksóknara

Jón Ásgeir Jóhannesson, forstjóri Baugs, gagnrýnir harðlega rannsókn efnahagsbrotadeildar Ríkislögreglustjóra á honum og fleirum í tengslum við meint brot gegn fyrirtækinu. Hann segir líta út sem lögregla hafi reynt að réttlæta illa ígrundað upphaf málsins með því að leita að sakarefnum.

Innlent 13.10.2005 19:27

Ofvitinn og Druslan í Skorradal

Ekki er ólíklegt að Ofvitinn og Druslan verði á Indriðastöðum í Skorradal um helgina, eina stærstu ferðahelgi ársins, en þangað stefnir Félag húsbílaeigenda í kvöld. Fréttamaður Stöðvar 2 kynnti sér ferðir þessara tveggja ásamt fjölda annarra húsbíla sem bera álíka skemmtileg nöfn en alls eru húsbílaeigendur hér á landi orðnir 800 talsins.

Innlent 13.10.2005 19:27

Sex ákærðir í Baugsmálinu

Ákæra Ríkislögreglustjóra í Baugsmálinu er í 40 liðum og snertir auðgunarkafla almennra hegningarlaga, lög um bókhald, ársreikninga, hlutafélög og tollalög. Stjórn Baugs segist standa með ákærðu og undirbýr skaðabótamál á hendur ríkinu. Rannsókn lögreglu sætir gagnrýni fyrir tíma og tengsl rannsakanda og ákæranda.

Innlent 13.10.2005 19:27