Fréttir

Kjósa um verkfall

Stjórn SFR ákvað í morgun að efna til atkvæðagreiðslu dagana sjöunda til tólfta september um verkfall SFR félaga sem starfa hjá Samtökum fyrirtækja í heilbrigðisþjónustu. Ekki hefur tekist að ganga frá nýjum kjarasamningi fyrir SFR félaga sem starfa hjá þessum fyrirtækjum þrátt fyrir sex mánaða samningaþóf.

Innlent 14.10.2005 06:40

Semja um flíkur

Fulltrúar Evrópusambandsins og Kínverja hafa náð samkomulagi um innflutning á kínverskri vefnaðarvöru til Evrópusambandsríkjanna. Leyft verður að flytja kínverskar vefnaðarvörur, sem kyrrsettar höfðu verið á landamærum Evrópusambandsins, inn til landanna í kjölfar samningsins.

Erlent 14.10.2005 06:40

Blair biðst afsökunar

Tony Blair, forsætisráðherra Breta, hefur boðið fram formlega afsökunarbeiðni til þeirra Breta sem strandaðir eru á flóðasvæðinu í suðurríkjum Bandaríkjanna og kvörtuðu undan því að yfirvöld í Bretlandi gerðu lítið til að hjálpa þeim.

Erlent 14.10.2005 06:40

Kanslarinn hafði betur

Gerhard Schröder, kanslari Þýskalands, og Angela Merkel, kanslaraefni Kristilega demókrataflokksins (CDU), mættust í sjónvarpseinvígi í gærkvöld, eina slíka einvíginu sem fram fer í kosningabaráttunni fyrir þýsku þingkosningarnar hinn 18. þessa mánaðar.

Erlent 14.10.2005 06:40

Byrjað að safna saman líkum

Brottflutningi íbúa frá New Orleans er að mestu lokið. Bæði íþróttahöllin SuperDome og ráðstefnumiðstöð borgarinnar hafa verið tæmdar af fólki og byrjað er að safna saman líkum af götunum.

Erlent 14.10.2005 06:40

Minntust komu Andersens til Köben

Kaupmannahöfn breyttist í sannkallað ævintýraland þegar borgarbúar héldu 4. september hátíðlegan, en þann dag árið 1819 kom H.C. Andersen fyrst til höfuðborgarinnar.

Erlent 14.10.2005 06:40

Eldur í húsnæði við Fiskislóð

Allt tiltækt slökkvilið höfuðborgarsvæðisins var kallað út um klukkan hálfsjö í morgun vegna bruna í atvinnuhúsnæði við Fiskislóð í Reykjavík. Var útlit fyrir að um stórbruna væri að ræða. Þykkan, svartan reykjarmökk lagði út um allar dyr og glugga en húsnæðið er einungis einn geimur, að hluta til á tveimur hæðum.

Innlent 14.10.2005 06:40

Búa þjóðina undir hið versta

Michael Leavitt, ráðherra heilbrigðis- og mannúðarmála í ríkisstjórn Bandaríkjanna, sagði í gær að nú væri reiknað með að þúsundir manna hefðu látið lífið af völdum fellibylsins Katrínar. Þetta var í fyrsta sinn sem talsmaður alríkisstjórnarinnar viðurkenndi opinberlega að manntjónið væri svona mikið.

Erlent 14.10.2005 06:40

Norðurlandameistari kvenna í skák

Lenka Ptacnikova, fyrirliði íslenska kvennalandsliðsins í skák, varð í dag Norðurlandameistari kvenna í skák þegar hún gerði jafntefli við eistnesku skákkonuna Tuli Lasson í síðustu umferð Norðurlandamótsins í Vammala í Finnlandi. Á mótinu voru sterkustu skákkonur Norðurlanda auk sterkra fulltrúa frá Eystrasaltsríkjunum.

Innlent 14.10.2005 06:40

Réttarhöld hefjast 19. október

Ríkisstjórn Íraks hefur staðfest að réttarhöldin yfir Saddam Hussein, fyrrverandi forseta landsins, hefjist 19. október næstkomandi. Þar verður réttað yfir honum vegna fjöldamorðanna í bænum Dujail árið 1982, en 143 voru myrtir í bænum eftir misheppnað banatilræði við forsetan fyrrverandi.

Erlent 14.10.2005 06:40

Langur biðlisti í Hólabrekkuskóla

Í Reykjavík hafa tugir barna ekki enn fengið inni á frístundaheimilum. Ástandið er sérstaklega slæmt í Hólabrekkuskóla, þar sem allir nemendur í fyrsta bekk eru á biðlista og ganga um hverfið með lykil um hálsinn.

Innlent 14.10.2005 06:40

Baugur fjárfestir í Bretlandi

Breska dagblaðið Sunday Telegraph greindi í gær frá því að Baugur ásamt skoska frumkvöðlinum Tom Hunter og breska stórbankanum HBOS hefðu stofnað með sér fasteignafélag.

Viðskipti innlent 14.10.2005 06:40

Segja hamfarir reiði guðs

Hryðjuverkasamtökin al-Qaida fögnuðu í dag mannfallinu í hamförunum í Bandaríkjunum og sögðu þær hefnd guðs. Í yfirlýsingu á heimasíðu sem samtökin nota segja þau að bænum hinna kúguðu hafi verið svarað og kúgunarþjóðin Bandaríkin hefði fengið að kenna á reiði guðs. Ekki er búið að staðfesta hvort yfirlýsingin er ekta en al-Qaida samtökin eru sem kunnugt er í hópi hörðustu andstæðinga Bandaríkjanna á alþjóðavettvangi.

Erlent 14.10.2005 06:40

Slasaðist þegar fjórhjól valt

Maður slasaðist þegar fjórhjólið hans valt í Svínahrauni í dag. Þyrla Landhelgisgæslunnar var kölluð út til að flytja hann á sjúkrahús.

Innlent 14.10.2005 06:40

Forseti Hæstaréttar BNA látinn

William H. Rehnquist, forseti Hæstaréttar Bandaríkjanna, lést í gær eftir erfiða baráttu við skjaldskirtilskrabbamein. Rehnquist, sem var áttræður, tók sæti í Hæstarétti árið 1972 í tíð Richards Nixons en það var Ronald Reagen sem skipaði hann forseta réttarins árið 1986.

Erlent 14.10.2005 06:40

Íslenskrar konu enn saknað

Ekkert hefur enn spurst til Lilju Aðalbjargar Ólafsdóttur Hansch, sem búsett er í Mississippi. Fjölskylda hennar heyrði síðast í henni á mánudag í þann mund er fellibylurinn Katrín skall á borginni Gulfport þar sem hún býr. Utanríkisráðuneytið leitar nú allra leiða til að hafa uppi á henni. Ekki er vitað til þess að fleiri Íslendinga sé saknað.

Erlent 14.10.2005 06:40

Drápu eftirlýstan uppreisnarmann

Lögregla í Sádi-Arabíu skaut í dag eftirlýstan uppreisnarmann til bana og særði annan í skotbardaga í olíuborginni Dammam. Þá mun hún vera á hælunum á þriðja manninum og hefur umkringt hús þar sem talið er að hann feli sig, eftir því sem Reuters-fréttastofan greinir frá.

Erlent 14.10.2005 06:40

Slökktu tvo elda í morgun

Allt tiltækt slökkvilið höfuðborgarsvæðisins var kallað út um klukkan hálfsjö í morgun vegna bruna í atvinnuhúsnæði við Fiskislóð í Reykjavík. Einnig þurfti að slökkva eld við Melabúðina á þriðja tímanum í nótt.

Innlent 14.10.2005 06:40

Fer utan að leita systur sinnar

Bróðir Lilju Ólafsdóttur Hansch, sem saknað er eftir fellibylinn í Bandaríkjunum, stefnir að því að fara utan á morgun til að leita systur sinnar.

Erlent 14.10.2005 06:40

Brottflutningi að ljúka

Brottflutningi íbúa frá New Orleans er að mestu lokið. Bæði íþróttahöllin SuperDome og ráðstefnumiðstöð borgarinnar hafa verið tæmdar af fólki. Björgunarmenn hafa heyrt hrikalegar sögur af því sem gekk á á meðan tugþúsundir íbúa biðu dögum saman eftir að aðstoð bærist.

Erlent 14.10.2005 06:40

Gefin saman í búðum í Mississippi

Það berast ekki eingöngu hörmungarsögur frá hamfarasvæðunum í suðurríkjum Bandaríkjanna. <em>CNN</em> greinir frá því í dag að par hafi í gær verið gefið saman í einum af búðunum sem komið hefur verið upp í Mississippi fyrir þá sem eiga um sárt að binda.

Erlent 14.10.2005 06:40

Bakar brauðskúlptúra í Tælandi

Í taílensku bakarí er hægt að fá brauð sem lítur út eins og líkamshlutar. 28 ára gamall listanemi frá Potharam í Taílandi býr þessa brauðskúlptúra til en eftir að hafa gefist upp á andlitsteikningum fann hann farveg fyrir list sína í bakaríinu sem fjölskylda hans rekur.

Innlent 14.10.2005 06:40

Þriðji stórbruninn í París

Tólf létust og margir eru slasaðir eftir þriðja stórbrunann í París á innan við tveimur vikum. Eldurinn kviknaði í fimmtán hæða húsi í suðurhluta borgarinnar um ellefuleytið í gærkvöldi. 166u slökkviliðsmenn börðust við eldinn í nótt og gekk slökkvistarfið að sögn vel. Flestir þeirra sem létust dóu úr reykeitrun.

Erlent 14.10.2005 06:40

Mótmæla einræði Nepalkonungs

Lögregla beitti táragasi og bambuskylfum til að stöðva mótmælagöngu þúsunda lýðræðissinna í Katmandu, höfuðborg Nepals, í gær. Meðal handtekinna var Girija Prasad Koirala, fyrrverandi forsætisráðherra landsins og formaður stærsta stjórnmálaflokksins, Nepalska Kongressflokksins.

Erlent 14.10.2005 06:40

Kúveitar gefa Bandaríkjunum olíu

Kúveit hefur ákveðið að veita Bandaríkjamönnum olíu og aðra aðstoð að andvirði 30 milljarðar íslenskra króna vegna hamfaranna í Suðurríkjunum. Olíuvinnsla í átta olíuhreinsistöðvum við Mexíkóflóa liggur niðri eftir yfirreið fellibylsins Katrínar og hafa Bandaríkjamenn því um 10 prósentum minni olíu að spila úr en fyrir hamfarirnar. Farið er að gæta skorts á bensíni á svæðinu og því ákváðu Kúveitar að bregðast við.

Erlent 14.10.2005 06:40

Leit út eins og stórbruni

Allt tiltækt slökkvilið höfuðborgarsvæðisins var kallað út um klukkan hálfsjö í morgun vegna bruna í atvinnuhúsnæði við Fiskislóð í Reykjavík. Einnig þurfti að slökkva eld við Melabúðina á þriðja tímanum í nótt.

Innlent 14.10.2005 06:40

Varaði við Evrópuvæðingu háskóla

Runólfur Ágústsson, rektor Viðskiptaháskólans á Bifröst, varaði við of mikilli Evrópuvæðingu íslenskra háskóla og sagði miðstýringu, stöðlun og ríkisrekstur einkenna evrópska háskóla þvert á það sem þekktist í löndum eins og Kanada, Bandaríkjunum og Ástralíu þar sem háskólakerfið einkenndist af samkeppni, krafti og fjölbreytni. Þessi orð lét rektorinn falla við setningu nýs skólaárs að Bifröst.

Innlent 14.10.2005 06:40

Lögregla skýtur verktaka

Lögregla skaut átta menn á brú í New Orleans í gær, þar af fimm eða sex til bana, að sögn varalögreglustjóra. Sagði hann mennina hafa verið vopnaða. Talsmaður verkfræðideildar hersins sagði mennina hafa verið verktaka á leið að gera við síkisvegg.

Erlent 14.10.2005 06:40

Hafði betur í baráttu við hákarl

Fertugur fjölskyldufaðir slapp á undraverðan hátt þegar ríflega fjögurra metra langur hvítháfur réðst á hann úti fyrir ströndum Sydney í Ástralíu. Maðurinn, sem hafði verið að fagna feðradeginum með tveimur börnum sínum á ströndinni, var á brimbretti þegar hárkarlinn lét til skarar skríða.

Erlent 14.10.2005 06:40

Evrópulönd rétta fram hjálparhönd

Hörmulegar afleiðingar fellibylsins Katrínar hafa leitt til mikillar samúðar annarra landa í heiminum, sem nú keppast við að bjóða fram aðstoð sína. 

Erlent 14.10.2005 06:40