Fréttir

Fréttamynd

Piparúða og kylfum beitt í Vestmannaeyjum

Lögreglan í Vestmannaeyjum þurfti að beita piparúða og kylfum til að halda aftur að hópi æstra gesta á kaffihúsi þegar lögreglumenn komu á vettvang til að binda enda á slagsmál sem þar höfðu brotist út.

Innlent
Fréttamynd

Ríkisstjórn Geirs Haarde tekur við á fimmtudaginn

Formenn Framsóknar- og Sjálfstæðisflokks tilkynntu um breytingar á ríkisstjórninni í dag, en ríkisstjórnin verður undir forystu Geirs Haarde og hverfur Halldór úr ráðherrastól. Valgerður Sverrisdóttir verður utanríkisráðherra í ríkisstjórninni og Jónína Bjartmarz tekur við umhverfisráðuneyti. Jón Kristjánsson, hættir sem félagsmálaráðherra og tekur Magnús Stefánsson við þeim stóli. Þá sækja framsóknarmenn Jón Sigurðsson í Seðlabankann og tekur hann við Viðskipta- og Iðnaðarráðuneytinu. Breytingar hjá Sjálfstæðismönnum eru ekki aðrar en þær að Sigrður Anna þórðardóttir hættir sem umhverfisráðherra og Geir tekur við forsætisráðuneytinu.

Innlent
Fréttamynd

3 nýir ráðherrar hjá Framsóknarflokknum

Þrír nýir Framsóknarmenn taka sæti í ríkisstjórn undir forsæti Geirs H. Haarde, formanns Sjálfstæðisflokksins. Jón Sigurðsson, núverandi Seðlabankastjóri, tekur við embætti iðnaðar- og viðskiptaráðherra, Magnús Stefánsson verður félagsmálaráðherra og Jónína Bjartmars verður umhverfisráðherra og samstarfsráðherra Norðurlandaráðs. Valgerður Sverrisdóttir flyst úr iðnaðar- og viðskiptaráðuneytinu í utanríkisráðuneytið.

Innlent
Fréttamynd

Ný ríkisstjórn kynnt eftir klukkustund

Ný ríkisstjórn undir forystu Geirs H. Haarde verður að líkindum kynnt á blaðamannafundi sem hefst á eftir klukkan hálf þrjú. Það er Halldór Ásgrímsson sem boðar til fundarins sem verður í Alþingishúsinu. NFS sendir beint út frá fundinum.

Innlent
Fréttamynd

Mannskæð flóð í Kína

Miklar rigningar ollu töluverðum flóðum í Guangdong-kantónu í Suður-Kína í morgun en töluvert hefur rignt og flætt á svæðinu síðustu daga. Þrjú göt komu á stíflu í Liuxi fljóti og reyndu mörg hundruð lögreglumenn að hefta vatnsflauminn með sandpokum.

Erlent
Fréttamynd

Rúmlega 30 uppreisnarmenn drepnir í Afganistan í vikunni

Kanadískar og afghanskar hersveitir drápu meira en 30 uppreisnarmenn úr röðum Talibana í áhlaupi á vígi þeirra í vikunni. Allt logar í óeirðum í suðurhluta Afghanistan og maímánuður var einn sá blóðugasti síðan ráðist var inn í landið fyrir fjórum og hálfu ári.

Erlent
Fréttamynd

Ráðist á 17 ára ungling á Eiðistorgi

Ráðist var á 17 ára ungling á Eiðistorgi um klukkan eitt í nótt og hann laminn og sparkað í höfuð hans. Hann var fluttur á slysadeild en ekki talinn alvarlega slasaður. Árásarmaðurinn, sem er tvítugur, er í haldi lögreglu.

Innlent
Fréttamynd

Eldur logar í dekkjaverkstæði í Keflavík

Slökkviliðsmenn berjast nú við eld sem kviknaði í dekkjaverkstæði í Keflavík. Í húsinu er nokkuð magn dekkja en þar er einnig smurstöð. Lögreglan fékk tilkynningu um eldinn á ellefta tímanum í kvöld. Að sögn lögreglunnar í Keflavík virðist eldurinn eitthvað vera í rénun en slökkvistarf er enn í fullum gangi. Slökkviliðsmenn frá Brunavörnum Suðurnesja ásamt slökkviliðinu í Hafnarfirði og frá Keflavíkurflugvelli vinna að slökkvistarfinu.

Innlent
Fréttamynd

Mannfall á Gaza-svæðinu

Fjölmargir hafa fallið í eldflaugaárásum Ísraela og Palestínumanna á Gaza-ströndinni í dag. Meðal fallinna eru sjö meðlimir fjölskyldu sem hafði komið saman á strönd til að gera sér glaðan dag. Vopnaður armur Hamas-samtakana ætlar ekki að virða vopnahlé og hótar á ný árásum á Ísraelsmenn.

Erlent
Fréttamynd

Mörgæsabolti í Suður-Kóreu

HM-æðinu virðist engin takmörk sett. Jafnvel mörgæsir í Suður-Kóreu eru að missa sig. Sædýrasafn í Kóreu hefur brugðist við heimsmeistaramótinu í knattspyrnu með því að klæða fjórar mörgæsir í búninga þeirra liða sem keppa í G-riðli. Í þeim riðli er Kórea ásamt Togo, Sviss og Frakklandi. Börn og fullorðnir fylgdust með leik mörgæsanna og hvöttu þær áfram. Allir höfðu gaman að þessu, en fyrir hönd Suður-Kóreu verðum við nú að vona, að lið þeirra sýni aðeins meiri tilþrif á vellinum en mörgæsirnar gerðu. Okkur er þó til efs að nokkuð lið geti verið sætara.

Erlent
Fréttamynd

Ættingjar al-Zarqawis fagna píslarvættisdauða hans

Ættingjar jórdanska al-Kaída leiðtogans Abu Musab al-Zarqawi komu saman í heimabæ hans, Zarqa, í Jórdaníu í dag til að fagna því sem þeir kalla píslarvættisdauða hans. Al-Zarqawi féll í loftárás Bandaríkjamanna á miðvikudagskvöldið. Hann var enn á lífi þegar komið var að honum eftir árásina en hann lést skömmu síðar.

Erlent
Fréttamynd

Fannst látinn í morgun

Karlmaður á þrítugsaldri sem lögreglan í Reykjavík lýsti eftir í vikunni fannst látinn í morgun. Lögreglan lýsti eftir manninum, Hauki Frey Ágústssyni, á miðvikudaginn. Ekkert hafði þá spurst til hans síðan 1. júní. Lögreglan rannsakar nú lát Hauks.

Innlent
Fréttamynd

Suu Kyi hugsanlega veik

Fregnir hafa borist af því að Aung San Suu Kyi, leiðtoginn stjónarandstöðunnar í Myanmar, áður Búrma, hafi verið flutt á sjúkrahús. Það hefur þó ekki fengist staðfest.

Erlent
Fréttamynd

Landhelgisgæslan stendur veiðiþjófa að verki

Eftirlitsflugvélin Syn var í flugi yfir úthafskarfamiðin á Reykjaneshrygg í dag þegar áhöfnin stóð flutningaskip að því að þjónusta sjóræningjaskipið Carmen. Flutningaskipið heitir Polestar og er skráð í Panama sem frystiskip.

Innlent
Fréttamynd

Ekki nógu vel staðið að björguninni

Formaður rannsóknarnefndar sjóslysa segir ekki nægilega vel hafa verið staðið að björgunaraðgerðum á Viðeyjarsundi í september, þegar skemmtibáturinn Harpa fórst með þeim afleiðingum að tveir létust. Hann segir brýnt að samræma fjarskiptabúnað leitar-, björgunar- og stjórnunaraðila.

Innlent
Fréttamynd

Fækkun í rjúpnastofninum

Talningar Náttúrufræðistofnunar Íslands í vor sýna fækkun á rjúpum. Sums staðar kom fram kyrrstaða og aukning mældist á Austurlandi en að meðaltali sýna talningar 12% fækkun frá síðasta ári. Ástand stofnsins er því ekki í samræmi við væntingar eftir tveggja ára uppsveiflu. Fækkunin nú kemur jafnt fram á friðaða svæðinu á Suðurlandi og á þeim svæðum þar sem rjúpnaveiðar hófust að nýju síðasta haust eftir tveggja ára hlé.

Innlent
Fréttamynd

Jónas Garðars­son segir af sér sem for­maður Sjó­manna­fé­lags Reykja­víkur

Tilkynning hefur borist frá Jónasi Garðarssyni, formanni Sjómannafélags Reykjavíkur og stjórnarmanni í Sjómannasambandi Íslands, um að hann muni draga sig út úr öllum trúnaðarstörfum fyrir SR og SÍ. Ástæðuna segir hann vera að koma í veg fyrir að persónuleg mál hans í kjölfar sjóslyssins þann 10. september síðastliðinn trufli hagsmunabaráttu sjómanna.

Innlent
Fréttamynd

Spá 0,8 prósenta hækkun vísitölu

Greiningardeild KB banka spáir 0,8 prósenta hækkun á vísitölu neysluverðs í næsta mánuði og að 12 mánaða verðbólga muni hækka í 7,7 prósent. Í hálf fimm fréttum bankans segir að hækkun á innfluttum varningi og hækkandi húsnæðisverð muni leggja mest til hækkunar á vísitölunni.

Viðskipti innlent
Fréttamynd

Landhelgisgæslan semur við Air Lift um leigu á þyrlu

Björn Bjarnason dóms- og kirkjumálaráðherra og Georg Kr. Lárusson forstjóri LHG undirrituðu í dag samning við forsvarsmenn fyrirtækisins Air Lift, þá Bjarne Slapgard framkvæmdastjóra og Erlend Folstad markaðsstjóra, um leigu á Super Puma þyrlu frá og með 1. október næstkomandi.

Innlent
Fréttamynd

Fróði gefur út blað í Flugstöð Leifs Eiríkssonar

Flugstöð Leifs Eiríkssonar og Fróði hafa gert með sér samning um dreifingu á tímariti í flugstöðinni. Tímaritið verður afþreyingar- og auglýsingatímarit með ferðatengdu efni. Áætlað er að tímaritið komi út annan hvern mánuð og mun fyrsta tölublaðið koma út í júlí.

Innlent
Fréttamynd

Mannfall í loftárásum Ísraela á Gaza

Að minnsta kosti níu Palestínumenn féllu og fjölmargir særðust í þremur flugskeytaárásum Ísraelshers á bílalestir á Gaza-ströndinni í dag. Talið er að háttsettur leiðtogi Hamas-samtakanna sé meðal þeirra sem særðust. Árásirnar eru sagðar svar við flugskeytaárásum Palestínumanna á ísraelskt landsvæði. Auk þess féllu að minnsta kosti sex Palestínumenn og á annan tug særðust í dag þegar skotið var á þá frá ísrelsku herskipi en mennirnir voru þá staddir á norðurhluta Gaza-strandarinnar.

Erlent
Fréttamynd

TM semur við SOS um neyðarþjónustu

Tryggingamiðstöðin hefur samið við SOS International í Danmörku um neyðarþjónustu við korthafa VISA Ísland. Auk þess hefur TM samið við SOS um neyðarþjónustu við handahafa Fjölskyldutrygginga og stakra ferðatrygginga hjá TM. Símtöl sem berast Europe Assistant, fyrri neyðarþjónustu TM, verða send á SOS í Danmörku eftir 1. júlí.

Innlent
Fréttamynd

Metár hjá Nordjobb hér á landi

Aldrei hafa jafn margir komið til Íslands á vegum Nordjobb verkefnisins. 140 einstaklingar koma hingað til lands til vinnu í sumar og er þetta því metár hjá Nordjobb. Til samanburðar voru 96 norrænir starfsmenn hér á landi í fyrra á vegum Nordjobb.

Innlent
Fréttamynd

Samnýta upplýsingar úr læknisvottorði

Tilraunaverkefni um samnýtingu upplýsinga úr læknisvottorði vegna krabbameinssjúklinga hófst um síðustu mánaðamót. Um er að ræða samvinnuverkefni Tryggingastofnunar ríkisins og Landspítala - háskólasjúkrahúss.

Innlent
Fréttamynd

Flestar hálendisleiðir enn lokaðar

Flestar hálendisleiðir er enn lokaðar allri umferð á meðan frost er að fara úr jörð samkvæmt upplýsingum frá Vegagerðinni. Þó er búið að opna leiðina frá Sigöldu í Landmannalaugar, um Hólsand frá Grímsstöðum í Ásbyrgi og frá Kelduhverfi að Hljóðaklettum.

Innlent
Fréttamynd

Sorg á sjómannadaginn á Akureyri

Sjómannadagurinn á Akureyri verður með öðru sniði í ár en verið hefur. Dagurinn verður haldinn hátíðlegur í skugga sjóslyssins sem varð þann 27. maí síðastliðinn þegar eldur kviknaði um borð í Akureyrinni með þeim afleiðingum að tveir létust.

Innlent

Mest lesið