Fréttir

Mexíkó næst í röðinni

Tæplega þriggja metra háar öldur hafa skollið á Jamaíku og eyðilagt tugi húsa eftir að fellibylurinn Emily gekk þar yfir í nótt. Búist er við að óveðrið skelli á Cancun í Mexíkó í fyrramálið en fréttastofan hefur heimildir fyrir að hópur íslenskra unglinga sé á staðnum. Þrjátíu þúsund ferðamönnum hefur verið skipað að yfirgefa svæðið.

Erlent 13.10.2005 19:32

Óánægð með frágang við Egilshöll

"Frágangur á umferðarmannvirkjum við Egilshöll er fyrir neðan allar hellur," segir Elísabet Gísladóttir, formaður Íbúasamtaka Grafarvogs. Að sögn Elísabetar getur tekið allt að því þrjár klukkustundir að komast út af bílastæðinu þegar haldnir eru mjög fjölmennir viðburðir í Egilshöll.

Innlent 13.10.2005 19:32

Ofsaveður í Taívan og Mexíkó

Mjög öflugir stormar leika nú bæði Mexíkó og Taívan grátt. Fellibylurinn Emily gengur nú sem stendur yfir Cancun í Mexíkó og hvirfilbylurinn Haitang ber að norðausturströnd Taívans.

Erlent 13.10.2005 19:32

Nýr kynsjúkdómur greinist í Evrópu

Kynsjúkdómurinn LGV er farinn að skjóta upp kollinum í nágrannalöndum Íslendinga. Yfirlæknir hjá Sóttvarnalækni telur að Íslendingar þurfi að vera vel vakandi fyrir þessum sjúkdómi. Hann er af klamydíutegund sem er einn algengasti kynsjúkdómur hér á landi.

Innlent 13.10.2005 19:32

Sjítar spá borgarastyrjöld

Írak er á barmi allsherjar borgarastyrjaldar að mati leiðtoga Sjíta í landinu. Sjítaklerkurinn og þingmaðurinn Sjeik- al Saghir sagði á írakska þinginu í gær að stríð gegn sjítum væri að brjótast út og með sama áframhaldi yrði erfitt að stöðva herská samtök Sjíta, sem brátt myndu svara fyrir sig og þá væri voðinn vís.

Erlent 13.10.2005 19:32

Sjúkraliðar semja

Sjúkraliðar hafa samþykkt kjarasamning við fjármálaráðherra sem undirritaður var 30. júní síðastliðinn. Þegar búið var að telja upp úr kjörkössunum kom í ljós að mikill meirihluti félagsmanna hafði samþykkt samninginn.

Innlent 13.10.2005 19:32

Edward Heath látinn

Edward Heath, fyrrverandi forsætisráðherra Bretlands, lést í gær áttatíu og níu ára að aldri. Hann var Íslendingum vel kunnur enda forsætisráðherra þegar annað þorskastríðið stóð.

Erlent 13.10.2005 19:32

Skemmtiferðakskip á Flateyri

Þrjátíu og átta þúsund tonna bandarískt lúxus-skemmtiferðaskip kom til Flateyrar í morgun með 800 farþega innanborðs, og er að öllum líkindum fyrsta skemmtiferðaskipið sem þangað kemur.

Innlent 13.10.2005 19:32

Fellibylurinn Emily í Mexíkó

Fellibylurinn Emily gengur nú sem stendur yfir Cancun í Mexíkó og hafast um þrjátíu þúsund ferðamenn við í neyðarskýlum. Alls hafa um hundrað og þrjátíu þúsund ferðamenn þurft að færa sig um set í Mexíkó síðan um helgina vegna fellibylsins.

Erlent 13.10.2005 19:32

Geymsla díselolíu vandmeðfarin

Dæmi eru um að menn geymi díselolíu í rotþróm. Brunamálastjóri segir auðvelt að vera vitur eftir á og að stjórnvöld hefðu í raun átt að geta séð fyrir að fólk myndi hamstra eldsneyti í kjölfar verðhækkunar á díselolíu.

Innlent 13.10.2005 19:32

Nýr skólastjóri í Landakotsskóla

Stjórn Landakotsskóla réði í gær Fríðu Regínu Höskuldsdóttur skólastjóra í Landakotsskóla. "Ég tel að við höfum valið hæfasta umsækjandann með tilliti til menntunar, kennslureynslu og stjórnunarreynslu," segir Björg Thorarensen, formaður stjórnar skólans.

Innlent 13.10.2005 19:32

Óafvitandi ekki með réttindi

Meirapróf þarf á flesta þeirra pallbíla sem fluttir eru inn frá Bandaríkjunum en eigendur þeirra gera sér ekki alltaf grein fyrir því. Því eru dæmi um að bílstjórar hafi ekki réttindi til að aka þessum bílum sínum. Ef þeir lenda í umferðaróhappi mega þeir búast við að fá ekki greitt út úr tryggingum hvort sem þeir eru í rétti eða órétti.

Innlent 13.10.2005 19:32

Stefnir ekki að borgarstjórastól

Dagur B. Eggertsson, borgarfulltrúi Reykjavíkurlistans, segist ekki stefna að því að verða borgarstjóraefni R-listans og hefur hann enga ákvörðun tekið í þeim efnum.

Innlent 13.10.2005 19:32

220 látnir í flóðum á Indlandi

Alls hafa 220 manns látist og um 150 þúsund heimili eyðilagst í flóðum í norðausturhluta Indlands frá því regntímabilið hófst í vor. Um fjörutíu og fimm þúsund manns hafa verið fluttir í björgunarbúðir og búa nú þúsundir manna í opinberum byggingum, aðallega í skólum og á lestarstöðvum.

Erlent 13.10.2005 19:32

Komast í samband við börn á Netinu

Menn sem tengjast vændisstarfsemi hér á landi eiga mjög auðvelt með að komast í samband við börn á Netinu, eins og dæmi eru um, og því rík ástæða fyrir foreldra að fylgjast vel með netnotkun barna sinna. Þetta segir heimildarmaður Stöðvar 2 sem hefur skoðað þessi mál sérstaklega.

Innlent 13.10.2005 19:32

Enginn gengst við könnun

Leiðtogaefni Sjálfstæðisflokksins í Reykjavík segjast grunlaus um hver standi að könnun Gallups á fylgi frambjóðenda flokksins í Reykjavík.

Innlent 13.10.2005 19:32

Lítill áhugi á Tyrkjum

Einungis 35 prósent íbúa aðildarríkja Evrópusambandsins eru hlynnt aðild Tyrklands að sambandinu samkvæmt nýrri skoðanakönnun sem gerð var fyrir framkvæmdastjórn sambandsins. Tæpur helmingur styður aðild Rúmeníu að sambandinu en helmingur vill hleypa Búlgaríu í sambandið.

Erlent 13.10.2005 19:32

Ljósleiðari á Akureyri

Á morgun, þriðjudaginn, verður undirritaður samningur Akureyrarbæjar við Tengi hf. um lagningu ljósleiðara sem víðast um Akureyri. Samningurinn veitir Tengi heimild til að leggja ljósleiðaranet um götur og stíga á Akureyri til afnota fyrir heimili, fyrirtæki og stofnanir.

Innlent 13.10.2005 19:32

Eldur í sumarbústað

Sumarbústaður í Miðfellslandi, við austanvert Þingvallavatn stórskemmdist í eldi í gærkvöld. Bústaðurinn var mannlaus þegar slökkvilið kom á vetvang, en eigendur höfðu verið í honum fyrr um daginn. Greiðlega gekk að slökkva eldinn, en bústaðurinn mun vera nánast ónýtur eftir.

Innlent 13.10.2005 19:32

Þrýst á Bush að reka Rove

George W. Bush sagði í gær að skyldi einhver í starfsliði hans verða uppvís að lögbroti í sambandi við upplýsingaleka sem fletti ofan af CIA-njósnara, myndi viðkomandi "ekki lengur fá að starfa í minni stjórn". Bush kom sér samt sem áður hjá því að svara beint spurningum um hlutverk stjórnmálaráðgjafa síns, Karl Rove, í málinu.

Erlent 13.10.2005 19:32

Geta fengið olíuna endurgreidda

Björn Karlsson brunamálastjóri segir Brunamálastofnun hafa borist allmargar vísbendingar um fólk sem hamstraði olíu fyrir gildistöku olíugjaldsins og geymi hana við óviðunandi aðstæður. Hann segir að fólk sem vilji losna við olíuna og hættuna sem fylgir henni geti skilað henni til olíufélaganna og fengið hana endurgreidda.

Innlent 13.10.2005 19:32

Skógareldar á Spáni

Fjórtán spænskir slökkviliðsmenn fórust í baráttu við skógarelda í gær. Eldarnir hafa þegar eyðilagt um fimm þúsund hektara af skógi vöxnu landi og hafa hundruðir þurft að yfirgefa heimili sín vegna þessa.

Erlent 13.10.2005 19:32

Gekk eins og í lygasögu

Fyrsta þríburafæðingin í áratugi, þar sem börnin voru ekki tekin með keisaraskurði, gekk eins og í lygasögu segir Sveinborg Hauksdóttir sem fæddi þrjú börn á aðeins fimmtán mínútum, tvær stúlkur og einn dreng.

Innlent 13.10.2005 19:32

Svarfdælingar vilja út

Íbúar í Svarfaðardal hafa sent öllum þingmönnum landsins áskorun um að endurskoða forsendur fyrir sameiningu sveitarfélaga og íhuga um leið möguleika á því að sveitarfélög, sem vilja ganga út úr sameiningu, geti gert það.  

Innlent 13.10.2005 19:32

Óveður á Taívan og Mexíkó

Öflugir stormar ollu manntjóni og miklum skemmdum í dag. Á Taívan fórust nokkrir þegar hvirfilbylurinn Haitang reið yfir og tugir þúsunda ferðamanna flýðu fellibylinn Emily í Mexíkó. Þeirra á meðal var hópur íslenskra ungmenna.

Erlent 13.10.2005 19:32

Olíufélögin taka við díselolíu

Leyfilegt var að kaupa 5000 lítra af olíu á hverja kennitölu áður en verðbreytingin átti sér stað um síðustu mánaðarmót og virðast allnokkrir hafa nýtt sér það og hamstrað olíu.

Innlent 13.10.2005 19:32

Ofurölvi undir stýri

Lögreglan í Keflavík stöðvaði ökumann þar í bæ í gærkvöldi þar sem ökulag hans þótti ekki yfirvegað. Ökumaðurinn reyndist það ekki heldur og við blóðrannsókn kom í ljós að svo mikið áfengismagn var í blóði hans að hann hefði allt eins átt að vera sofnaður áfengisdauða. Honum var komið heim í háttinn að lokinni skýrslutöku.

Innlent 13.10.2005 19:32

Viðey aðeins fyrir Sjálfstæðismenn

Össur Skarphéðinsson segir að tillögur sjálfstæðismanna í borginni um byggð í eyjunum við Reykjavík eigi að vera fyrir elítuna og fyrir þá sjálfa. Vilhjálmur Þ. Vilhjálmsson segir Össur endurspegla vanda R-listans.

Innlent 13.10.2005 19:32

Ný steypuaðferð á Íslandi

Þeir sem áttu leið fram hjá Borgartúninu í dag hafa eflaust velt fyrir sér hvort þar væri verið að útbúa boltaland fyrir fullorðna. Þarna er hins vegar um að ræða svokallaða kúluplötuaðferð við húsbyggingu, þar sem plastkúlur eru settar í gólfplöturnar, í stað einungis steypu.

Innlent 13.10.2005 19:32

Íbúðalánsjóður heildsölubanki?

Félagsmálaráðherra fór til Bandaríkjanna í vor ásamt forsvarsmönnum Íbúðalánasjóðs til að kynna sér starfsemi heildsölubanka þar í landi. Félagsmálaráðherra segist ekki hafa séð lánasamninga Íbúðalánasjóðs við banka og sparisjóði en ætli að kalla eftir þeim núna.

Innlent 13.10.2005 19:32