Fréttir

Netþjónusta fyrir ríkisstofnanir

Rekstrarsvið TM Software, Skyggnir og Ríkiskaup hafa gert með sér rammasamning um hýsingar- og internetþjónustu fyrir ríkisstofnanir og sveitarfélög. Samningurinn hefur í för með sér umtalsverðan sparnað fyrir ríkisstofnanir og sveitarfélög í internetþjónustu og vörum sem tengjast almennri hýsingarþjónustu.

Innlent 17.10.2005 23:42

A-dúr hjá Brimkló og Beethoven

Ólafur hefur marga fjöruna sopið í tónlistinni en hann hefur verið bassaleikari í fjölmörgum hljómsveitum og nægir þar að nefna Sóldögg, Galileó og svo lék hann á tímabili í hljómsveit Páls Rósinkrans. Hann er einnig lærður kokkur. "Ég varð þó fljótlega að leggja pönnuna á hylluna þar sem fiski- og ölgersofnæmi voru mér til trafala á þeim vettvangi en ég er nú eiginlega bara þakklátur fyrir að svo fór, núna þegar ég lít til baka," segir Ólafur.

Innlent 13.10.2005 19:37

Þyrlan tekur þátt í leitinni

Leit sem hófst í gærkvöldi að erlendum ferðamanni, sem saknað er á Laugaveginum svonefnda á milli Þórsmerkur og Landmannalauga, hefur enn engan árangur borið. Þyrla Landhelgisgæslunnar hélt af stað í morgun til að aðstoða hátt í hundrað manna hóp björgunarmanna.

Innlent 13.10.2005 19:37

Dýraverndunarstarf um allan heim

Á Skólavörðustígnum geta gestir og gangandi næstu dagana skoðað myndir af dýraverndunarstarfi hvaðanæva úr heiminum. Það eru dýraverndunarsamtökin IFAW sem standa að sýningunni þar sem getur að líta myndir af starfi samtakanna um heim allan.

Innlent 13.10.2005 19:37

Hryðjuverkaógnin yfirtekur allt

Rannsóknir á hryðjuverkum í Bretlandi og aðgerðir lögreglu til að fyrirbyggja frekari árásir valda því að Lundúnalögreglan á í vandræðum með að sinna öðrum málum. Þúsundir lögreglumanna eru á götum úti og þeim til viðbótar eru réttarmeinafræðingar, tæknimenn, skotvopnasérfræðingar og fjölmargir aðrir uppteknir við rannsóknir.

Erlent 13.10.2005 19:37

Vonskuveður olli flugslysi

Mikill regnstormur með þrumum og eldingum er talinn hafa orðið til þess að farþegaþota Air France rann út af flugbraut í Toronto í Kanada í fyrrakvöld. 309 farþegum og áhöfn tókst naumlega að komast frá borði áður en mikill eldur blossaði upp í þotunni.

Erlent 13.10.2005 19:37

Heill á húfi allan tímann

Víðtækri leit að erlendum ferðamanni var hætt um hádegisbilið í dag eftir að upplýsingar bárust um að hann væri heill á húfi. Hann lagði upp frá Hrafntinnuskeri í gærmorgun og ætlaði að ganga að Álftavatni en skilaði sér aldrei þangað.

Innlent 13.10.2005 19:37

Önnur geimganga Discovery-áhafnar

Tveir geimfarar úr áhöfn geimferjunnar Discovery eru í geimgöngu sem stendur og liggur leið þeirra undir ferjuna þar sem þeir verða að finna einhverja leið til að gera við hana.  

Erlent 13.10.2005 19:37

Framseldur til Bretlands

Afríkuríkið Sambía hefur ákveðið að framselja til Bretlands mann sem grunaður er um að eiga aðild að hryðjuverkaárásinni 7. júlí sem kostaði fimmtíu og tvo lífið. Í yfirlýsingu frá stjórnvöldum sagði að þar sem maðurinn væri breskur ríkisborgari væri ekki ástæða til annars en framselja hann til Bretlands.

Erlent 13.10.2005 19:37

Glæpir gegn múslimum aukast mikið

Glæpum gegn múslimum hefur fjölgað um hátt í 600% í Bretlandi síðan hryðjuverkin í London voru framin þann 7. júlí. Lögreglunni í Lundúnum hefur borist alls 269 tilkynningar um líkamsárásir en á sama tímabili í fyrra var tilkynnt um 40 slíka glæpi.

Erlent 13.10.2005 19:37

Vilja bætur vegna varðhalds

Tveir menn, sem voru í haldi í nokkra mánuði í Svíþjóð vegna tenglsa við hryðjuverkasamtök, hafa ákveðið að krefjast tæplega 27 milljóna í bætur frá sænska ríkinu vegna varðhaldsins.

Erlent 13.10.2005 19:37

Almenningur flýr borgina

Blóðugir bardagar geisa enn í Khartoum, höfuðborg Súdans, og tugir manna hafa nú fallið í óeirðum sem hófust þegar varaforseti landsins fórst í þyrluslysi. Almenningur er farinn að flýja úr borginni en hersveitir og sveitir óeirðalögreglu eru á leið inn í hana til þess að reyna að koma á lögum og reglu.

Erlent 13.10.2005 19:37

Ólíklegt að gerist hér á landi

Hverfandi líkur eru á að aðstæður svipaðar þeim sem voru í Toronto í Kanada í gær, þegar farþegaflugvél frá franska flugfélaginu Air France fór út af flugbraut í lendingu og rann út í skurð, geti skapast hér á landi. Þetta segir forstöðumaður rannsóknarnefndar flugslysa.

Innlent 13.10.2005 19:37

Eftirprentunum stolið

Tveir grímuklæddir þjófar héldu væntanlega að þeim hefði tekist vel upp, eftir að þeir höfðu með sér þrjár myndir eftir Munch af hóteli í Osló í gær. Lögreglan segir að það eina sem þjófarnir höfðu upp úr krafsinu, voru þrjár verðlausar eftirprentanir.

Erlent 13.10.2005 19:37

Leitað að fleiri börnum

Þýska lögreglan, sem nú rannsakar mál konu sem grunuð er um að drepa níu börn sín við fæðingu, notaði hunda í gær til að leita að fleiri líkum við þau hús sem vitað er að konan bjó. Líkin níu fundist í garði foreldra konunnar í þorpinu Brieskow-Finkenherd, við landamæri Póllands.

Erlent 13.10.2005 19:37

Meintur kinnhestur til á myndbandi

Atvikið þar sem Hreimi Erni Heimissyni og Árna Johnsen lenti saman á þjóðhátíð í Vestmannaeyjum er til á myndbandi. Myndbandið fæst þó ekki sýnt - að sögn til að vernda Vestmannaeyjabæ. Árna og Hreimi ber engan veginn saman um hvað gerðist.

Innlent 13.10.2005 19:37

Strákarnir okkar til Toronto

Íslenska kvikmyndin Strákarnir okkar, sem Róbert Douglas leikstýrir, hefur verið valin til sýninga á kvikmyndahátíðinni í Toronto í Kanada sem fer fram 8.-17. september næstkomandi. Hátíðin er einhver sú stærsta í Norður-Ameríku.

Innlent 13.10.2005 19:37

Missti mánaðargömul ökuréttindi

Ungur ökumaður með aðeins mánaðargamalt ökuskírteini var tekinn í nótt fyrir að hafa ekið á 132 kílómetra hraða í Ártúnsbrekku þar sem hámarkshraði er áttatíu. Hann var að stinga annan bíl af í spyrnu þegar hann ók í flasið á lögreglu sem svipti hann ökuréttindum í einn mánuð auk þes sem hann verður sektaður.

Innlent 13.10.2005 19:37

Gisti líklega á Klaustri

Nú er talið víst að erlendi ferðamaðurinn, sem leitað var að í alla nótt og fram að hádegi, hafi gist á Kirkjubæjarklaustri í nótt en hann er farinn þaðan. Að sögn Slysavarnafélagsins Landsbjargar var ekki tekin nein áhætta með umfang leitarinnar í ljósi þess að erlendur ferðamaður varð úti á þessum slóðum við svipuð veðurskilyrði og voru í gær.

Innlent 13.10.2005 19:37

Viðgerð lokið á botni Discovery

Bandaríski geimfarinn Steve Robinson lauk fyrir stundu viðgerð á botni geimferjunnar Discovery. Tveir þéttikantar stóðu nokkra sentímetra niður úr maga ferjunnar og þá þurfti að fjarlægja vegna hins gífurlega hita sem myndast þegar ferjan kemur inn í gufuhvolf jarðar.

Erlent 13.10.2005 19:37

Hringferðinni lýkur í dag

Göngugarparnir Bjarki Birgisson og Guðbrandur Einarsson sem lögðu gangandi af stað hringveginn 20. júní síðastliðinn loka hringnum við Rauðavatn klukkan hálf fjögur í dag.

Innlent 13.10.2005 19:37

Biður Hreim afsökunar

Árni Johnsen, kynnir á Þjóðhátíð í Vestmannaeyjum, hefur beðið Hreim Örn Heimissonar söngvara afsökunar á atviki sem átti sér stað við lok Brekkusöngs á Þjóðhátíð, en Hreimur hefur ásakað Árna um að hafa slegið sig.

Innlent 13.10.2005 19:37

Ber ábyrgð á vopnaviðskiptum

Helmut Kohl, fyrrum Kanslari Þýskaland, bar í gær vitni í máli gegn Holger Pfahls, fyrrum aðstoðarvarnamálaráðherra Þýskalands. Pfahls er sakaður um að hafa á árinu 1991 þegið samsvarandi rúmum 150 milljónum króna í mútur fyrir vopnaviðskipti við Saudi Arabíu, vegna sölu þýskra herbíla.

Erlent 13.10.2005 19:37

Saklaus eftir 26 ára fangelsisvist

Luiz Diaz, Bandaríkjamanni af kúbönskum uppruna, var í gær sleppt úr fangelsi eftir 26 ára dvöl þar. Diaz hafði verið dæmdur fyrir fjölda nauðgana en nýjar DNA-rannsóknir sýndu að hann var saklaus. Þrjátíu vinir og ættingjar stóðu upp og klöppuðu eftir að dómarinn lýsti Diaz frjálsan mann.

Erlent 13.10.2005 19:37

Svala á leið til lands

Skútan Svala, sem fjórmenningar í sjávarháska urðu að skilja eftir á reki um 150 sjómílur suðaustur af landinu í fyrrinótt, er fundinn. Skipstjórinn á fiskibátnum Ársæli frá Hafnarfirði sá skútuna í radar um hálf tvö í gærdag og ákvað að taka hana í tog en Ársæll var að koma frá Færeyjum.

Innlent 13.10.2005 19:37

Aðeins 3 konur á meðal 100 efstu

Í hópi eitt hundrað forstjóra íslenskra fyrirtækja, sem hafa yfir eina milljón króna í laun á mánuði, eru aðeins þrjár konur. Konur eru lægra metnar til launa og það hefur ekkert breyst, segir hagfræðingur ASÍ.

Viðskipti innlent 13.10.2005 19:37

Brottflutningnum mótmælt

Andstæðingar fyrirhugaðs brottflutnings Ísraela frá Gaza mótmæltu harðlega stefnu stjórnvalda í bænum Sderot í gær. Aðeins eru tvær vikur þar til brottflutningur á að hefjast og munu yfir níu þúsund manns þurfa að yfirgefa heimili sín.

Erlent 13.10.2005 19:37

Ánamaðkaþjófur gripinn glóðvolgur

Ánamaðkaþjófur var gripinn glóðvolgur með feng sinn uppi á miðri Bröttubrekku um helgina þegar hann var á leið suður í Borgarfjörð þar sem hann ætlaði að egna fyrir lax með þýfinu.

Innlent 13.10.2005 19:37

Vélin varð líklega fyrir eldingu

Tuttugu og tveir slösuðust, þó enginn alvarlega, þegar farþegaflugvél frá franska flugfélaginu Air France fór út af flugbraut í lendingu og rann út í skurð í Toronto í Kanda í gærkvöld. Talið er að eldingu hafi lostið niður í flugvélina í lendingunni. 309 manns voru um borð og þykir ótrúlegt að ekki hafi farið verr.

Erlent 13.10.2005 19:37

Aukin öryggisgæsla skilar litlu

Stóraukin öryggisgæsla og hert eftirlit á Bretlandi virðist litlu skila: Fréttamaður SKY-fréttastöðvarinnar komst frá Lundúnum til Parísar óáreittur þótt hann hafi framvísað vegabréfi starfsfélaga síns allan tímann.

Erlent 13.10.2005 19:37