Fréttir

Fréttamynd

Netanyahu segir sig úr ríkisstjórn

Benjamin Netanyahu, fjármálaráðherra Ísraels, sagði sig í dag úr ríkisstjórn Ariels Sharons vegna andstöðu sinnar við fyrirhugaðan brottflutning gyðinga frá landnemabyggðum á Gasaströndinni og Vesturbakkanum. Í afsagnarbréfi sínu sagði Netanyahu að hann gæti ekki átt aðild að svo óábyrgri ákvörðun og að hún myndi skaða öryggi Ísraela.

Erlent
Fréttamynd

Aukin þjónusta á Vísi

Vefmiðillinn <em>Vísir</em> er nú farinn að bjóða upp á gagnvirkt sjónvarpsefni og beinar útsendingar frá viðburðum á Netinu í stafrænum gæðum í gegnum VefTV. Í tilkynningu frá 365 miðlum segir að nú þegar séu um 300 þættir og kvikmyndir í boði fyrir neytendur ásamt fréttum, fréttatengdu efni og kappleikjum í beinni útsendingu.

Innlent
Fréttamynd

Björguðust úr eldsvoða

Sex björguðust þegar eldur kom upp í veiðihúsi við Geirlandsá á fjórða tímanum í fyrrinótt. Var mildi að lögreglumenn voru í grenndinni og voru fljótir á vettvang en fólkið vaknaði við reykskynjara og flýttu sér út klæðalítil.

Innlent
Fréttamynd

Kafbátasjómönnum bjargað

Áhöfn rússneska smákafbátsins AS-28 var bjargað í gær. Kafbáturinn hafði legið á 190 metra dýpi í þrjá daga. Skipstjóri kafbátsins sagði sér líða ágætlega þegar hann var kominn í land.

Erlent
Fréttamynd

Fórnarlamba flugslyss minnst

Nokkur fjöldi var saman kominn á Ægisíðu í kvöld þar sem afhjúpaðu var minnisvarði um fórnarlömb flugslyssins í Skerjafirð, en nú eru fimm ár liðin frá slysinu. Minnisvarðinn er staðsettur á fjörukambinum á móts við slysstaðinn í Skerjafirði, nánar tiltekið rétt hjá endastöð SVR syðst á götunni Skeljanesi.

Innlent
Fréttamynd

Lík af börnum geymd í leyni

Meira en þrjú hundruð lík af börnum og fóstrum voru geymd í formalíni á sjúkrahúsi í París án vitundar aðstandenda þeirra. Málið hefur vakið hörð viðbrögð í Frakklandi.

Erlent
Fréttamynd

Flóðbylgjuöryggiskerfi innan árs

Stefnt er að því að innan árs verði komið á viðamiklu öryggiskerfi í þeim löndum sem liggja að Indlandshafi. Kerfið gefur frá sér boð ef jarðhræringar verða og hætta er á flóðbylgju.

Erlent
Fréttamynd

Endurskoða samninga aukaleikara

Samningar sem Eskimo Models gerðu við aukaleikara í kvikmynd Clints Eastwood verða endurskoðaðir. Ákvæði um ábyrgð leikaranna á leikmunum eru sögð vera til að gæta öryggis.

Innlent
Fréttamynd

Allir lausir úr varðhaldi

Mennirnir sex sem lögreglan í Keflavík handtók aðfarararnótt laugardagsins vegna líkamsárásar fyrir utan skemmtistaðinn Traffic hafa allir verið látnir lausir en formlegri rannsókn er þó ekki lokið.

Innlent
Fréttamynd

Vélhjólamaður lést í árekstri

Vélhjólamaður lést eftir árekstur við fólksbíl nálægt Reykhólum fyrir ofan Miðhúsabrekku skömmu eftir miðnætti í nótt. Þyrla landhelgisgæslunnar, TF-LIF, var kölluð út vegna slyssins. Þegar læknir frá Búðardal kom á staðinn var maðurinn látinn. Þyrlunni var snúið við þegar ljóst var að maðurinn var þegar látinn.

Innlent
Fréttamynd

Aswad framseldur til Bretlands

Yfirvöld í Sambíu framseldu í dag Haroon Rashid Aswad til Bretlands, en hann var handtekinn í landinu 20. júlí síðastliðinn grunaður um aðild sjálfsmorðstilræðunum í Lundúnum 7. júlí sem urðu yfir 50 manns að bana. Breska lögreglan hefur þegar yfirheyrt Aswad, sem er breskur ríkisborgari, og segir hann ekki tengjast árásunum.

Erlent
Fréttamynd

Sigur vinnist með hugmyndum

Formaður Samtakanna 78 segir að unninn sé fullnaðarsigur í réttindabaráttu homma og lesbía fái hugmyndir félagsmálaráðherra brautargengi innan ríkisstjórnarinnar. Lokið verður við frumvarp til lagabreytinga um þessi efni í stjórnarráðinu á næstu vikum.

Innlent
Fréttamynd

Fórnarlamba flugslyss minnst

Minnisvarði um fórnarlömb flugslyssins í Skerjafirði verður afhjúpaður í kvöld, nú þegar fimm ár eru liðin frá slysinu. Minnisvarðinn er staðsettur á fjörukambinum til móts við slysstaðinn í Skerjafirði, syðst á götunni Skeljanesi. Athöfnin hefst stundvíslega klukkan 20.15.

Innlent
Fréttamynd

Illa búnir undir stormviðri

Íbúar á suðvesturhorninu voru illa búnir undir stormviðri, sem brast á í morgun. Lögreglan og björgunarsveitir eltust við fljúgandi þakplötur, tjaldvagna, sólstóla og aðra muni sem fólki hafði láðst að festa niður.

Innlent
Fréttamynd

Ákærður fyrir tilræðin 21.júlí

Bresk yfirvöld hafa ákært Yasin Omar, einn fjórmenninganna sem stóðu að misheppnuðum sprengjutilræðum í þremur jarðlestum og strætisvagni í Lundúnum þann 21. júlí síðastliðinn. Omar var handtekinn viku eftir árásirnar í Birmingham og er sá fyrsti af mönnunum fjórum sem ákærður er fyrir tilræðin.

Erlent
Fréttamynd

Fagna yfirlýsingu ráðherra

Forysta Samtakanna 78 fagnar yfirlýsingu félagsmálaráðherra um að hann styðji aukinn rétt homma og lesbía til að stofna fjölskyldu.

Innlent
Fréttamynd

Hörð mótmæli í Samava í Írak

Hundruð manna gengu berserksgang í smábænum Samava í Írak í dag. Fólkið var að mótmæla lélegri opinberri þjónustu, en þar hefur verið skortur á vatni, rafmagni og öðrum lífsnauðsynjum. Kveikt var í bílum og önnur skemmdarverk unnin. Lauk þessu ekki fyrr en lögregla hóf skothríð á mannfjöldann og er sagt að að minnsta kosti átta manns hafi orðið fyrir byssukúlum.

Erlent
Fréttamynd

Vakin af birni í útilegu

Hópur fólks í útilegu í Bandaríkjunum vaknaði upp við vondan draum þegar bjarndýr tók að klóra hann. Fólkið var fljótt að koma sér fram úr.

Erlent
Fréttamynd

Óttast um námuverkamenn í Kína

103 námuverkamenn eru fastir neðanjarðar í námu í Guangdong-héraði í Kína. Miklar rigningar á svæðinu eru sagðar hafa valdið því að það flæddi inn ío námuna með fyrrgreindum afleiðingum. Kínverska fréttastofan Xinhua hefur eftir yfirvöldum á staðnum að björgunarstarf sé hafið en ekki hefur verið greint frá því hvernig aðstæður mannanna séu.

Erlent
Fréttamynd

Talinn hafa myrt 30 ungar stúlkur

Úkraínska lögreglan hefur handtekið Rússa sem grunaður er um að hafa myrt um þrjátíu ungar stúlkur í landinu á síðustu tveimur áratugum. Maðurinn var gripinn í kjölfar morðs á 10 ára stúlku í síðustu viku og játaði á sig fjölda morða við yfirheyrslur.

Erlent
Fréttamynd

Réðust þrír gegn einum

Ráðist var á ungling á sautjánda aldursári í Sandgerði í fyrrinótt með þeim afleiðingum að tönn brotnaði. Voru að verki þrír aðilar sem lögreglan í Keflavík kannaðist við og hefur þegar yfirheyrt.

Innlent
Fréttamynd

Mjög hvasst undir Hafnarfjalli

Mjög hvasst er nú undir Hafnarfjalli en þar eru hviður allt upp í 43 metra á sekúndu. Lögreglan í Borgarnesi hvetur fólk með hjólhýsi í eftirdragi og á húsbílum að keyra ekki þar um fyrr en veðrið hefur gengið niður og hvetur hún aðra til að fara varlega þar um slóðir.

Innlent
Fréttamynd

Fyrsti prófasturinn

Fyrsti prófastur Vestfjarðaprófastsdæmis sem stofnað var 1. ágúst er séra Agnes Sigurðardóttir sem er sóknarprestur í Bolungarvíkurprestakalli og hefur verið prófastur Ísafjarðarprófastsdæmis.

Innlent
Fréttamynd

Varað við stormi suðvestanlands

Það blæs hressilega í höfuðborginni, nóg til að velta um bárujárni og sópa ryðgaðri þakrennu af húsi í Hafnarfirði svo að dæmi sé tekið. Varar Veðurstofan við stormi suðvestanlands, suðaustanátt og austanátt, allt að 23 metrum á sekúndu. Spáin gerir ráð fyrir að það lægi talsvert um og eftir hádegi.

Innlent
Fréttamynd

Verkfall í gullnámum Suður-Afríku

Námuverkamenn sem vinna í gullnámum Suður-Afríku hófu í dag verkfall til þess að krefjast hærri launa. Um 100 þúsund verkamenn í stærsta verkalýðsfélagi náumverkamanna í Suður-Afríku hafa þegar lagt niður vinnu og líklegt er að 25 þúsund menn til viðbótar úr tveimur öðrum félögum leggi niður vinnu á morgun.

Erlent
Fréttamynd

Grænfriðungar herja á rækjuskip

Grænfriðungar hafa undanfarna daga herjað á rækjuskipið Pétur Jónsson, sem er að veiðum á Flæmska hattinum. Skipstjórinn segist ekkert skilja í þeim.

Innlent
Fréttamynd

Loka skrifstofum vegna ógnar

Allar skrifstofur Bandaríkjanna í Sádi-Arabíu verða lokaðar á morgun og á þriðjudag þar sem bandarískum yfirvöldum hafa borist vísbendingar um hugsanlega hryðjuverkaárás. Frá þessu greindi sendiráð Bandaríkjanna í Riyadh í dag en það verður lokað næstu tvo daga ásamt ræðismannsskrifstofu í Jeddah vegna ógnarinnar. Þá voru bandarískir ríkisborgarar í Sádi-Arabíu hvattir til að vera varðbergi.

Erlent
Fréttamynd

Hjólhýsum enn ekki óhætt

Enn er nokkuð hvasst undir Hafnarfjalli þótt nokkuð hafi lægt frá því fyrr í dag. Þá mældust hviður allt upp í 43 metra á sekúndu en sterkustu hviður nú hafa mælst um 28 metrar á sekúndu. Lögreglan í Borgarnesi segir fólki með hjólhýsi í eftirdragi og á húsbílum enn ekki óhætt að aka undir fjallinu og biður það að halda kyrru fyrir þar til veðrið gengur niður.

Innlent
Fréttamynd

Stefna að fiskútrás í Asíu

Íslenskt fiskmeti hefur slegið í gegn í Malasíu undanfarnar vikur. Útflutningsfyrirtækið Triton stefnir að mikilli fiskútrás í Asíu þar sem gæði verða tekin fram yfir lágt verð.

Viðskipti innlent

Mest lesið