Spáir því að verðbólgan fari í 4,4%

Hagfræðideild Landsbankans spáir því að vísitala neysluverðs muni hækka um 0,5% milli mánaða. Gangi spáin eftir mun ársverðbólgan hækka úr 4,3% í 4,4% í þessum mánuði.

Byggingarvísitalan lækkar aðeins

Vísitala byggingarkostnaðar reiknuð um miðjan október er 114,9 stig sem er lækkun um 0,2% frá fyrri mánuði. Verð á innfluttu efni lækkaði um 0,8%, sem skýrir lækkun vísitölunnar.

Aflaverðmætið eykst um 13,7% milli ára

Aflaverðmæti íslenskra skipa nam 95,6 milljörðum króna á fyrstu sjö mánuðum ársins 2012 samanborið við 84,1 milljarð kr. á sama tímabili 2011. Aflaverðmæti hefur því aukist um 11,5 milljarða kr. eða 13,7% á milli ára.

Vísitala íbúðaverðs hækkaði um 0,7%

Vísitala íbúðaverðs á höfuðborgarsvæðinu í september hækkaði um 0,7% frá fyrri mánuði. Þetta kemur fram á vefsíðu Þjóðskrár Íslands.

Sigurjón fékk einkalífeyrissjóðinn fluttan í MP banka

Sigurjón Þ. Árnason, fyrrverandi bankastjóri Landsbankans, hefur náð sátt við Landsbankann vegna einkalífeyrissjóðs, sem hann stofnaði fyrir hrun, og flutt vörslu sjóðsins til MP banka. Meðal eigna lífeyrissjóðsins eru skuldabréf í rússneska olíurisanum Gazprom.

Launamunur kynjanna kemur verulega á óvart

Niðurstaða kjarakönnunar BSRB sem bendir til þess að kynbundinn launamunur sé tæp 19% á Suðurlandi kemur starfsmönnum Vestmannaeyjabæjar verulega á óvart. Að þeirra mati getur varla staðist að launamunurinn sé svo mikill.

Árni Oddur og Theo Hoen hringdu inn markaðinn í New York

Theo Hoen, forstjóri og Árni Oddur Þórðarson, stjórnarformaður Marel, opnuðu NASDAQ markaðinn á MarketSite, Times Square í New York í dag við hátíðlega athöfn, en Marel fagnar 20 ára skráningarafmæli sínu á árinu.

Hætta að gefa út Newsweek á prenti

Strax á næsta ári verður hætt að gefa Newsweek út í prentuðu formi, eftir áttatíu ára útgáfu. Síðasta tölublaðið mun koma út 31. desember í Bandaríkjunum.

Enn á eftir að þingfesta prófmálin

Enn hafa aðeins tvö mál verið þingfest af prófmálunum ellefu sem eiga að svara áleitnum spurningum um gengistryggðu lánin. Til stóð að málin yrðu keyrð á miklum hraða gegnum dómskerfið svo niðurstaða fengist í þetta mikilvæga deilumál sem fyrst en nú er ríflega mánuður liðinn frá því að réttarhléi lauk og staðan er enn sú sama og í vor.

Nýta orkuna um helmingi betur

Reykjanesbær og Carbon Recycling International skrifuðu í gær undir samstarfssamning um þróun og uppbyggingu umhverfisvæns græns efnavinnslugarðs í Helguvík. Með sérstakri útfærslu er hægt að nýta orkuna allt að helmingi betur og minnka mengun umtalsvert miðað við það sem almennt tíðkast í sömu starfsemi.

Fyrsti snertiposinn settur upp á Bæjarins bestu

Fyrsti snertiposinn sem tekinn er í notkun hér á landi var settur upp á Bæjarins bestu í Tryggvagötu. Snertiposar eiga eftir að verða mjög áberandi en þeir eru meðal annars forsendan fyrir snjallsímavæðingu í greiðslumiðlun. Snertiposi getur tekið við greiðslu frá snertikorti eða frá snjallsíma með snertitækni.

Færeyingar bíða fregna af borpallinum

Færeyingar bíða nú spenntir fregna af dýrustu og viðamestu olíuborun á landgrunni Færeyja til þessa. Það var þann 17. júní í sumar sem kínverski borpallurinn Cosl Pioneer hóf að bora allt að fimm kílómetra djúpa holu og þá var tilkynnt að borunin tæki 4-5 mánuði. Olíufélögin sem standa að þessari 20 milljarða króna borun hafa, enn sem komið er, ekkert sagt frá gangi mála.

Bilun í tölvukerfi Arion banka

Bilun varð í tölvukerfi Arionbanka rétt fyrir hádegi og samkvæmt upplýsingum frá viðskiptavinum gekk erfiðlega að eiga viðskipti í netbankanum og í útíbúum. Vandinn var lagaður rétt fyrir klukkan eitt, en hugsanlegt er að viðskiptanir verði varir við einhverjar truflanir í netbankanum í dag.

Segja bönkunum frjálst að brjóta á rétti lántakenda

Hagsmunasamtök heimilanna telja að sönnunarbyrði hafi verið snúið við í máli þeirra gegn Landsbankanum sem féll í vikunni. Samtökin höfðu krafist þess að lögbann yrði lagt á innheimu bankans á gengistryggðum ólögmætum lánum meðan óvissa ríkir um eftirstöðvar þeirra. Hæstiréttur hafnaði kröfunni.

Björgólfur Thor spyr hver hafði hag af Icesave grýlunni

Björgólfur Thor Björgólfsson spyr í pistli á heimasíðu sinni hver hefði haft hag af því að gera ógnvekjandi Grýlu úr Icesave málinu. Tilefni skrifa Björgólfs eru fréttir um að slitastjórn Landsbankans hefur þegar greitt 677 milljarða króna af forgangskröfum í þrotabú bankans. Upphæðin samsvarar því sem Íslendingar hefðu átt að greiða fyrir síðasta Icesavesamninginn sem gerður var við Breta og Hollendinga.

Atlantsolía lækkar verð á bensíni og dísilolíu

Atlandsolía lækkaði bensínverðið í morgun um 2,5 kr. á lítrann, og kostar hann nú 254,90 kr, og hefur samtals lækkað um fimm krónur á þremur dögum.

Endurreisn bankakerfisins kostaði 414 milljarða

Endurreisn bankakerfisins eftir hrun hefur kostað 414 milljarða króna. Þetta kemur fram á vefsíðu stjórnarráðsins þar sem fjallað er um nýlega skýrslu Ríkisendurskoðunar um kostnað ríkisins við þessa endurreisn.

Bylting í komu ferðamanna til Norðurlands í vetur

Liðlega fjögur þúsund erlendir ferðamenn hafa bókað ferðir til Norðurlands í vetur, sem er rúmlega fimmfalt fleiri en á sama tíma í fyrra og líkir Ásbjörn Björgvinsson framkvæmdastjóri Markaðsstofu Norðurlands þessu við byltingu.

S&P: Lánshæfiseinkunn Íslands óbreytt með stöðugum horfum

Matsfyrirtækið Standard & Poor's (S&P) hefur staðfest lánshæfiseinkun ríkissjóðs í BBB- með stöðugum horfum. Einkunnin hefur verið með stöðugum horfum síðan í nóvember í fyrra.

Peningastefnunefnd klofnaði við vaxtaákvörðun

Peningastefnunefnd klofnaði á afstöðu sinni við síðustu stýrivaxtaákvörðun sína. Þrír nefndarmanna vildu halda vöxtunum óbreyttum í 5,75% en tveir þeirra vildu hækka vextina um 0,25 prósentur.

Segir algjöran skort á eftirliti með slitastjórnarmönnum

Guðlaugur Þór Þórðarson, fulltrúi í efnahags- og viðskiptanefnd Alþingis, segir ekkert eftirlit hafa verið haft með launagreiðslum til skilanefnda- og slitastjórnarmanna. Fram hefur komið í fjölmiðlum að undanförnu að laun slitastjórnarmanna, meðal annars þeirra Steinunnar Guðbjartsdóttur og Páls Eiríkssonar í slitastjórn Glitnis, hafi numið tugum milljóna á síðasta ári. Efnahags- og viðskiptanefnd Alþingis fundaði um málið í morgun, að beiðni Guðlaugs Þórs. Hann segir að þrátt fyrir fögur fyrirheit hafi stjórnvöld ekkert beitt sér fyrir því að launin yrðu lækkuð.

Kínverjar sýna samningnum við Nubo mikinn áhuga

Kínverska ríkissjónvarpið, CCTV, sýnir samningaviðræðum kínverska auðjöfursins Huang Nubo töluverða athygli. Í ítarlegri greiningu er fjallað um synjun ríkisvaldsins á heimild aðila til að selja Nubo landið að Grímsstöðum á Fjöllum og hvernig það leiddi til þess að landið var leigt til langs tíma. Í fréttinni segir að um tímamótasamning sé að ræða sem verði hafður til fyrirmyndar.

Forseti ASÍ - Höfum hvorki efni á að kaupa íbúðir né leigja

Ekki verður heldur horft framhjá því, að húsnæðismál og húsnæðisöryggi félaga okkar eru í öngstræti. Í marga áratugi tókst verkalýðshreyfingunni að byggja hér upp bæði almennt húsnæðiskerfi og félagslegar lausnir sem gerðu það að verkum að flestum stóð til boða húsnæði fyrir sig og fjölskyldu sína sem almenn laun gátu staðið undir. Svo fór

Hvað finnst þér um bónusgreiðslur bankamanna? Gavin Bingham svarar

Gavin Bingham, fyrrverandi framkvæmdastjóri Alþjóðagreiðslubankans í Basel, segir að huga þurfi að sérstaklega að hvötunum sem bónusgreiðslur í bankageiranum skapa. Þæri þurfi að vera í takt við ábyrga stjórnun, og vera langtímamiðuð á góðan árangur.

Kanna hvernig ríkið geti brugðist við ofurlaunum slitastjórnamanna

Kannað verður hvort ríkið geti gripið til viðbragða vegna ofurgreiðslna til slitastjórna föllnu bankanna og fyrirtækja og aðila þeim tengdum. Málið var rætt á fundi efnahags- og viðskiptanefndar Alþingis í morgun. Mikil umræða var á dögunum um gríðarlega háar greiðslur til slitastjórnarmanna Glitnis, Steinunnar Guðbjartsdóttur og Páls Eiríkssonar.

Vilja renna þriðju stoðinni undir fjármálakerfið og hagstjórnina

Nauðsynlegt er að innan þriggja ára myndi Fjármálaeftirlitið og Seðlabankinn eina samþætta stofnun, sem þjóni sem peningastefnu- og fjármálastöðugleikastofnun þjóðarinnar. Þetta er mat sérfræðingahópfs sem efnahags- og viðskiptaráðherra skipaði í mars til þess að vinna tillögur um samræmda heildarumgrð laga og reglna um alla starfsemi á fjármálamarkaði. Hópurinn kynnti niðurstöður sínar í morgun.

Tugmilljónir sparast vegna fækkunar ráðherra

Sparnaður í launakostnaði ráðherra í tíð þessarar ríkisstjórnar nemur rúmlega 41 milljón króna. Sparnaðurinn er tilkominn vegna fækkunar ráðherra úr tólf í átta. Þetta kemur fram í svari forsætisráðherra við fyrirspurn Vigdísar Hauksdóttur, þingmanns Framsóknarflokks.

Hagstofan mælir 5% atvinnuleysi

Atvinnuleysi var 5% í september. Atvinnuleysi var því einu prósentustigi lægra en í september í fyrra en þá var atvinnuleysi 6%.

Stjórnvöld hafa tvær vikur til að bjarga ÍLS

Hætta er á að Íbúðalánasjóður (ÍLS) geti ekki staðið við afborganir af skuldabréfum sínum nema stjórnvöld veiti sjóðnum aukið fé á næstu tveimur vikum. Útistandandi skuldabréf sjóðsins nema 529 milljörðum kr. að nafnverði.

Endanlega gengið frá kaupunum á Hótel KEA

Gengið hefur verið endanlega frá kaupum Reginn á fasteigninni sem hýsir Hótel KEA á Akureyri en eignin var áður í eigu eignahaldsfélagsins Krypton. Samhliða því var undirritaður 14 ára leigusamningur við Keahotel ehf. um rekstur hótelsins.

Spáir því að verðbólgan aukist í 4,5%

Greining Arion banka spáir því að vísitala neysluverðs hækki um 0,6% í október. Gangi spáin eftir mun ársverðbólgan halda áfram að hækka og fara í 4,5% samanborið við 4,3% í síðasta mánuði. Sömuleiðis telur greiningin að útlit sé fyrir nokkra verðbólgu á næstu mánuðum þannig að verðbólgan tæp 5% í árslok.

Áfram dregur úr útlánum hjá Íbúðalánasjóði

Áfram dregur úr útlánum hjá Íbúðalánasjóði. Heildarútlán sjóðsins námu um 1,3 milljörðum króna í september en þar af var tæpur 1,1 milljarður króna vegna almennra lána. Til samanburðar námu almenn útlán í september í fyrra um 1,9 milljörðum króna.

Eimskip er metið á allt að 45 milljarða

Hlutabréf í Eimskip verða tekin til viðskipta í byrjun næsta mánaðar. Skráningarlýsing liggur fyrir á næstu dögum. Verðbil í útboði verður 205 til 225 krónur. Tuttugu prósent verða seld til fagfjárfesta og þrjú til fimm prósent til almennings.

Komið að skuldadögum hjá Glitni og Kaupþingi

Búist er við því að kröfuhafar Glitnis og Kaupþings muni samþykkja nauðsamninga á næstu vikum, en umfang þeirra er með öllu fordæmalaust í ljósi stærðar þrotabúanna í samanburði við íslenska hagkerfið. Stjórnvöld, Seðlabankinn og FME fylgjast náið með gangi mála, en erlendir kröfuhafar munu fá hundruð milljarða greiðslur í sinn hlut við samþykkt samningsins.

Mörg hundruð milljarðar renna í vasa kröfuhafa

Búist er við því að kröfuhafar Glitnis og Kaupþings muni samþykkja nauðsamninga á næstu vikum, en umfang þeirra er með öllu fordæmalaust í ljósi stærðar þrotabúanna í samaburði við Ísland. Stjórnvöld, Seðlabankinn og FME fylgjast náið með gangi mála, en erlendir kröfuhafar munu fá hundruð milljarða greiðslur í sinn hlut við samþykkt samninga.

138 milljóna króna kröfu Sigurðar hafnað

Héraðsdómur Reykjavíkur hafnaði í dag 138 milljóna króna kröfu sem Sigurður Einarsson, fyrrverandi stjórnarformaður Kaupþings, gerði á hendur slitastjórn Kaupþings. Sigurður var stjórnarformaður bankans allt þar til hann féll á haustmánuðum 2008. Hann gerði kröfuna á grundvelli ógreiddra biðlauna, ógreiddra lífeyrissjóðsgreiðslna og skatta sem bankinn Sigurður telur að bankinn hafi skuldbundið sig til að greiða fyrir sig.

Krónan eini kosturinn í náinni framtíð

Þverpólitísk samráðsnefnd sem skipuð var um mótun gengis- og peningamálastefnu telur að ekki sé hægt að gera ráð fyrir upptöku annarrar myntar á næstu árum. Því sé mikilvægt að tryggja trausta peningastefnu með þjóðhagsvarúðartækjum og ábyrgð í opinberum fjármálum á grundvelli fjármálareglna sem taka mið af þróun efnahagslífsins.

Skaðabótamál á hendur Landsbankamönnum tekið fyrir

Skaðabótamál slitastjórnar Landsbankans, gegn fyrrum stjórnendum bankans, Halldóri J. Kristjánssyni og Sigurjóni Þ. Árnasyni, verður tekið fyrir í Héraðsdómi Reykjavíkur í dag. Auk þeirra tveggja er Sigríði Elínu Sigfúsdóttur, fyrrum framkvæmdastjóra fyrirtækjasviðs bankans, einnig stefnt í öðru málinu af tveimur sem tekin eru fyrir í dag.

Ný löndunaraðstaða í notkun í Sundahöfn

Faxaflóahafnir hafa tekið í notkun löndunaraðstöðu á Skarfabakka í Sundahöfn. Aðstaðan er á afgirtu og malbikuðu svæði fremst á hafnarbakkanum. Aðstaða til að geyma frystigáma er góð og tenglar fyrir rafmagn eru fyrir hendi. Sérstakt skýli er á svæðinu sem notast til að flokka og skoða afurðirnar sem koma á land af togurum og uppsjávarfiskiskipum.

Heildaraflinn jókst um 10,7% milli ára í september

Heildarafli íslenskra skipa í nýliðnum septembermánuði, metinn á föstu verði, var 10,7% meiri en í september 2011. Það sem af er árinu hefur aflinn aukist um 15,3% miðað við sama tímabil 2011, sé hann metinn á föstu verði.

Íslenskur sproti talinn besta fjárfestingartækifærið í Evrópu

Íslenska hátæknifyrirtækið ReMake Electric stóð uppúr alþjóðlegu mati á evrópska orkubúnaðar og -tækjageiranum sem helsta fjárfestingartækifæri í Evrópu árið 2012. Matið fór fram hjá markaðs- og ráðgjafarisanum Frost & Sullivan sem starfar í 6 heimsálfum, en verðlaunin eru hluti af árlegu "Best Practices Awards" frá Frost & Sullivan í Evrópu.

Bandaríkjamenn samþykkja kaup Watson á Actavis

Samkeppniseftirlit Bandaríkjanna hefur gefið grænt ljós á kaup lyfjafyrirtækisins Watson á Actavis. Þó eru sett skilyrði fyrir kaupunum.

Yfir 32 milljarðar í ferðamannagjaldeyri

Erlendir ferðamenn borguðu yfir 32 milljarða króna með greiðslukortum sínum á Íslandi á þriðja ársfjórðungi ársins. Upphæðin hefur aldrei verið hærri í sögunni á einum ársfjórðungi.

Dagamunur skýrir minni áfengissölu

Velta í dagvöruverslun dróst saman um 0,4 prósent, reiknað á föstu verðlagi, í september miðað við sama mánuð í fyrra, samkvæmt tölum Rannsóknaseturs verslunarinnar á Bifröst.

Farþegum með skemmtiferðaskipum heldur áfram að fjölga

Fari svo að farþegum sem koma með skemmtiferðskipum til Íslands fjölgi jafnört á næstu árum og verið hefur undanfarna áratugi mun fjöldi þeirra fara yfir 200.000 árið 2020.