Kínverjar sýna samningnum við Nubo mikinn áhuga

Kínverska ríkissjónvarpið, CCTV, sýnir samningaviðræðum kínverska auðjöfursins Huang Nubo töluverða athygli. Í ítarlegri greiningu sem birt var í gær er fjallað um synjun ríkisvaldsins á heimild aðila til að selja Nubo landið að Grímsstöðum á Fjöllum og hvernig það leiddi til þess að landið var leigt til langs tíma.

Í fréttinni segir að um tímamótasamning sé að ræða sem verði hafður til fyrirmyndar. Jack Barton fréttamaður segir að í upphafi verið að ræða um kaup á svo stóru landi, um 300 ferkílómetrum, að viðskiptin hafi vakið mikla tortryggni á meðal Íslendinga. Umræður hafi sprottið upp hér á landi um það að Kínverjar væru að kaupa upp allt Ísland.

"Þetta mun vera æfing í uppbyggingu á trausti," segir Jack. Þá segir hann að Íslendingar líti þannig á samninginn í dag að þeir hafi allt að vinna en engu að tapa á honum.

Hægt er að horfa á frétt kínverska ríkissjónvarpsins hér fyrir neðan.