Fleiri fréttir

Fitch mælir með enn einni stýrivaxtahækkun

Seðlabanki Íslands á að hækka stýrivextina til þess að koma í veg fyrir að krónan veikist meira en orðið er. Þetta segir Paul Rawkins, yfirmaður hjá greiningafyrirtækinu Fitch Ratings í London í viðtali á Bloomberg. Hann segir þetta nauðsynlegt í ljósi þess að krónan hefur veikst á síðustu dögum í kjölfar þess að ríkið gerði yfirtökutilboð í Glitni og lánshæfismat banka og ríkis voru lækkuð.

Hörð gagnrýni á Seðlabankann hjá greiningu Kaupþings

Hörð gagnrýni kemur fram á Seðlabanka Íslands hjá greiningu Kaupþings í dag þegar hún kynnti efnahagshorfur sínar. Þar segir m.a. að Seðlabankinn hafi ekki nýtt tíman undanfarna sjö mánuði til að efla lausafjárstöðu hagkerfisins.

Segir Þorstein Má ekki hafa farið með fleipur í Kastljósi

Björn Ingi Sveinsson forstjóri Saxbygg og stjórnarmaður í Glitni segir að Þorsteinn Már Baldvinsson stjórnarformaður bankans hafi ekki farið með fleipur í Kastljósi Sjónvarpsins í gærkvöldi. Þá sagði Þorsteinn að boðað hefði verið til blaðamannafundar í Seðlabankanum áður en búið var að fá samþykki hjá stærstu hluthöfum bankans. Seðlabankinn sagði í yfirlýsingu fyrr í dag að samþykki hefði verið komið þegar boðað var til fundarins.

Fréttaskýring: Seðlabankinn er alls ekki starfi sínu vaxinn

Gengisvísitalan er komin í 205 stig sem þýðir að dollarinn kostar 111 krónur og hefur aldrei verið dýrari í sögunni. Þetta segir aðeins eitt, Seðlabankinn er alls ekki starfi sínu vaxinn. Raunar þegir bankastjórn Seðlabankans þunnu hljóði meðan að gjaldþrot blasir við hjá fjölda heimila og fyrirtækja. Einkum þeim sem létu ginnast af gylliboðum bankana um myntkörfulán á undanförnum einu til þremur árum.

Erlendir bankar hafa hætt viðskiptum með krónuna

Saxo Bank hefur hætt viðskiptum með íslensku krónuna en ákvörðun var tekin um það í gær og hefur Saxo Bank því ekki átt viðskipti með íslenskar krónur í dag, og sömu sögu er að segja af mörgum öðrum dönskum bönkum.

Landsbankinn ekki að bjarga sér frá þroti

Halldór J. Kristjánsson, bankastjóri Landsbankans segir það fjarri að Landsbankinn hafi selt eignir sínar til að bjarga sér frá þroti. Bankinn hafi styrkst og ætli nú að einbeita sér að almennri bankaþjónustu.

Gjaldþrot og atvinnuleysi blasir við

Við höfum rétt séð toppinn á því sem koma skal og það er alveg ljóst að ríkisvaldið hefur gert alvarleg mistök, segir Jón Ásgeir Jóhannesson, stjórnarformaður Baugs. Hann segir gjaldþrot fyrirtækja blasa við og að fjöldi fólks muni missa vinnuna á komandi mánuðum.

Bandaríkjadalur aldrei dýrari

Gengi Bandaríkjadals fór í 112 íslenskar krónur í hádeginu en gaf lítillega eftir nokkrum mínútum síðar. Endi dollarinn yfir 111 krónum í dag hefur hann aldrei verið dýrari.

Þorgerður sagði hugmyndir um þjóðnýtingu makalausar

Fyrir rúmum tveimur mánuðum ræddi Richard Thomas, sérfræðingur hjá greiningardeild fjárfestingarbankans Merill Lynch um stöðuna hjá íslensku bönkunum. Hann gagnrýndi stjórnvöld harðlega og vildi meina að með aðgerðarleysi sínu keyrðu stjórnvöld íslensku bankana í þrot með það að markmiði að taka þá svo aftur í sína eigu. Í fréttum Sjónvarpsins frá 25.júlí segir Þorgerður Katrín Gunnarsdóttir, sem þá var starfandi forsætisráðherra ,ummælin makalaus og spyr hvort Thomas þurfi ekki á endurmenntun að halda.

Krónan fallin um 10 prósent á tveimur dögum

Gengi krónunnar hefur fallið um 5,4 prósent í dag og hefur því fallið um 10,2 prósent á tæpum tveimur dögum. Gengisvísitalan stendur í 207 stigum og hefur aldrei verið hærri.

Mesta lækkun úrvalsvísitölunnar á einum ársfjórðungi

Íslenska úrvalsvísitalan lækkaði um 22,4% á þriðja ársfjórðungi og kemur sú lækkun í kjölfar 13,3% lækkunar á öðrum fjórðungi ársins. Um er að ræða mestu lækkun sem orðið hefur á einum ársfjórðungi í kauphöllinni.

Gengisvístalan komin í 202 stig

Gengi íslensku krónunnar heldur áfram að hrapa í morgun. Hefur gengið fallið um 2,6% og er gengisvístalan komin í 202 stig.

Straumur kaupir erlenda starfsemi Landsbankans

Straumur og Landsbankinn hafa skrifað undir samkomulag um kaup Straums á meirihluta af erlendri starfsemi Landsbankans á sviði fyrirtækjaráðgjafar og verðbréfamiðlunar fyrir 380 milljónir evra eða sem svarar til 55,4 milljarða kr.

Enn veikist íslenska krónan

Krónan hefur veikst um tæp 0,4 prósent frá því viðskipti hófust á gjaldeyrismarkaði í dag og fór gengisvísitalan í rétt rúm 197,5 stig. Krónan féll um 5,3 prósent í gær. Danska krónan hefur aldrei verið dýrari.

Ein króna - eitt jen

Japanska jenið kostar nú eina krónu, eftir gengisfall íslensku krónunnar um rúm fimm prósent í gær.

Fallið aldrei verið meira

Krónan veiktist um 3,9 prósent í viðskiptum gærdagsins. Hrapið ágerðist eftir fregnir af aðkomu ríkisins að Glitni. Úrvalsvísitalan féll um 4,8 prósent.

Ellefu íslendingum sagt upp hjá Primera Air

Ellefu flugliðum sem starfa hjá íslenska flugfélaginu Primera Air sem meðal annars sér um allt leiguflug Heimferða hefur verið sagt upp störfum. Jón Karl Ólafsson forstjóri Primera Air segir að um varúðarráðstafanir sé að ræða en félagið hefur fundið fyrir samdrætti undanfarið.

Krónan fellur gegnum falska botninn

Krónan féll um 5,3 prósent í dag og stendur gengisvísitalan í 196,5 stigum. Hún hefur aldrei nokkurn tíma verið veikari. Aðrir gjaldmiðlar hafa sömuleiðis aldrei verið dýrari í krónum talið ef frá er skilinn Bandaríkjadalur, sem hefur ekki verið dýrari síðan um miðjan desember árið 2001.

Úrvalsvísitalan hrundi í dag

Gengi hlutabréfa í Glitni hrundi um 71 prósent í Kauphöllinni í dag og dró Úrvalsvísitöluna með sér í fallinu. Hún fór niður um 16,59 prósent og hefur aldrei lækkað jafn mikið á einum degi.

Fitch lækkar lánshæfismatið hjá Straumi

Fitch Ratings lækkaði í dag lánshæfiseinkunn Straums í kjölfar þess að tilkynnt var í gær að íslensk stjórnvöld myndu leggja Glitni Banka hf. til nýtt hlutafé og eignast 75% hlut í bankanum.

Fitch lækkar lánshæfismat Landsbankans

Alþjóðlega matsfyrirtækið Fitch hefur í dag lækkað lánshæfismatseinkunn langtímaskuldbindinga Landsbankans í BBB úr A , einkunnir vegna innlendra og erlendra skammtímaskuldbindinga bankans í F3 úr F1 og einkunn fyrir fjárhagslegan styrk sem C úr B/C.

Fitch lækkar lánshæfismat Glitnis

Lánshæfismatsfyrirtækið Fitch Ratings Services tilkynnti í dag breytingu á langtíma lánshæfismatseinkunn Glitnis úr A- í BBB-.

Útflutningur á áli hefur tvöfaldast á einu ári

Mikil aukning er í útflutningi á áli, en á föstu gengi tvöfaldaðist verðmæti álútflutnings í ágúst miðað við sama mánuð í fyrra. Á fyrstu 8 mánuðum ársins hefur verið flutt út 65% meira af áli en á sama tímabili í fyrra.

Óljóst hvort Salt muni styðja ríkisvæðingu Glitnis

Árni Harðarson, forstjóri Salt Investments, segir að þar á bæ séu menn súrir yfir atburðum gærdagsins þegar ríkið yfirtók Glitni að stórum hluta. Salt Investments, sem er í eigu Róberts Wessman, var sjöundi stærsti hluthafinn í Glitni og reiknað er með að félagið hafi tapað tæpum fimm milljörðum á gjörningnum. Hann segir þó að Salt muni þola ágjöfina. Óvíst er hvort Salt muni styðja ríkisvæðinguna á hluthafafundi.

Inngrip stjórnvalda gæti valdið óróa í stað þess að draga úr spennu

Inngrip ríkisins hjá Glitni og þar með stærsta hluthafanum, Stoðum, gæti valdið meiri óróa á markaðnum í stað þess að draga úr spennu. Viðræður voru í gangi við Landsbankann um sameiningu við Glitni áður en ríkið greip inn í en í dag gæti Landsbankinn fengið Glitni á mun hagstæðari kjörum en fyrir helgina.

Hagnaður ríkisins af Glitnishlut yfir 200 milljarðar

Ríkið hefur grætt 204 milljarða á 75 prósent hlut sínum í Glitni það sem af er morgni. Á sama tíma hafa aðrir hluthafar bankans tapað um 137 milljörðum. Gengi bréfa í bankanum hefur fallið um rétt tæp 60 prósent í morgun.

Keypt í Landsbankanum fyrir 6,5 milljarða

Tvenn stór utanþingsviðskipti áttu sér stað með bréf í Landsbankanum í morgun upp á 5,6 milljarða króna. Önnur viðskiptin voru upp á 4,5 milljarða króna en hin upp á rúman 1,1 milljarð.

Sjá næstu 50 fréttir

Mest lesið