Krónan veikist áfram og verðbólgan í 16%, segir Kaupþing

Krónan mun halda áfram að veikjast og verðbólgan fer í 16% fyrir áramótin. Greining Kaupþings hefur sent frá sér yfirlit um efnahagshorfur að hausti þar sem þetta kemur m.a. fram.

Greining Kaupþings segir að gengi krónunnar sé nú lægra en samrýmist geti þjóðhagslegri heilsu landsins. Greiningin á ekki von á að krónan rétti úr kútnum fyrr en líður á árið 2009.

Þá telur greiningin að hámarki verðbólgunnar verði náð nú fyrir áramót og verði hún þá 16%. Árið 2010 sé hinsvegar lítil verðbólga fyrirsjáanleg.

Greining gerir ekki ráð fyrir neinum hagvexti á næstu tveimur árum og að stýrivaxtalækkunarferli Seðlabankans hefjist strax í nóvember.