Fitch lækkar lánshæfismatið hjá Straumi

Fitch Ratings lækkaði í dag lánshæfiseinkunn Straums í kjölfar þess að tilkynnt var í gær að íslensk stjórnvöld myndu leggja Glitni Banka hf. til nýtt hlutafé og eignast 75% hlut í bankanum.

Langtímaeinkunn er lækkuð í BB+ úr BBB-, skammtímaeinkunn er lækkuð í B úr F3 og víkjandi lán eru lækkuð í BB úr BB+. Einkunnir þessar hafa verið settar á athugunarlista með neikvæðum vísbendingum.

Stuðningseinkunn Straums er á hinn bóginn staðfest sem 3, stuðningseinkunnargólf er staðfest sem BB- og óháð einkunn er staðfest sem C/D.