Sjóvá mun annast allar vátryggingar hjá Samskipum

Samskip og Sjóvá hafa gert með sér samning um að Sjóvá annist allar vátryggingar Samskipa hér á landi. Jafnframt sameina félögin krafta sína á sviði forvarna með það að markmiði að fækka enn frekar slysum á þjóðvegum landsins og auka öryggi vegfarenda

Launavísitalan hækkaði um 1,3%

Vísitala launa er 121,8 stig á þriðja ársfjórðungi 2007 og hækkaði um 1,3% frá fyrri ársfjórðungi. Vísitala launa á almennum vinnumarkaði hækkaði um 1,5% á sama tímabili og vísitala launa fyrir opinbera starfsmenn um 1,0%.

510 milljarðar hafa gufað upp í Kauphöllinni

Virði íslensku félaganna í Kauphöllinni hefur lækkað um tæpa 510 milljarða frá 1. október síðastliðnum. Mest hefur markaðsvirði Kaupþings lækkað eða um 158,4 milljarða. Fimm félög hafa hækkað á þessu tímabili.

Verðgildi SPRON hefur lækkað um 30 milljarða

Eftir talsverða lækkun á hlutabréfum í Kauphöllinni í gær, hefur verðgildi SPRON rýrnað um 30 milljarða króna síðan bankinn var skráður á markað fyrir rúmum mánuði. Úrvalsvísitalan er nú komin niður í það sem hún var á þriðja viðskiptadegi ársins þannig að heita má að allar hækkanir á árinu séu upp étnar. Þá er litið á heildina, en fyrirtæki hafa lækkað mis mikið.

Uppgjör í öldudal fjármálaumróts

Virðisrýrnun hlutabréfa, undirmálslán og aukinn tilkostnaður í rekstri einkenna rekstrarumhverfi fjárfestingarfélaga Kauphallarinnar á þriðja ársfjórðungi þessa árs. Óli Kristján Ármannsson fer yfir gengi þeirra og ber þau saman, en öll hafa fjárfestingarfélögin skilað uppgjöri yfir fyrstu níu mánuði ársins.

Frábær heilaleikfimi

„Uppáhaldið mitt í dag er Sunnudagskrossgáta Morgunblaðsins. Alveg frábær heilaleikfimi og skemmtun,“ segir Áslaug Friðriksdóttir, framkvæmdastjóri veffyrirtækisins Sjá.

Hlutverk hins opinbera lítið í Alþjóðahúsinu

„Það er ekki eins og við viljum ekki aukið samstarf við hið opinbera. Það er bara sjálfsbjargarviðleitni hjá okkur að afla tekna annars staðar frá,“ segir Einar Skúlason, framkvæmdastjóri Alþjóðahússins. Á hann þar við þá þróun að langstærstur hluti tekna Alþjóðahússins kemur frá daglegri starfsemi, svo sem túlka- og þýðingaþjónustu, íslenskukennslu og í gegnum ársfjórðungslegt rit sem fjármagnað er með auglýsingum.

Snupraður

Hallur Magnússon, sviðsstjóri hjá Íbúðalánasjóði, segist bráðlega verða „snupraður“ í starfi fyrir að hafa sent út umdeildan tölvupóst frá vinnunetfangi sínu. Hann hefur því sagt starfi sínu lausu. Hallur áframsendi á fjölmarga afskræmingar á auglýsingum Kaupþings um fasteignalán.

Eldaðu maður

Sé kreppan á næsta leiti, eins og sumir halda blákalt fram, má búast við að nokkur stjórnendahöfuðin verði látin fjúka, enda þurfa menn að taka ábyrgð á gjörðum sínum. Konur eru fáar efst á toppnum en fjölmargar á metorðastigunum fyrir neðan.

Til stóð að Síminn færi á markað 26. september

Sala Símans árið 2005 var stærsta einkavæðing Íslandssögunnar. Samkvæmt kaupsamningi átti að selja þrjátíu prósent í félaginu til almennings og annarra fjárfesta fyrir árslok 2007 og skrá félagið í Kauphöllina. Áætlanir eigenda miðuðu við að skrá félagið 26. september síðastliðinn. Það gekk ekki eftir og er stefnt að því að taka síðasta skrefið í einkavæðingarferlinu fljótlega á nýju ári.

Fasteignir voru seldar úr Símanum

Samþykki allra hluthafa lá fyrir en ekki ríkis­stjórnarinnar þegar flestar fasteignir Símans voru seldar stærsta hluthafanum í Skiptum. Forstjóri Skipta segir að ekki hafi verið nauðsynlegt að fá samþykki ríkisins. Hluthafar séu betur settir á eftir.

Mojito í fyrsta sæti hjá báðum kynjum

Hinn kaldi og ferski Mojito er vinsælasti drykkur beggja kynja. Menn og konur tóku drykknum hikandi í upphafi.

Kröfum um úrbætur fjölgar mikið

Fjármálaeftirlitið (FME) tók upp fimmtíu fleiri mál frá miðju síðasta ári og fram á mitt þetta ár, miðað við árið á undan. Athugasemdum, ábendingum og kröfum um úrbætur fjölgaði um þriðjung milli ára.

OR skilar hagnaði

Orkuveita Reykjavíkur var rekin með 6,4 milljarða króna hagnaði fyrstu níu mánuði þessa árs og jukust tekjur fyrirtækisins um 3,1 milljarð króna miðað við sömu mánuði ársins 2006. Rekstrarhagnaður fyrir afskriftir, fjármagnsliði og skatta var 7,3 milljarðar króna samanborið við 5,7 milljarða króna á sama tímabili árið áður.

Gengi Straums ekki lægra í 16 mánuði

Gengi hlutabréfa í Straumi-Burðarás hefur ekki verið lægra í 16 mánuði eða frá 28. júlí 2006 þegar það var 15,05. Gengi félagsins þegar Kauphöllinni var lokað í dag var 15,10.

Askar Capital opnar skrifstofu í Mumbai

Fjárfestingarbankinn Askar Capital skrifaði í dag undir samstarfssamning við indverska fyrirtækið Skil Group í borginni Mumbai um leið og Askar opnuðu skrifstofu í borginni.

Fall hjá FL Group

Gengi hlutabréfa í FL Group féll um rúm sex prósent þegar verst lét í Kauphöllinni í dag og fór gengið í 19,4 krónur á hlut. Það jafnaði sig lítillega þegar nær dró enda viðskiptadagsins og endaði það í 19,65 krónum. Þetta er mesta lækkunin í Kauphöllinni í dag en á eftir fylgdu önnur fjármálafyrirtæki.

Gildi áfram besti lífeyrissjóðurinn

Gildi-lífeyrissjóður hefur verið valinn besti lífeyrissjóðurinn á Íslandi árið 2007 af tímaritinu Investment & Pensions Europe (IPE).

Þrjú félög lækka um yfir 10% á viku

Þrjú félög í kauphöllinni hafa lækkað um meir en 10% á síðustu sjö dögum í kauphöllinni. Á sama tíma hefur úrvalsvísitalan fallið um rétt rúm 4%.

Fagfjárfestar telja aðstæður góðar í efnahagslífinu

75% íslenskra fagfjárfesta telja að aðstæður í efnahagslífinu séu góðar um þessar mundir. Á sama tíma telur þriðjungur fagfjárfesta að aðstæður í hagkerfinu muni versna innan sex mánaða.

Moody´s breytir ekki lánshæfiseinkunn ríkissjóðs

Fréttaveitan Bloomberg hefur það eftir Joan Feldbaum-Vidra, sérfræðingi í málefnum Íslands hjá matsfyrirtækinu Moody's, að hvorki standi til að lækka lánshæfiseinkunnir ríkissjóðs Íslands á næstunni né breyta horfum á lánshæfismati, en þær eru nú metnar stöðugar.

Gott uppgjör hjá Alfesca, tapi snúið í hagnað

Afkoma Alfesca á fyrsta ársfjórðung 2007-20008 var mjög góð, salan jókst um 20% og hagnaður varð af rekstrinum í stað taps á sama tíma í fyrra.

Markaðurinn opnar í mínus

Markaðurinn í kauphöllinni opnaði í mínus í morgun og hefur úrvalsvísitalan lækkað um 0,92% í fyrstu viðskiptum dagsins. Stendur vísitalan nú í 6779 stigum.

FIH dótturbanki Kaupþings ætlar á netbankamarkaðinn

FIH dótturbanki Kaupþings í Danmörku ætlar að opna nýja netbanka þar í landi á næsta ári. Þessir bankar bjóða upp á hærri vexti á innlán en venjulegir bankar í landinu og eru einkum hugsaðir fyrir smásölumarkaðinn. Kaupþing hefur komið samskonar bönkum á fót í Svíþjóð og Finnlandi.

Skýringar Kaupþings róa erlenda fjárfesta

Kaupþing tilkynnti í gær um lok fjármögnunar vegna yfirtökunnar á hollenska bankanum NIBC. Skuldatryggingarálag (CDS) bankans lækkaði í kjölfarið um 65 punkta.

Bankarnir góður kostur fyrir fjárfesta

Hörður Sigurjónsson, sérfræðingur hjá VBS fjárfestingabanka ráðleggur fólki að fjárfesta í bönkunum, Landsbanka, Kaupþingi og Glitni. Hann segir klárlega tækifæri til þess að hagnast á slíkum kaupum í dag en ítrekar að menn verði að horfa til langs tíma. Þetta kom fram í þættinum Í lok dags í umsjá Sindra Sindrasonar.

Færeyingar efstir og neðstir í Kauphöllinni

Gengi fjármálafyrirtækja var að mestu uppávið í Kauphöll Íslands í dag eftir næsta viðvarandi skell í síðustu viku. Gengi bréfa í hinum færeyska Föroya banka hækkaði mest, eða um 4,5 prósent. Á eftir fylgdu Icelandair og Eimskipafélagið. Á eftir þeim fylgdu bankar og fjármálafyrirtæki en gengi þeirra hækkað um tæp eitt til rúmra 2,4 prósenta. Gengi Eik banka lækkaði hins vegar mest í dag, eða um rúm 1,8 prósent.

Iceland Express fjölgar ferðum til London

Iceland Express mun fjölga ferðum í áætlunarflugi sínu milli Íslands og London frá 26. febrúar næstkomandi. Frá þeim tíma mun félagið fljúga ellefu sinnum á viku á þessari flugleið, sem er aukning um tvö flug á viku.

Spáir aukinni verðbólgu í árslok

Greining Glitnis spáir að vísitala neysluverðs hækki um 0,4% milli nóvember og desember, og að í kjölfarið aukist tólf mánaða verðbólga í 5,6% úr 5,2%.

Þróun markaðarins þurrkar út lífeyrisréttindabónus

Lífeyrisþegar í Lífeyrissjóðs verslunarmanna hafa notið góðs af ávöxtun sjóðsins á hlutabréfamarkaðinum undanfarin ár. Þróun markaðrins nú er hinsvegar í öfuga átt og eins og horfir eru engar líkur á lífeyrisréttindabónus eftir árið.

Sterk byrjun í kauphöllinni

Markaðurinn hefur byrjað sterkt í kauphöllinni í morgun. Úrvalsvísitalan hefur hækkað um rúm tvö prósent og stendur nú í rúmlega 6892 stigum.

Skipti hf. semur við tvö innheimtufyrirtæki

Momentum ehf. og Gjaldheimtan ehf. hafa tekið að sér innheimtu fyrir dótturfélög Skipta hf., en stærstu félög Skipta hérlendis eru Síminn, Míla, Já og Skjárinn.

Exista nýtir forgangsrétt sinn í útboði Kaupþings

Fjármálaþjónustufyrirtækið Exista tilkynnir í dag að félagið hefur ákveðið að nýta rétt sinn í væntanlegu forgangsréttarútboði Kaupþings banka.

Kaupin á NIBC frágengin í janúar á næsta ári

Kaupþing banki gerir ráð fyrir að kaupin á hollenska bankanum NIBC verði að fullu frágengin í janúar á næsta ári. Þetta kemur fram í tilkynningu til kauphallarinnar í morgun. Jafnframt segir þar að Kaupþing hyggist gefa út nýtt hlutafé allt að 210 milljón hluti vegna yfirtökunnar.

Stærsti banki Norðurlanda lánar ekki Íslendingum

Stærsti banki Norðurlanda, Nordea, myndi hafna Íslendingi sem óskaði eftir að taka íbúðalán með veði í íslenskri eign. Í kjölfar síðustu vaxtahækkunar á fasteignalánum hefur fréttastofa kannað möguleika Íslendinga á að taka íbúðalán milliliðalaust í erlendum bönkum.

Óttuðust að missa kvóta

Ísfélag Vestmannaeyja hf og Kristinn ehf hafa eignast kauprétt á tæplega þriðjungshlut hlutabréfa í Vinnslustöðinni hf. Í tilkynningu frá Ísfélagi Vestmannaeyja segir að ókyrrð hafi ríkt í kringum Vinnslustöðina og eigndur átt í harðvítugum deilum.

Miklar sveiflur í Kauphöllinni

Talsverðar hreyfingar voru á gengi hlutabréfa í Kauphöllinni í dag, ekki síst á fjármálafyrirtækjum og bönkum. Gengi hins færeyska Eikarbanka hækkaði um 3,8 prósent á meðan gengi 365 féll um 4,67 prósent.

Meirihluti innlána bankanna kemur að utan

Meirihluti innlána íslensku bankanna, eða 51 prósent, kemur frá erlendum aðilum eftir því sem Fjármálaeftirlitið greinir frá.

Ölgerðin kaupir Sól

Ölgerð Egils Skallagrímssonar hefur keypt ávaxtasafaframleiðandann Sól sem er aðeins þriggja ára gamalt fyrirtæki

Atorka hagnast um 2,7 milljarða á þriðja ársfjórðungi

Atorka Group hagnaðist um 2,5 milljarða króna á fyrstu níu mánuðum ársins samkvæmt uppgjöri sem birt er í Kauphöll Íslands í dag.

Útilokar ekki kreppu hér á landi

Það er ekki útilokað að hér muni skella á kreppa. Þetta segir Dr. Jón Daníelsson, dósent við London School of Economics. Hann segir matsfyrirtækin hafa staðið sig afar illa að undanförnu.

Glitnir byggir jarðvarmavirkjanir í Indlandi og Nepal

Glitnir hyggur á byggingu jarðvarmavirkjana í bæði Indlandi og Nepal samkvæmt viljayfirlýsingum sem bankinn undirritaði í dag.

Álag á skuldatryggingar bankana hefur margfaldast

Álag á skuldatryggingar íslensku viðskiptabankanna hefur hækkað mikið undanfarna mánuði og er nú hærra en áður hefur sést. Hefur það margfaldast frá því í sumar.

Exista leiðir hækkun í dag

Gengi hlutabréfa hefur almennt hækkað í Kauphöllinni í dag. Exista leiðir hækkunina en gengi bréfa fyrirtækisins hækkaði um 2,9 prósent. Bréfin féllu hins vegar um 5,8 prósent í gær. Gengi bréfa í fyrirtækinu stendur nú í 25,28 krónum á hlut og hefur ekki verið lægra síðan í byrjun febrúar á þessu ári.

Atorka eignast tíu prósent í kínversku fyrirtæki

Atorka hefur eignast um tíu prósenta hlut í Asia Environment Holdings (AENV), sem framleiðir vatnshreinsilausnir í Kína. Kaupverð nemur 1,1 milljarði króna en þau hafa staðið yfir undanfarnar vikur. Fyrirtækið er skráð í kauphöllina í Síngapúr.