Dreamliner þotur aftur komnar á loft í Japan

Dreamliner þotur eru aftur komnar á loft í Japan, í fyrsta sinn síðan í janúar þegar allar Dreamliner þotur í heiminum voru kyrrsettar vegna bilunar í rafgeymum þeirra.

Mettap hjá Formúlu 1 liðinu Lotus

Formúlu 1 liðið Lotus tapaði 56,8 milljónum punda eða yfir 10,5 milljörðum króna á síðasta ári. Þetta er mest tap einstaks liðs í sögu Formúlu 1 keppninnar.

Reginn festir kaup á fasteignafélaginu Summit

Undirritaður hefur verið kaupsamningur milli Regins hf. og eigenda fasteignafélagsins Summit ehf. um kaup á félaginu. Kaupsamningurinn er með fyrirvara um samþykki stjórnar Regins hf. sem og samþykki Samkeppniseftirlitsins.

Danskir ellilífeyrisþegar eru orðnir yfir milljón talsins

Danir náðu þeim áfanga um síðustu áramót að fjöldi ellilífeyrisþega þar í landi fór yfir eina milljón einstaklinga.

Meint svik starfsfólks í skattaskjólum könnuð

Rannsókn er hafin á meintum skattsvikum tuga einstaklinga sem störfuðu hjá aflandsfélögum í eigu íslenskra aðila í erlendum skattaskjólum. Rannsóknin leiðir af athugun á félögunum sem slíkum.

Lýsing skoðar réttarstöðu í kjölfar álits frá ESA

Rennir stoðum undir sjávarútveg

Rúnar Jónsson, forstöðumaður sjávarútvegsteymis Íslandsbanka, segir að miðað við sjávarútvegskafla stefnuyfirlýsingar ríkistjórnarinnar virðist vera lögð áhersla á að gera greinina arðbærari og stuðla að meiri verðmætasköpun. Ljóst sé að byggt verði áfram á aflamarkskerfinu þannig að engar meiriháttar breytingar verði frá núverandi kerfi.

Töfraði stelpurnar í háskólanum upp úr skónum

Einar Mikael töframaður skellti sér í Háskólann í Reykjavík og töfraði stelpurnar upp úr skónum með svaklegum spilagaldri og fékk koss í staðinn.

Valitor sagði upp sex starfsmönnum

Kortafyrirtækið Valitor sagði upp sex starfsmönnum í gær. Samkvæmt upplýsingum frá Viðari Þorkelssyni, forstjóra fyrirtækisins, er um að ræða hagræðingaðgerðir sem þurfti að grípa til vegna þess að tekjur fyrirtækisins hafa dregist saman. Sérstaklega tekjur erlendis.

Dómsdags fjárfestar veðja á stórt markaðshrun

Hlutabréf hafa hækkað svo mikið í verði það sem af er þessu ári að fjárfestar eru í auknum mæli farnir að veðja á að markaðurinn hrynji og það í stórum stíl.

Starfsmenn Seðlabankans á hjólum í vinnuna

Seðlabanki Íslands hefur hvatt starfsfólk til að velja vistvæna, hagkvæma og heilsusamlega ferðamáta til og frá vinnu. Í þeim tilgangi hefur verið gerður sérstakur samgöngusamningur við þá starfsmenn sem vilja. Nú þegar hafa 29 starfsmenn bankans gert svona samgöngusamning, en samgöngustefna fyrir starfsmenn bankans var kynnt 8. maí 2012.

Þorgerður Katrín ráðin til Samtaka atvinnulífsins

Þorgerður Katrín Gunnarsdóttir hefur verið ráðin forstöðumaður nýs mennta- og nýsköpunarsviðs Samtaka atvinnulífsins (SA).

Geimflaugaskotpallur NASA til leigu í Flórída

Einn af geimflaugaskotpöllum NASA, Geimvísindastofnunnar Bandaríkjanna, á Canaveral höfða í Flórída er til leigu. Um sögufrægan skotpall er að ræða því hann var notaður til að skjóta á loft fyrstu mönnuðu geimflaugunum sem fóru til tunglsins.

Aukið úrval óverðtryggðra íbúðalána hjá Arion banka

Arion banki býður nú viðskiptavinum tvær nýjar tegundir óverðtryggðra íbúðalána til fasteignakaupa eða endurfjármögnunar.

Sérstakur ákærir eiginmann fyrrverandi ráðherra fyrir skattlagabrot

Sérstakur saksóknari hefur ákært héraðsdómslögmanninn Pétur Þór Sigurðsson fyrir meiriháttar brot á skatta- og bókhaldslögum og undanskot á skatti, trassaskapa við skil á virðisaukaskattskýrslum og fyrir að hafa látið undir höfuð leggjast að færa lögboðið bókhald einkahlutafélagsins Lögfræðistofunnar rekstrarárin 2009 og 2010.

Starfsmenn Landsbankans fá 4,7 milljarða í sinn hlut

Bókfært virði þeirra hlutabréfa sem renna skulu til starfsmanna Landsbankans er 4,7 milljarðar króna.

Kaupmáttur nær stóð í stað í apríl

Vísitala kaupmáttar launa í apríl er 113,8 stig og hækkaði um 0,05% frá fyrri mánuði. Síðustu tólf mánuði hefur vísitala kaupmáttar launa hækkað um 2,4%.

Dýrasta íbúðarhús heims til sölu á 23 milljarða

Dýrasta íbúðarhús heimsins er til sölu en verðmiðinn á því er 190 milljónir dollara eða ríflega 23 milljarða króna.

Ónýt lán upp á 1.600 milljarða ógna spænskum bönkum

Spænskir bankar munu tapa um 10 milljörðum evra, eða um 1.600 milljörðum kr., vegna ónýtra eða lélegra útlána á árinu.

Stærsti hluturinn úr Lego kubbum, X-Wing geimskip á Times Square

Stærsti hlutur sem búinn hefur verið til með Lego kubbum er nú til sýnis á Times Square í New York.

Hagnaður Landsbankans 8 milljarðar á fyrsta ársfjórðungi

Rekstrarhagnaður Landsbankans nam 8,0 milljörðum króna eftir skatta á fyrsta ársfjórðungi ársins 2013, samanborið við 7,7 milljarða króna á sama tímabili í fyrra.

Afkoma Eimskips batnar milli ára

Hagnaður Eimskips eftir skatta á fyrsta ársfjórðungi ársins nam rétt tæpum 400 milljónum króna á fyrsta ársfjórðungi ársins. Þetta er mun betri afkoma en á sama tímabili í fyrra þegar hagnaðurinn nam um 95 milljónum kr.

Fyrrverandi forstjóri Baugs sleppur með skrekkinn - þarf aðeins að greiða 170 milljónir

Hæstiréttur Íslands lækkaði í dag verulega skuld sem Gunnars Sigurðssonar, fyrrverandi forstjóra Baugs, var dæmdur til þess að greiða þrotabúi BGE eignarhaldsfélagsins, en hann var í nóvember á síðasta ári dæmdur í Héraðsdómi Reykjavíkur til þess að greiða 1,7 milljarð króna vegna kaupréttarsamningakerfis Baugs við starfsmenn sína.

Niðursveiflan á alþjóðamörkuðum nær til Wall Street

Niðursveiflan á alþjóðamörkuðum náði einnig til Wall Street þegar þar var opnað fyrir viðskiptin klukkan tvö að okkar tíma.

Dýrasti Aston Martin bíll sögunnar seldur á 600 milljónir

Aston Martin DB4 GT var nýlega seldur á yfir 3,2 milljónir punda eða um 600 milljónir kr. á uppboði hjá Bonhams. Þetta er þar með dýrasti Aston Martin bíll sögunnar.

Ísland hundraðasta vindorkuþjóðin

Alþjóðlega vindorkustofnunin kynnti í ársskýrslu sinni að Ísland hefði á árinu 2012 bæst í hóp þjóða sem nýtir vindorku til almennrar raforkuframleiðslu.

Síldarvinnslan tók á móti tæplega 36.000 tonnum af kolmunna

Kolmunnavertíðinni er lokið hjá Síldarvinnslunni. Alls tók Síldarvinnslan á móti tæplega 36 þúsund tonnum af kolmunna á vertíðinni ef með eru talin 4.034 tonn af sjófrystum kolmunna sem landað var í frystigeymslur fyrirtækisins í Neskaupstað.

FME var óheimilt að krefja fjármálafyrirtæki um greiðslur

Umboðsmaður Alþingis hefur komist að þeirri niðurstöðu að Fjármálaeftirlitinu (FME) hafi verið óheimilt að krefja tiltekin fjármálafyrirtæki um greiðslu kostnaðar vegna athugana stofnunarinnar á lánasöfnum viðskiptabanka, sparisjóða og lánafyrirtækja í kjölfar dóma Hæstaréttar frá því í júní 2010 um lögmæti gengislána.

Hagnaður Arion banka þrefalt minni en í fyrra

Hagnaður Arion banka á fyrsta ársfjórðungi ársins nam 1,4 milljarði króna eftir skatta samanborið við 4,5 milljarða króna á sama tímabili í fyrra.

Vestmannaeyingar saka Magnús Kristinsson um laumuspil

Bæjarráð Vestmannaeyjabæjar segir að það komi á óvart hversu einbeittir kaupandi og seljandi fyrirtækisins Berg-Huginn hafi verið í því að koma í veg fyrir að forkaupsréttur Vestmannaeyjabæjar á fyrirtækinu væri á markvissan máta sniðgenginn. Magnús Kristinsson útgerðarmaður seldi Síldarvinnslunni á Neskaupstað Berg-Huginn fyrir fáeinum mánuðum. Vestmannaeyjabær mótmælti harðlega sölunni og taldi sig eiga forkaupsrétt. Samkeppniseftirlitið rannsakaði söluna um tíma en komst að þeirri niðurstöðu að ekki yrði gripið til ráðstöfunar vegna sölunnar.

Alvogen eykur umsvif sín á Íslandi

Alþjóðlega lyfjafyrirtækið Alvogen heldur áfram að byggja upp starfsemi sína á Íslandi. 30 starfsmenn hafa verið ráðnir á íslensku skrifstofu félagsins frá því starfsemi þess hófst hér á landi árið 2010. Hjá Alvogen samstæðunni starfa nú um 1.800 starfsmenn í 30 löndum.

Niðursveiflan á mörkuðum nær einnig til Íslands

Sú mikla niðursveifla sem var á mörkuðum í Asíu í nótt og í Evrópu í morgun hefur smitast yfir í íslensku Kauphöllina. Íslenska úrvalsvísitalan hefur lækkað um tæplega 1,4% það sem af er degi.

Sala skuldabréfa í útboðum í apríl sú mesta undanfarið ár

Heildarsala skuldabréfa í verðbréfaútboðum í apríl s.l. nam 34,4 milljörðum kr. á söluverði samanborið við 10 milljarða kr. mánuðinn á undan. Salan er sú mesta undanfarið tæpt ár eða síðan í júní í fyrra þegar hún nam rúmlega 16,4 milljörðum kr.

Ný Xbox kynnt til sögunnar

Microsoft kynnti nýju vélina, Xbox One, til sögunnar í Redmond, Washington í vikunni.

Spá óbreyttri verðbólgu í maí

Hagfræðideild Landsbankans spáir því að vísitala neysluverðs lækki um 0,1% milli mánaða. Gangi spáin eftir mun ársverðbólgan vera óbreytt í 3,3% í maí.

Viðskipti með atvinnuhúsnæði 11 milljarðar í apríl

Í apríl s.l. var 55 kaupsamningum og afsölum um atvinnuhúsnæði á höfuðborgarsvæðinu þinglýst og 38 utan þess. Heildarfasteignamat seldra eigna á höfuðborgarsvæðinu var rétt rúmlega 11 milljarðar króna en 787 milljónir króna utan þess.

Nóbelsverðlaunahafi segir það rétt að gera hlé á ESB viðræðum

Edmund Phelps Nóbelsverðlaunahafi í hagfræði segir að það sé rétt ákvörðun hjá Íslendingum að gera hlé á aðildarviðræðunum að Evrópusambandinu. Phelps segir að sú ákvörðun muni verja Ísland gegn mörgum áhættum sem ESB stendur nú frammi fyrir.

Niðursveifla á flestum mörkuðum í Evrópu

Niðursveifla er á flest öllum Evrópumörkuðum þennan morguninn og fylgja þeir þar með í fótspor markaða í Asíu í nótt.

Stofna félag um byggingu hafnar á Dysnesi

Félagið Dysnes Þróunarfélag ehf. verður stofnað í dag til uppbyggingar, markaðsstarfs og kynningar á Dysnesi við Eyjafjörð sem framtíðar hafnarsvæði vegna þjónustu við námu og olíuvinnslu fyrir norðan Ísland.

Angela Merkel er áfram valdamesta kona heimsins

Angela Merkel kanslari Þýskalands er áfram valdamesta kona heimsins. Þetta kemur fram á árlegum lista Forbes tímaritsins um 100 valdamestu konurnar. Merkel var einnig á toppi listans í fyrra.

Heimsmarkaðsverð á olíu lækkar töluvert

Heimsmarkaðsverð á olíu hefur lækkað töluvert eða um tæp 2% frá því í gærdag.

Hrun á hlutabréfamörkuðum í Japan í nótt

Hrun varð á hlutabréfamörkuðum í Japan í nótt. Nikkei vísitalan í Tókýó féll um yfir 7%.

Telja fyrirheit stjórnarsáttmálans um samráð lofa góðu

Aðilar vinnumarkaðarins segja fyrirheit stjórnarsáttmála Sjálfstæðisflokks og Framsóknarflokks um aukið samráð lofa góðu fyrir komandi kjaraviðræður. Helst séu það fyrirheit um aukið samráð varðandi hagsmunamál atvinnulífsins og launþega. Gylfi Arnbjörnsson, formaður ASÍ, segir í samtali við Fréttablaðið að sambandið sé reiðubúið til að eiga samstarf við ríkisstjórnina um þessi mál.

Stefndi kannast ekkert við þennan Gunnar

Sigurjón Þ. Árnason fullyrðir að stefna slitastjórnar Landsbankans hafi verið birt óviðkomandi manni.

Svartsýnir á brátt afnám hafta

Forsvarsmenn stærstu lífeyrissjóða landsins eru svartsýnir á að það takist að afnema gjaldeyrishöftin á næstu árum. Einungis um tólf prósent forsvarsmanna lífeyrissjóða telja að þeir fái á ný heimild til erlendra fjárfestinga á næstu fimm árum.