Húsaleiguverð lækkar í borginni

Húsaleiguverð lækkaði á höfuðborgarsvæðinu í maí miðað við fyrri mánuð. Á vefsíðu Þjóðskrár Íslands segir að vísitala leiguverðs hafi lækkað um 1,7% á svæðinu milli þessara mánaða.

Heimsmarkaðsverð á olíu áfram í frjálsu falli

Heimsmarkaðsverð á olíu er áfram í frjálsu falli. Tunnan af Brent olíunni er komin undir 90 dollara og tunnan af bandarísku léttolíunni er komin niður í tæplega 79 dollara.

Reginn inn í úrvalsvísitöluna

Fasteignafélagið Reginn, sem skráð verður í Kauphöll Íslands þann 2. júlí næstkomandi, mun taka sæti Atlantic Petroleum í OMXI6-úrvalsvísitölunni þegar viðskipti hefjast með bréf félagsins.

Moody's lækkar lánshæfismat 15 banka

Matsfyrirtækið Moody's hefur lækkað lánshæfismat 15 alþjóðlegra banka. Var þetta gert eftir lokun viðskiptamarkaða í Bandaríkjunum í dag.

Tæplega 1.000 hluthafar - Lífeyrissjóður verzlunarmanna keypti mest

Hluthafar Regins hf., að loknu útboði félagsins, 957 talsins, og þar af eru smærri hluthafar, sem ekki eru á meðal 20 stærstu hluthafa, ríflega 33 prósent. Stærsti hluthafinn, að Eignhaldsfélagi Landsbankans ehf. frátöldu, er Lífeyrissjóður verzlunarmanna, með 8,26 prósent hlut.

Álverð lækkað um 30 prósent á einu ári

Álverð samkvæmt opinberum upplýsingum London Metal Exchange (LME) hefur lækkað um ríflega 30 prósent frá því í júlí í fyrra. Staðgreiðsluverð á markaði fór þá í 2.600 dali á tonnið en verðið er nú 1.879 dalir, samkvæmt upplýsingum um síðasta markaðsverð á vefsíðu LME. (sjá hér).

Arnar efast um tölur OECD

Arnar Sigurmundsson, forstjóri Landssamtaka Lífeyrissjóða, segir alrangt að raunávöxtun íslenskra lífeyrissjóða hafi verið neikvæð um 8% á ári að meðaltali frá árinu 2007. Raunávöxtunin að meðaltali er raunar neikvæð ef síðustu fjögur ár eru skoðuð í einu og þar vegur bankahrunið mest. Hins vegar er 8% ekki rétt tala.

Tippa og skafa í símunum með Betware-hugbúnaði

Danir geta nú tippað á íþróttaviðburði með símanum sínum hvar og hvenær sem er eða freistað gæfunnar með skafmiða í nýrri snjallsímalausn frá íslenska hugbúnaðarfyrirtækinu Betware. Þá hefur CIRSA Gaming Corporation á Spáni tekið í notkun leikja- og hugbúnaðarlausn frá Betware fyrir Internet og snjallsímavefi fyrirtækisins á Spáni, að því er segir í fréttatilkynningu frá Betware.

Virði Smáralindarinnar 4,5 milljarðar króna

Virði Smáralindarinnar er um 4,5 milljarðar króna samkvæmt verðmiðanum sem settur var á fasteignafélagið Reginn þegar Landsbankinn seldi 75 prósent hlut í félaginu í byrjun vikunnar. Bankastjóri Landsbankans segist sáttur við hvernig útboðið gekk.

Smásala eykst um 1,4 prósent í Bretlandi

Smásalan í Bretlandi tók kipp upp á við í maí frá fyrra ári um 1,4 prósent. Þetta voru töluvert jákvæðara fregnir en búist hafði verið við, að því er greint er frá í frétt breska ríkisútvarpsins BBC.

Air France segir upp 5.000 starfsmönnum

Franska flugfélagið Air France hyggst segja upp fimm þúsund starfsmönnum á næstunni en aðgerðirnar verða að fullu komnar til framkvæmda fyrir lok árs 2013, að því er segir á vefsíðu Wall Street Journal. Þetta jafngildir um 10 prósent af heildarstarfsmannafjölda flugfélagsins. Rekstur flugfélaga hefur ekki gengið vel undanfarin misser, og hefur gengi hlutabréfa í flugfélögum lækkað á mörkuðum víðast hvar undanfarið ár.

Kaupmáttur launa heldur áfram að aukast

Kaupmáttur launa heldur áfram að aukast á Íslandi. Vísitala kaupmáttar launa í maí er 111,5 stig og hækkaði um 0,4% frá fyrri mánuði. Síðustu tólf mánuði hefur vísitala kaupmáttar launa hækkað um 5,3%.

Heimsmarkaðsverð á olíu hríðlækkar

Heimsmarkaðsverð á olíu hefur hríðlækkað síðan í gærkvöldi eða um 3%. Verðið á bandarísku léttolíunni hefur ekki verið læga síðan í október í fyrra.

Raunávöxtun íslenskra lífeyrissjóða sú versta innan OECD

Raunávöxtun íslenskra lífeyrissjóða frá hruninu og fram til ársins í fyrra er sú langversta meðal allra þjóða innan OECD.

LS Retail semur við Advania

Hugbúnaðarhúsið LS Retail hefur samið við Advania um uppsetningu, hýsingu og rekstur miðlægs búnaðar, ásamt tengdri notendaþjónustu og viðeigandi öryggisráðstöfunum.

Spá því að verðbólgan lækki í 4,9% í júní

Greining Arion banka spáir 0,1% hækkun vísitölu neysluverðs (VNV) í júní. Ef spáin gengur eftir mun ársverðbólgan halda áfram að lækka og verða 4,9% í júní, samanborið við 5,4% í maí.

Landsframleiðslan hérlendis er 10% yfir meðaltali ESB landa

Landsframleiðsla á mann leiðrétt fyrir kaupmætti í hverju landi fyrir sig var 10% yfir meðaltali ESB landanna hér á landi á síðastliðnu ári samkvæmt tölum sem hagstofa Evrópusambandsins hefur birt.

Telja að Spánn þurfi neyðaraðstoð á næstunni

Þrátt fyrir að fjármálaráðherra Spánar hafi þvertekið fyrir það í gærkvöldi að Spánn þyrfti á neyðaraðstoð að halda frá Alþjóðagjaldeyrissjóðnum og Evrópusambandinu eru flestir sérfræðingar sammála um að slíkt muni gerast á næstunni.

Gengi krónunnar var 245 fyrir evru í útboðum Seðlabankans

Alls bárust 49 tilboð að fjárhæð 43,8 milljónir evra í útboði Seðlabankans um kaup á evrum í gærdag. Alls var tilboðum að fjárhæð 23,7 milljónum evra tekið eða sem svarar til rúmlega 3,7 milljarða króna.

Sex bæjarstjórar með yfir 1,1 milljón á mánuði

Bæjarstjóri Garðabæjar trónir á toppnum meðal launahæstu bæjarstjóra landsins með 1.572.711 krónur í laun á mánuði. Þar að auki hefur hann bíl til umráða í embættinu og þiggur greiðslu fyrir setu í einni nefnd upp á 200.000 krónur á ári. Mikið hefur verið rætt um kjör bæjarstjóra í fjölmiðlum síðustu viku. Fréttastofa óskaði eftir upplýsingum um laun og önnur hlunnindi í stærstu sveitarfélögum landsins.

Gengi Haga komið niður fyrir 18

Gengi bréfa í Högum í Kauphöll Íslands er nú fallið niður fyrir 18 en í lok síðasta mánaðar fór gengið hæst í 18,95. Í morgun hefur gengið fallið um 0,83 prósent, eins og sjá má markaðsupplýsingavef Vísis.

Umframeftirspurn eftir hlutabréfum í Regin

Umframeftirspurn var eftir hlutabréfum í fasteignafélaginu Regin hf., dótturfélagi Eignarhaldsfélags Landsbankans ehf., í almennu hlutafjárútboði sem lauk klukkan fjögur í gær. Í útboðinu bauð Eignarhaldsfélag Landsbankans allt að 975 milljónir hluta í Regin til sölu, eða sem nemur 75% hlutafjár í félaginu.

Byggingakostnaður hækkaði um 0,4%

Vísitala byggingarkostnaðar í júní hækkaði um 0,4% frá fyrri mánuði og er nú um 115 stig. Verð á innfluttu efni hækkaði um 1,0%. Á síðustu tólf mánuðum hefur vísitala byggingarkostnaðar hækkað um 5,0%, eftir því sem fram kemur í tölum Hagstofunnar.

Hagstofan mælir minnsta atvinnuleysi í maí í fjögur ár

Samkvæmt Vinnumarkaðsrannsókn Hagstofu Íslands voru í maí 2012 að jafnaði 186.500 manns á vinnumarkaði. Af þeim voru 170.600 starfandi og 15.900 án vinnu og í atvinnuleit. Atvinnuþátttaka mældist 83,1%, hlutfall starfandi 76% og atvinnuleysi var 8,5%. Atvinnuleysi hefur lækkað um 2,5 prósentustig frá því í maí 2011 en þá var atvinnuleysi 11%. Atvinnuleysi hefur ekki mælst lægra í maí mánuði frá því 2008 þegar það mældist 4,3%

Íslandsbanki býður 5 prósent hlut í Icelandair til sölu

Íslandsbanki hf. hefur ákveðið að bjóða til sölu 5% eignarhlut í Icelandair Group hf. Núverandi eignarhlutur Íslandsbanka nemur 19,99%. Endanleg stærð þess eignarhlutar sem seldur verður, mun ráðast af verðtilboðum fjárfesta.

Atlantsolía lækkar verð á bensíni og dísilolíu

Atlantsolía lækkaði verð á bensínlítarnum um tvær krónur í morgun og dísilolíuna um 3 krónur í morgun.

Uppgreiðsla lána sparar ríkinu 4,7 milljarða á ári

Uppgreiðsla Seðlabankans á lánum frá Alþjóðagjaldeyrissjóðnum og Norðurlöndunum mun spara ríkinu um 4,7 milljarða króna á ári í vaxtagreiðslur.

Milljónamæringum fjölgar mest í Noregi

Noregur er það land á Norðurlöndunum þar sem milljónamæringum, mælt í dollurum, fjölgaði mest á síðasta ári.

Dráttarvextir hækka

Dráttarvextir hafa verið hækkaðir um 0,25 prósentur og eru komnir í 12,75%. Þetta kemur fram í mánaðarlegri tilkynningu Seðlabankans um vexti.

Leiðtogar G20 vilja lægri vexti á lán til suðurhluta Evrópu

Ein af niðurstöðum fundar G20 ríkjanna í Mexíkó sem lauk í gærkvöldi var að ríkjum í suðurhluta Evrópu verði gert kleyft að útvega sér lánsfé á lægri vöxtum en þessum ríkjum bjóðast nú á fjármálamörkuðum.

Vísitala íbúðaverðs hækkar áfram í borginni

Vísitala íbúðaverðs á höfuðborgarsvæðinu heldur áfram að hækka. Hún var 336,4 stig í maí s.l. og hækkaði um 0,3% frá fyrri mánuði.

Mjög ánægjuleg tíðindi fyrir samkeppnishæfni Íslands

Stóriðjuframkvæmdir fyrir yfir eitthundrað milljarða króna eru í farvatninu í Þingeyjarsýslum, við tvö kísilver og tvær virkjanir. Landsvirkjunarmenn segja þetta ánægjuleg tíðindi sem staðfesti samkeppnishæfni Íslands. Tvö fyrirtæki, Thorsil og PCC, stefna nú bæði að því að hefja smíði kísilverksmiðju við Húsavík á næsta ári.

Microsoft gerir atlögu að Apple - Surface kynnt til sögunnar

Tæknirisinn Microsoft ryður sér nú til rúms á spjaldtölvumarkaðinum en Steve Ballmer, stjórnarformaður fyrirtækisins, opinberaði hina nýstárlegu Surface spjaldtölvu um helgina.

Fatasala Rauða krossins fjórfaldaðist frá hruni

Fatasala í verslunum Rauða krossins hefur margfaldast á síðustu árum. Frá hruni hefur salan nær fjórfaldast.

Fréttaskýring: Nýmarkaðsríkin komast til enn meiri áhrifa

Spá Alþjóðagjaldeyrissjóðsins fyrir þetta ár gerir ráð fyrir að nýmarkaðsríkin (BRICS), með Indland og Kína í broddi fylkingar, muni standa undir meira en 60 prósent alls hagvaxtar í heiminum. Til BRICS-landanna teljast Brasilía, Rússland, Indland, Kína og Suður Afríka.

Risaviðskipti hjá lyfjasölurisum

Bandaríski smásölurisinn Walgreen tilkynnti í morgun að félagið hygðist kaupa 45 prósent hlut í fyrirtækinu Alliance Boots, sem rekur meira en þrjú þúsund apótek og verslanir í ellefu löndum. Kaupverðið er 4,3 milljarðar punda, eða sem nemur um 860 milljörðum króna. Um er að ræða ein stærstu kaup í smásölugeiranum á alþjóðavísu undanfarið ár.

Facebook að þróa nákvæmustu andlitsgreiningar-tækni heims?

Facebook ætlar að kaupa sprotafyrirtækið face.com. Fyrirtækið sérhæfir sig í að greina og þekkja andlit á myndum. Þannig geta notendur facebook tagg-að vini sína á myndum með því einu að samþykkja tillögur sem forritið gerir.

Verðbólgan 2,8 prósent í Bretlandi

Verðbólga heldur áfram að falla í Bretlandi en hún mælist nú 2,8 prósent, samkvæmt tölum sem hagstofan breska birti í morgun. Verðbólgan fór hæst í 5,2 prósent í september í fyrra, sem skýrðist ekki síst af háu hrávöruverði á alþjóðamörkuðum.

Íslandsbanki braut lög um persónuvernd

Íslandsbanki braut persónuverndalög með útsendingu markpósts sem barst fermingarbarni og foreldrum hans í lok mars, enda eru þau öll bannmerkt í Þjóðskrá. Hjónin gerðu sérstaklega athugasemd við það að pósturinn hefði verið sendur á ólögráða einstakling sem mætti ekki gera fjárhagsskuldbindingar.

Engar áhyggjur af samdrætti í fataverslun

Svava Johansen, eigandi tískukeðjunnar NTC, hefur ekki áhyggjur af samdrætti í fataverslun. Hún hefur fundið fyrir svipuðum samdrætti áður þegar fluggjöld til útlanda lækka og kaupþyrstir Íslendingar hrannast til útlanda í verslunarferðir. "Þetta setur bara pressu á okkur kaupmenn að standa okkur enn betur," segir Svava.

Sterk rök fyrir aðskilnaði viðskipta- og fjárfestingabanka

"Ýmislegt mælir með aðskilnaði viðskiptabanka frá annarri fjármálaþjónustu og erfitt er að benda á haldbær rök gegn slíkum aðskilnaði,“ segir Guðmundur Örn Jónsson, sérfræðingur Fjármálaeftirlitsins á sviði greininga, í grein um aðskilnað viðskiptabanka- og fjárfestingabankastarfsemi, sem birtist í Fjármálum, vefriti eftirlitsins í morgun.

Ríkissjóður Dana getur fjármagnað sig án vaxtakostnaðar

Í fyrsta sinn í sögu Danmerkur eru vextir á ríkisskuldabréfum þar í landi orðnir neikvæðir. Þetta þýðir að ríkissjóður Danmerkur getur fjármagnað sig án vaxtakostnaðar.

Aflaverðmætið jókst um 9,7 milljarða milli ára

Aflaverðmæti íslenskra skipa nam 47,3 milljörðum króna á fyrstu þremur mánuðum ársins samanborið við 37,6 milljarða kr. á sama tímabili í fyrra. Aflaverðmæti hefur því aukist um 9,7 milljarða kr. eða 25,8% á milli ára.

Atvinnuleysi hjá ungu dönsku menntafólki slær met

Atvinnuleysi meðal ungs menntafólks hefur aldrei verið meira í sögunni í Danmörku. Í umfjöllun Berlingske Tidende um málið kemur fram að nær 30% af því fólki sem lauk háskólanámi fyrir ári síðan hefur enn ekki fengið atvinnu við hæfi.

Ferðamannastraumurinn styrkir gengi krónunnar

Gengi krónunnar hefur verið að styrkjast aðeins að undanförnu og er það einkum vegna aukins gjaldeyrisinnstreymis vegna ferðamanna eins og ætíð gerist á þessum árstíma.