Gengi krónunnar var 245 fyrir evru í útboðum Seðlabankans

Alls bárust 49 tilboð að fjárhæð 43,8 milljónir evra í útboði Seðlabankans um kaup á evrum í gærdag. Alls var tilboðum að fjárhæð 23,7 milljónum evra tekið eða sem svarar til rúmlega 3,7 milljarða króna.

Útboðsverðið var ákveðið með þeim hætti að öll samþykkt tilboð voru tekin á sama verði sem var ákvarðað 245 kr. fyrir hverja evru.

Í útboði um kaup á krónum fyrir evrur bárust alls 42 tilboð að fjárhæð 29,0 milljarðar kr. og var tilboðum að fjárhæð 7,5 milljarða kr. tekið. Útboðsverðið var ákvarðað 246 kr. fyrir hverja evru.

Þetta eru nokkuð minni upphæðir en í svipuðum útboðum í apríl s.l.