Fiskafli skilaði 143 milljörðum í þjóðarbúið

Aflaverðmæti íslenskra fiskiskipa fyrstu 11 mánuði ársins 2011 nam 143 milljörðum króna. Það er aukning um 18,3 milljarða króna, samanborið við sama tíma árið 2010, þegar aflaverðmætið nam 125 milljörðum króna. Aukningin nemur 14,7 prósentum. Þetta kemur fram í tölum frá Hagstofu Íslands.

Fimm bankar lána Malcolm Walker 175 milljarða

Fimm stórir bankar munu lána Malcolm Walker tæplega 900 milljónir punda eða um 175 milljarða króna til kaupanna á Iceland Foods verslunarkeðjunni.

Horn á markað í mars eða apríl

Horn fjárfestingafélag hf. verður skráð á hlutabréfamarkað í Kauphöll Íslands í lok mars eða byrjun apríl næstkomandi, samkvæmt upplýsingum Markaðarins. Horn verður annað félagið til að skrá sig á markað frá bankahruni. Þá er búist við því að Eimskip muni skrá sig á markað í september eða október.

Nýr framkvæmdastjóri ráðinn á næstu tíu dögum

Stjórn Framtakssjóðs Íslands (FSÍ) vonast til þess að ráða nýjan framkvæmdastjóra á næstu dögum. Þetta staðfestir Þorkell Sigurlaugsson, stjórnarformaður FSÍ, í samtali við Markaðinn. Finnbogi Jónsson, sem stýrt hafði sjóðnum frá stofnun hans, lét af störfum í byrjun janúar.

Reikna með að 10 milljarðar fáist fyrir Ópið

Ópið þekktasta verk norska listmálarans Edward Munch verður selt á uppboði hjá Sotheby´s í New York.

Skuldatryggingaálag hækkar hjá evrópskum bönkum

Samkomulagið sem náðist meðal fjármálaráðherra evrusvæðisins um nýtt neyðarlán til Grikklands og afskriftir banka á grískum skuldum sem tengjast láninu olli nokkurri hækkun á skuldatryggingaálagi stærri banka í Evrópu.

Gengi Pandoru hrundi í gær

Gengi hlutabréfa í danska skartgripaframleiðandanum Pandoru féll um 9% í gær í kjölfar þess að fyrirtækið birti ársuppgjör sitt fyrir 2011. Virði hlutabréfa Pandoru hefur bein áhrif á virði seljendaláns sem Seðlabanki Íslands veitti nýjum eigendum FIH bankans haustið 2010. Eins og stendur stefnir í tugmilljarða króna tap Seðlabankans vegna veitingu lánsins.

Sjávarklasinn hagkerfinu mikilvægur

Sjávarútvegur og klasi sem myndast hefur í kringum geirann stóðu undir fjórðungi af landsframleiðslu Íslands árið 2010. Þetta er niðurstaða þeirra Ragnars Árnasonar, hagfræðiprófessors við Háskóla Íslands, og Þórs Sigfússonar, framkvæmdastjóra Íslenska sjávarklasans, sem rannsakað hafa þýðingu klasans fyrir íslenskt efnahagslíf.

Stærsta einkavæðing Íslands

Horn fjárfestingafélag hf. verður skráð á hlutabréfamarkað í Kauphöll Íslands í lok mars eða byrjun apríl næstkomandi, samkvæmt upplýsingum Fréttablaðsins.

Hagar voru fyrstir eftir bankahrun

Smásölurisinn Hagar var fyrsta félagið sem skráði sig í Kauphöll Íslands eftir bankahrun. Sú skráning átti sér stað í desember síðastliðnum. Skráningargengið var 13,5 krónur á hlut, en áttföld eftirspurn var eftir hlutabréfunum. Þeir sem fjárfestu í bréfum í Högum hafa þegar ávaxtað fé sitt um rúman fimmtung því að gengi félagsins nú er rúmlega 17 krónur á hlut.

Sveiflur í álverði voru HS Orku dýrar í fyrra

Lækkun á heimsmarkaðsverði á áli kostaði HS Orku tæpa 1,5 milljarða króna á síðasta ári. Auk þess var gengistap fyrirtækisins um 850 milljónir króna. Þessir þættir urðu fyrst og síðast til þess að HS Orka tapaði 937 milljónum króna í fyrra. Þetta kemur fram í ársreikningi fyrirtækisins sem birtur var í síðustu viku.

Grískur harmleikur

Margir önduðu léttar eftir að víðtækri endurskipulagningu skulda og efnahags Grikklands lauk á dögunum eftir þriggja ára karp. Niðurstaða Grikklands, lánardrottna þeirra, Seðlabanka Evrópu, ESB og Alþjóðagjaldeyrissjóðsins er auðvitað gríðarlega íþyngjandi fyrir almenning í Grikklandi, sem sýpur nú seyðið af flónsku og undirferli þeirra sem hafa stýrt ríkinu síðustu árin og áratugina.

Tal þarf að draga verulega saman

Póst- og fjarskiptastofnun (PFS) hefur ákveðið að Tal verði að lækka lúkningargjöld sín úr 12,5 í 5,5 krónur á mínútu. Frá og með næstu áramótum eiga þau síðan að lækka niður í 4,0 krónur á mínútu. Forstjóri fyrirtækisins segir að ákvörðunin setji verulegt strik í reikninginn hjá Tali, sem hefur áfrýjað henni.

HS Orka fyrsta orkufyrirtækið

Fréttablaðið greindi frá því fyrr í febrúarmánuði að Jarðvarmi, félag í eigu fjórtán lífeyrissjóða, hefði ákveðið að auka hlut sinn í orkufyrirtækinu HS Orku í 33,4%. Þetta var fyrst og síðast gert vegna þess að þeir eru vongóðir um að samkomulag náist milli fyrirtækisins og Norðuráls um orkusölu til álvers í Helguvík. Verði af því samkomulagi er það skýr stefna lífeyrissjóðanna að skrá HS Orku á hlutabréfamarkað í kjölfarið.

Um 80 prósent af aflaverðmæti rakið til vinnslu á landsbyggðinni

Tæplega 80 prósent af aflaverðmæti sjávarútvegs á fyrstu ellefu mánuðum ársins í fyrra má rekja til fiskvinnslu á landsbyggðinni. Þetta kemur fram á vefsíðu Hagstofu Íslands, en heildarverðmæti sjávarafurða námu 143 milljörðum króna í fyrra, eins og greint var frá fyrr í dag. Það er 18,3 milljörðum meira en á sama tímibili árið 2010.

Spilavítiskóngurinn einn ríkasti maður heims

Valdamesti maðurinn í Las Vegas er á lista yfir 10 ríkustu menn Bandaríkjanna. Hann er 78 ára gamall og heitir Sheldon Adelson og eru eignir hans metnar á 25 milljarða dollara, eða sem nemur um 3.000 milljörðum króna. Það jafngildir tvöfaldri landsframleiðslu Íslands árlega.

Hækkanir og lækkanir á mörkuðum

Helstu skráðu íslensku félögin sem skráðu eru í kauphöll Íslands lækkuðu lítillega í viðskiptum í dag. Hann lækkaði gengi bréfa í Högum um 0,29 prósent og er gengi bréfa nú 17,5. Gengi bréfa í Icelandair lækkaði um 0,18 prósent og er gengið nú 5,49. Þá lækkaði gengi bréfa í Össuri um 0,79 prósent og er gengið nú 187,5.

Báðu FME þrisvar um að endurreikna áhrif - samt illa undirbúnir

Formaður efnahags og viðskiptanefndar bað fjármálaeftirlitið í þrígang að reikna út áhrif gengislánadóms Hæstaréttar áður en hann féll á miðvikudag. Þrátt fyrir það virðist eftirlitið illa undirbúið undir niðurstöðuna.

Myndir náðust af örgjörva iPad 3

Nú styttist í að Apple kynni næstu kynslóð af iPad spjaldtölvunum vinsælu. Margt er á huldu um spjaldtölvuna en nú hafa upplýsingar tekið að berast frá framleiðanda iPad í Kína.

Greiðslu VBS til TM eftir ríkislán rift

Tryggingamiðstöðin hf. (TM) var í gær gert að greiða þrotabúi VBS Fjárfestingabanka 160,3 milljónir króna auk vaxta vegna afsals eignar úr bankanum á tíma sem TM hafi átt að vera fullkunnugt um bága fjárhagsstöðu VBS. Bankinn fór í slitameðferð nokkrum mánuðum eftir að eignin var færð til TM.

Óheppilegt að málið sé komið í opinbera umræðu

Stjórn FME hefur framlengt frest sem Gunnar Anderssen hefur til að andmæla bréfi sem stjórnin sendi honum fyrir helgi þess efnis að til stæði að segja honum upp störfum. Stjórnarformaðurinn telur óheppilegt að málið sé komið í opinbera umræðu og vill ljúka því sem allra fyrst.

Nefnd frá AGS stödd hér á landi

Sendinefnd á vegum Alþjóðagjaldeyrissjóðsins er nú stödd hér á landi og mun á næstu tíu dögum funda með íslenskum ráðamönnum og meta stöðu efnahagsmála hér á landi.

Ekkert lát á gengisfalli krónunnar

Enn lækkar gengi krónunnar og nálgast gengisvísitalan óðum 223 stig. Hefur gengi krónunnar ekki verið svo lágt miðað við gengisvísitöluna síðan um miðjan maí árið 2010.

Traustar lausnir fyrir fyrirtæki og sveitarfélög

Léttara líf er betra

"Stundum er sagt að feitlagið fólk sé glaða fólkið í samfélaginu, en það er sjaldnast raunin. Það er enginn hamingjusamur þegar aukafitan er orðin svo mikil að dagurinn verður beinlínis vondur; það er vont að reima á sig skóna, fötin passa ekki lengur, allt við líkamann er orðið út fyrir eðlilega ramma og löngunin til að hlaupa á Esju er víðs fjarri á sunnudagsmorgnum. Þá og í slíku ástandi er manneskjan einfaldlega ekki lengur hún sjálf,“ segir Bára Magnúsdóttir, framkvæmdastjóri Dansræktar JSB, spurð um lífsgæði þess að vera í hvaða holdum sem einstaklingurinn sjálfur kýs.

Segir bankanna hafa stundað stórfelld fjársvik

Sveinn Valfells, eðlis- og hagfræðingur, segir að bankar, sem lánuðu til kaupa á eigin hlutafé með þau ein að veði, hafi augljóslega stundað fjársvik. Þetta kemur fram í grein eftir Svein í Fréttablaðinu í dag.

Aflaverðmætið jókst um 14,7% milli ára

Aflaverðmæti íslenskra skipa nam 143 milljörðum króna fyrstu 11 mánuði ársins í fyrra samanborið við tæpa 125 milljarða á sama tímabili 2010. Aflaverðmæti hefur því aukist um 18,3 milljarða króna eða 14,7% á milli ára.

Það er eins hjá Ítölum og mörgum öðrum - klíkan ræður

Samfélagslegur vandi vegna langvarandi atvinnuleysis er vaxandi vandamál á Ítalíu. Ítalir berjast líka við sömu innanmein og margir aðrir sem leita að vinnu nú um stundir. Þeir telja klíkuskapinn ráðu meiru heldur en þekkinguna.

Hagnaður Eyrir Invest var 163 milljónir í fyrra

Fjárfestingarfélagið Eyrir Invest skilaði hagnaði upp á eina milljón evra eða um 163 milljónum króna á síðasta ári. Þetta er umtalsvert minni hagnaður en árið á undan þegar hann nam 52 milljónum evra.

Töluvert dregur úr veltunni á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 72. Þetta eru töluvert færri samningar en nemur meðaltali þeirra á viku undanfarna þrjá mánuði sem er 84 samningar.

Fjórðungur afla í heiminum veiddur eftir kerfi sem Íslendingar hönnuðu

Um það bil fjórðungur af öllum sjávarafla í heiminum er nú veiddur í fiskveiðistjórnunarkerfum að íslenskri fyrirmynd.

ESB skýrsla: Enn mikil hætta á gjaldþroti Grikklands

Leynileg skýrsla sem unnin var á vegum Evrópusambandsins sýnir að þrátt fyrir nýtt neyðarlán sé enn mikil hætta á að Grikkland verði gjaldþrota.

Gjaldeyrisútboð á næstu vikum

Seðlabanki Íslands hefur birt áætlun um tímasetningar næstu þriggja gjaldeyrisútboða sinna í tengslum við afnám gjaldeyrishafta. Stefnir bankinn að því að halda útboð 28. mars næstkomandi, 9. maí og 20. júní.

Andmælaréttur Gunnars lengdur

Stjórn Fjármálaeftirlitsins ákvað á fundi sínum í gærkvöldi að lengja andmælarétt Gunnars Andersen forstjóra við uppsögn hans, fram á fimmtudagskvöld.

Mismunandi spár um þróun verðbólgunnar

Greiningardeildir bankanna telja allar að ársverðbólgan muni lækka lítilega í febrúar miðað við fyrri mánuð. Hinsvegar eru þær ekki sammála um hve mikið verðbólgan muni lækka.

Telja heimild skorta fyrir starfsuppsögn

Gunnar Andersen, forstjóri Fjármálaeftirlitsins (FME), hefur farið fram á að fá rýmri frest til þess að andmæla boðaðri uppsögn hans. Lögmaður Gunnars sendi stjórn FME bréf þessa efnis í gær, þegar rann út frestur sem Gunnari hafði verið gefinn. Stjórn FME fundaði um málið í gærkvöld. Fundinum var ekki lokið þegar Fréttablaðið fór í prentun.

80 milljóna sekt er látin standa

Áfrýjunarnefnd samkeppnismál hefur staðfest ákvörðun Samkeppniseftirlitsins um að sekta Langasjó um 80 milljónir króna.

Sjávarklasinn stendur undir fjórðungi af landsframleiðslu Íslands

Sjávarklasinn, þ.e sjávarútvegurinn og þyrping fyrirtækja utan um hann, stóð á árinu 2010 undir 26 prósentum af landsframleiðslu Íslands.

Stjórn FME fundar enn

Fundur Fjármálaeftirlitsins stendur enn yfir en stjórnin boðaði til fundarins síðdegis í dag til þess að ræða málefni Gunnars Þ. Andersen, forstjóra FME. Honum var sagt upp á föstudagskvöldinu vegna álits sem Ástráður Haraldsson, hrl., og Ásbjörn Björnsson, endurskoðandi, unnu um störf Gunnars.

Krefst ítarlegri gagna vegna fyrirhugaðrar uppsagnar

Gunnar Þ. Andersen, forstjóri Fjármálaeftirlitsins, vill lengri frest til að andmæla fyrirhugaðri uppsögn stjórnar FME. Hann gerir margvíslegar athugasemdir við málsmeðferð stjórnarinnar í tengslum við fyrirhugaða uppsögn en hún barst til Gunnars í boðsendu bréfi að kvöldi föstudagsins 17. febrúar.

Samkeppniseftirlitið skoðar kaupin á hlut í Verdis

Samkeppniseftirlitið ætlar að taka að nýju til athugunar kaup Landsbankans á eignarhlut í fyrirtækinu Verdis. Verdis hét áður Arion verðbréfavarsla. Þetta kemur fram í fréttatilkynningu Samkeppniseftirlitsins vegna málsins.

TVG-Zimsen færir út kvíarnar

Mikill vöxtur hefur verið meðal erlendra aðila í tökum og gerð kvikmynda, auglýsinga og tónleika hér á landi og hefur TVG–Zimsen sett sér háleit markmið um að þjónusta fyrirtæki á þessu sviði í flutningum og tengdri þjónustu. Þetta kemur fram í fréttatilkynningu sem TVG-Zimsen hefur sent frá sér.

Sláandi staðreyndir um samfélagslegan vanda Grikklands

Grikkland gengur nú í gegnum mestu efnahagserfiðleika í sögu landsins. Samkvæmt frásögn breska ríkisútvarpsins BBC og Wall Street Journal, er það talið ráðast endanlega í dag, á fundi með hvort það tekst að afstýra gjaldþroti landsins.

Mætti til vinnu í morgun og fundaði með starfsfólki

Gunnar Þ. Andersen forstjóri fjármálaeftirlitsins kom til vinnu í morgun en hann hefur daginn í dag til að skila andmælum við ákvörðun stjórnar FME sem tilkynnti á föstudag að til standi að segja honum upp störfum.

Nýr framkvæmdastjóri hjá Fjarðaáli

Ingólfur Þór Ágústsson hefur verið ráðinn framkvæmdastjóri kerskálaþjónustu Fjarðaáls. Hann mun stjórna starfsemi skautsmiðjunnar og leiða starf þeirra sem vinna að umhverfistæknimálum álversins.